حب داخل الحرم الجامعي

البارت التاسع

حب داخل الحرم الجامعي
البارت التاسع
هند الصالحي
...........

لا تشكي ﺍﻟﺠﺮﺡ ﻭﺗﻌــﺪ ﺍﻟﺠــﺮﻭﺡ ﻣﺎﺗﻠﻜﻪ ﺍﻟﻴﻀﻤﺪﻙ ﺑـﺲ ﻳﻠﺠـﻤـﻮﻧﻚ ﻭﻻ‌ﺗﺒﺠـــﻲ ﺑﻨﻬــﺮ ﻭﺩﻣــﻮﻋﻚ خ عنك من تلاكيني ماريدك بعد لو انت روحي اتصير وماريدك لون من موت تحييني ملح بعيوني احطن ونسة حتى النوم اخافن بالمنام طيوفك تجييني اذا شافتك عيني وفرحت بملكاك والله اتبره منهه وهاي موعيني واذا صافحك جفي بحجة الخملان اكص اثنين اديه يساري ويميني واذا كالولي حبك يسري بالشريان
ثق بالله اكطع كل شراييني واذا صاير شمس انه ابقه دوم بليل وما ريد الضوة وبلظلمه خليني(منقول)
.................................
رؤى؛ بعد مقابلة استغرقت ساعتين من النقاش وعرض خطط مستقبلية لتوجيه اعلام وادارة العلاقة العامة للشركة تم الموافقة على استلامي ادارة القسم البدء باختيار موظفين واذا كان موظفيهم غير صالحين للعمل نسوي اعلان لخريجي الاعلام حتى ندير القسم بنجاح... وفعلا صبار ومهندس ليث ساعدوني كثير لان صادف وقت تهيئة القسم ويه امتحاناتي وانجبرت الغي حفلة تخرجي وخلصت السنة وتخرجت وبعد مرور اكثر من شهرين اني مامتقابله وجه بوجه ويه جسار لان هو والمهندسين كانوا مشغوليين بوضع اللمسات الاخيرة للنظام الداخلي لمدرستنا الي محد يعرف انه اني اصلا من بيت الناصر.... وبيوم طلب جسار اجتماع لكل رؤوساء الاقسام واني وحدة منهم... واخيرا راح اقابله.. اني مسبقا عرفت الاجتماع هو لاطلاق النظام الامني الجديد وازاله القديم وهذا بحد ذاته يحتاجله شهر فاكيد راح يكلفني احضر شي كدعاية واعلان لشركته بس اني فكرت بشي ثاني راح يفيد الطرفين........
..........
صبار : من عرضت موضوع قسم الاعلام والعلاقات العامة واني كل اسبوع اقدم خطة عمل لجسار ويرفضها.. لحد مامليت واقتنعت انه هو بداخله رافض هذا الشي وبعد شهرين يله الله هداه ووافق واني ماصدگت راسا اتصلت برؤى وحددت موعد وياها وفعلا ابدعت بالمقابله وشهرين ثانية مرت البنيه فعلا تعبت بين كليتها وبين الجامعة واني كل يوم يزداد اعجابي بيها
...............
سارا: رؤى شخبارج الشغل

رؤى؛ والله خالة تعبنا هلشهرين بس الحمد الله رتبت عمل القسم واني استلمت ادارته. بس اليوم اروح للجامعة اخذ تأييد تخرج.. المدير الغثة يريدها

سارا: ههههه انت كلهم عندج غثة وانت الفقيرة

رؤى؛ والله اني فقيرة.. يلله تاخرت كلش.. اگول جدو ماجا لبارحة

سارا : لا احتمال الجمعة يجي... ونروح لبيت خالج عمتج عازمتنا على العشا

رؤى؛ تمام..يعني نبات هناك لو نرجع

سارا: لا مااعتقد اگدر ابات لان كلش دااتعب بالمدرسة واليوم الشركة المسؤولة عن الحمايه بلغونا بعد اسبوع راح يبدون تنصيب اجهزة النظام الجديد..

رؤى؛ زين خالة الطلاب عددهم كثير لو قليل راح نربح لو نخسر

سارا : حبيبتي اني فكرتي من المدرسة يكون جزء من ارباحها صدقة جاريه لامج وابوج الله يرحمهم فمو مشكلة الربح والخسارة المهم نقدم شي يفيد الناس