حب داخل الحرم الجامعي

بارت ٢١

حب داخل الحرم الجامعي
البارت ٢١

جسار لسارا:
سهله اشلون عندك تجفي الاحباب وتعوف الموده وتنكر .... العشره
وتسويها بزعل ما نعرف .. الاسباب وخاطرنه عليك تزعله
... وتكدره بطلنه العتب لن ما يفيد ... عتاب لان تنكر بساع وحجيك
..... تغيره روح وداعة الله ولا تدك
.... الباب وغيابك نعرفه بيوم
...... ونفسره اوديلك
رساله ويه الهوى
الهاب وارسملك
كلب مجروح من ..
قهره عرفتك ما تحب وبالعشك
... جذاب وكلام الشوك تختاره
.... وتسطره يا خايب لا تأمن للوكت
... دولاب يجيك اليحرك كليبك
..... يحيره وتجيني ودمعك من الندم
.... سجاب
بس الخان كلبي ما
....... اعذره
....................................
سارا؛ وشبيها سارا يا زوجة اخوية المحترمة

منير؛ مائدة شحجينا انت بالسنة حسنة تجين هنا واسوين مشكلة

مائدة؛ دااتشاقة والله بس الحبايب يتحسسن مني.. حقي بنت أخوي من ريحة الغالي مااشوفها كل شكم شهر.. هو شبقت لنا من ريحة الغوالي غير حبيبة عمتها رؤى

رؤى؛ خالة عندج كلينس راح ابجي من الحنية

سارا: ماصار شي ام عباس انت تمونين. والبيت بيتج بس احنا من رجعنا لحد هسة مشغوليين كلنه ماعدنا وقت حتى احنا نشاوف... تفضلي نروح للصالون ليش بالمطبخ

مائدة؛ بيتكم عامر.. والله انا گلت لاخوج نروح من وكت اخاف البنات عدهم شغل يسوون الاكل

سارا؛ تسلمين الأكل راح يوصل دلفري

مائدة؛ يايمة انتن ماتجوزن من الاكل التوصاه.. مااخذتن عبره

سارا؛ اطمئني ما دزيته من مطعم اكو مرة بالفرع الثاني تسوينا اكل المناسبات وادز الحمايه يجيبونا أطمئني
لعد الشباب وين ليش ماجوي

منير: مو تعرفين عباس ويه الوالد وهسة هو مدير مكتبه وسجاد بمكتب المحاماه يجون المغرب ان شاء الله

سارا؛ هلا بيهم

رؤى؛ اليوم بيت خالو منير وجدو يتعشون يمنا وخالة حايرة شموصيه اكل سفرة ملوكي وحتى تحسب احساب الحماية بالأكل واني السهرة كلها على اعصابي وخاصة من عباس يتواجد ويايه بنفس المكان لان اعرف يحبني من زمان واني مستحيل اقبل يعيدون التاريخ عليه.. فبعد ما انشال الأكل رحت اشوف ماري سوت جاي ودااحضر وياه صينية الجاي ومن التفتت صار بوجهي عباس
صدگ فزيت

عباس؛ شبيج شفتي عفريت لو جني. شلونج بنت خالي وبنت عمتي.. عاش من شافج

رؤى؛ انت العايش.. اني الحمد الله بعز الخير.. محتاج شي ابن خالي

عباس‌ ؛ سلامتج.. والله يهديج..

رؤى؛ ليش اشفتني مخبلة..

عباس؛ حشاج.. اني جيت اگلج جدو يصيحج.. لا تتأخرين

رؤى؛ ماشي تفضل.. ووصيت ماري على الجاي ورحت للصالون.. ها جدو دزيت ورايه