حب داخل الحرم الجامعي

بارت ٢٨

حب داخل الحرم الجامعي
البارت ٢٨

رائد ابو فتيان - كولوله

أگدر أوصله بس أنتوا روحوله
وباليعجبكم شتردون گلوله

واذا يذكر أيامي بوجها لتضحكون
وعلى رجعتنه واهس لاتسووله

گلوله الگبل فارس أحلامك چان
شاعر مايدور چلمة مگيولة

وأضل لوحدي ولا هو ثاني يصير
الرهم وي غيري مايگعد عليّ طوله

التركني أحچي وي روحي
شرايد أحچي وياه ؟؟
البقى بيناتنا بس ذمة مشكولة

النكرني ودز بطايق هجر للشمات
وگلهَم عايفه ومبروك گلوله

شترجى ببشر بس گتله الله وياك
گامت ما تبين لمعة  حجولة

تركني بدمعتي مبلل
يزعل عادي مايزعل
انا ادري بحظنه مستعمل
يريد أرجع وأحن واشتاك معقولة !

دگلوله الرسايل والصور عشّيت بيها النار
وعلى دخانهن سويت تعلولة
..........................

جسار؛ معقولة جنتي تحبي لهذه الدرجة ووبعدج لابسة الاسود حزن عليه

سارا؛ من سمعت صوته جمدت اوصالي وبردت رغم السنين مازال تأثيره عليه قوي... ومااعرف منين جبت القوة وجاوبته
اهلا استاذ جسار اسعدتنا بحضورك. وتهنئة قلبية لروعة النظام

جسار؛ اعتبر هذا جواب على سؤالي لو تهرب

سارا؛ اني برأي وقت السؤال والجواب جدا متأخر ومايقدم ولا ياخر. وها حتى لا تتصور اني اتهرب منك.. اني مالابسه اسود لان زوجي مات.. اني لابسته لان اني خساراتي بالحياة كثيرة.. وبأثناء ما دانحجي شفت بنية   اجتي باتجاهنا اني عرفتها زوجته فگتله.. مبرووك الزواج ولو متاخرة بس لو كنت اعرف كان احلى هدية توصلكم

جسار؛ متاكدة

سارا؛ جدا....

رؤيا؛ حياتي جسار وين صرت عفية بقيت وحدي اني مااعرف حدا... ها انت سارا صح

سارا؛ اي حبيبتي اني.. ليش تعرفيني

رؤيا؛ الحقيقة لا بس اعرف اسمك لانك شريكة جسار وصبار بيحكي عنك كثير

سارا؛ تسلمين حبيبتي  سعيدة بمعرفتك.. اسمحولي المكان مكانكم. لازم اشوف الضيوف

رؤيا؛ شو جسار مابدنا نروح هلا سارونة بتبكي

جسار؛ تمام نص ساعة ونطلع

سارا؛ من داامشي وسمعت زوجة جسار تذكر اسم سارونة بس ماركزت منو هي وليش تبجي وليش يمهم بالبيت وبالطريق شفت صبار.. يارب اخلص من واحد يجي الثاني

صبار؛ ست سارا شلونج

سارا؛ الحمد لله بخير.. وطبعا احب اهنئكم واهنئ نفسي للتصميم والمشروع الرائع