حب داخل الحرم الجامعي

البارت ال١٧

حب داخل الحرم الجامعي
البارت ال١٧
هند الصالحي
.........

تذكرمن لكيتك والعطش واليك وكلتلي امعود اترجاك روييني عصرت اجفون عيني وشلييت دموع وشربتك بديه وانت تدرييني ومن مرني العطش صرت انت جربة ماي كصدتك معتني ومديت جفيني وانت بكل وكاحة وكل صلافة عين درت بجفوفي سم وردت تنهيني تذب نفطك عليه وانه بيه النار وتتحمه اعله ناري و ماتطفيني وصرت محبس بديك وكمت بيه تسوم ساعة تبيع بيه وساعة تشريني اظل خصمك وفضحك حتى من اتموت على كبرك أخطـــــــــــن بايك اسنيني من ياهي اعذرك ....وانت ما معذور سيفك هد علي........ بساعه الشده حسبتك تحبني ...وجبت بيدي الروح بعدها ابنص ......اديه وكمت تتعده ردت مره اجربك.... وانتخيك بيوم على كلبي انتخيتك ......بلكن اترده وكح كتلك وكح ....ويريد احب بذات شجعته ع الي........ وتوكف بسده مرات التحبه تشوف..... منه اشكال وتخلقله الاعذار ....دكول مو قصده وتصد كل الحجي... والنصح من الناس وتتحمل ذنوبه......... وكل خطأ عنده لبس يفاجئك يلبس....... جلد ثعبان ومفصل عليه......... وجايبه بكده مانادم عليك ......الراح خلي يروح ولك صارت قديمه .....الماي وتبده بس نادم علي... شلونه اصدك بيك ونادم ما اخذت.... العبره من وحده وهن اهواي صارن.. ماتبت عالصار يا كلبي شيتوبك...... كافي وتهده غيمه من الدمع يزرعها ....وسط العين وانت ورود....... حمره وتزرع بخده
..............................
فياض؛ ها سالم بشر شنو رد فعلها

سالم: والله يلغالي الخطة لاقت نجاح باهر وكنت متأكد ما راح تصمد گدام تهديدي ومنا المحروس صار له شهر مسجون يعني اني متاكد هي هسة بالسوگ وداتحضر لحفلة باجر

فياض؛ والله كفو.. وشوف باجر لو بعده يوصلنه استدعاء نستلم مهمات جديدة بغداد اثنينا. ومثل مافهمتك الجهة الي انضمينا لها راح تدعمنا بشكل قوي لان هم عرفوا اصلنا وفصلنا ويعرفون النا كلمة هانه ونفيدهم... بس يخلص المهر والاعلان عليه ثاني يوم راح نطلع لبغداد.. بس صدگ سلمته المبلغ كامل

سالم؛ تم والفلوس باجر توصله

فياض؛ على بركه الله

سارا: القرار الي اتخذته لو ينعاد الزمن هم اتخذه الا جسار مااگدر ااذي واحرگ گلب امه عليه.. طلعت ويه امي ومائدة زوجة منير للسوگ حتى نشتري النيشان ذهب وهاي السوالف.. اني كنت من يسألوني اگلهن بكيفكم لان يعرفون غصبا عني كملنا كل الشغلات و رجعنا للبيت وثاني اليوم هم تعاي روحي صالون وهوسة بس اني ماقبلت وهم جاني سالم مثل القضا المستعجل

سارا: خير شرايد. ماتشوف نفسك هواي اخذت عليه وطاب طالع لغرفتي

سالم: زوجتي وبكيفي.. سمعت ماتريدين تروحين صالون

سارا؛ مايحتاج كله مظاهر فارغة گدام الناس.. اثنينا نعرف ليش وافقت يعني ماكو داعي أمثل الحب والغرام بحضرتك

سالم؛ واني مااريد الحب والغرام اني بس اريد تصيرين ملكي واكسر هذا الخشم العالي

سارا: وهسة ممكن تطلع حتى ابدل ونخلص المسرحية من وكت