حب داخل الحرم الجامعي
البارت الخامس عشر
هند الصالحي
وشفت حفل افتتاح جروحي للناس
وشفتك من بعيد بروحي كصيت
من شفتك تطش سنيني والله
لان بيهن حلا حسبالي جكليت
غشيم وكلت مااساوي اليلمون
عزت نفسي ماخلتني لميت
..................................
تزاعلنه
وتعده اعله الزعل مده
وندم وديتله
بس كلشي مـــــاوده
.........................
سأجعل منك حلمي وعالمي الجميل
وساقتحم من اجلك انت المستحيل
وتأكد لن يكون سواك بداخلي بديل
فأنت عشقي ونبض حبي الاول و الأخير
فمهما اقول عنك يا ملهمى فانا عاجزه
عن الوصف والتعبير
فقدر حبك وغلاك يفوق لغه الحب بكثير
احبك حب صادق واراعى فيك الضمير
ويشهد على حبى لك ربى العلي القدير
فان قلبى فى هواك اصبح اسير
فكن بخير يا سيدى لم يكن غيرك
لعرش قلبى امير
وان بعادت بيننا المسافات
واظلمت الدروب والطرقات
ستكون انت قمرى المنير
سنلتقى حتما وربك قادر ييسر كل عسير
.........................................
سارا؛ بالفترة الي بقينا بيها بيت عمي قلت شهيتي للأكل لان كل شخص من يغير روتين حياته وعاداته تتخربط عنده كل الاحوال.. وثم اني ماكنت اگدر اكل اكلهم الدسم والهبيط او اللحم بس بيوم الي ينشوي السمج اكل والا اكتفي بالزلاطة والتمن او اگلي بتيتة والكل تقلد عليه.. فاكيد ضعفت وكنت احس بضعف بدني ونفسي منا دااعيش حياة غير حياتي منا جسار الي مااعرف وين صفى بي الدهر من صار النقاش ويه بابا وكان حاد وفعلا نفسيتي منهارة غصبا عليه علا صوتي لان مااتحملت يقررون مصيري نيابه عني احنا بيا زمن عايشين فمن تجاوزت على فياض واعترف كان خطأ لان الكل اخذ موقف من رسل بأنه هي اطلع اسرار زوجها وبيتها.. فكل توقعي بابا هو الي ضربني واني منا بذاك اليوم اصلا مااكلت شي من الريوگ لحد العشا فقط وكت الغدا اكلت شويه تمن وزلاطة فالضربه كانت كلش قويه بعد ضربه ظابط تحقيق بحيث مالحگت اشوف منو الي ضربني دخت ووگعت ومافتحت عيوني الاو اني بالمستشفى وماما گاعده يمي وتبجي
وگلت بصوت ضعيف
ماما اني وين
سليمة: سارونه حبيبتي حمد الله على سلامتج. ليش يا بنتي مو اگللكم اتقوا شر ابوكم
سارا: اذا الأب بي شر.. لعد منو يجيب لنا الخير ووماما توصل بي الدرجة يضربني گدام الكل شلون بعد ولد عمه مايستقون علينا..
سليمة؛ يا بنتي مو ابوج الي ضربج
سارا: لعد منو
سليمة : اگولج بس ماريد تعصيب
سارا: گولي
سليمة؛ سالم هو الي ضربج
سارا: انكسرت ايده ثم هو شنو دخله ومنو سمحله يضربني ها يعني شلون مانخلص منهم تريدون اصير مثل رسل عايفها بالشهر والاثنين ومگضيها علاقات ويه هاي وذيج لو زواجاته المقطوعة.. وبال١٠ ايام الي يجي لبيته يگضيها صياح َعياط والضرب طبعا متعلمين على الحرام وين يردون الحلال وانتو ساكتين ليش لان ولد عمنا ولان عيب البنية تنفصل وتتطلگ
أنت تقرأ
حب داخل الحرم الجامعي
Roman d'amourكثرت حكايات الحب الجامعية.. لكن هناك حب وحب.. هناك يحب بصدق وهناك من يحب للافتراس... الاحداث مستوحاه من الواقع.. وسرد الاحداث بقلمي......
