حب داخل الحرم الجامعي

البارت ١٨

حب داخل الحرم الجامعي
البارت ١٨
.........................
يمعود تره الكلك بعدني
ارتاحلك جذاب يمعود
وجهات النظر تختلف
باللحظات مو لان رمده العين
..لان شوف الكلب ارمد
وعزيز الشمع بس بالليل
ومن ينطفي كلهه اضوج
مو حبا ..لأن كلشي يصير
اسود يمعود طبع سجين
انه طبعي شما اضعف
عليك اشتد يمعود
.أنه ما ناجرك ياباب الله
يساعد النجار بوجه الباب
من ينرد كبل جنت
انه دايخ بيك اموت عليك
وتردد عليك وعلي تتردد
هسه ما اجي
..ومن تجي بشارعنه
اذا مفتوح بابي لوحده
ينسد يا بلبل ربه وما
غردت فد يوم وبلبل
مشتره وللمشتري
غرد يمعود صحيح
انته حلو كلش حلو
تخبل حلو بلاعد
وحلو طبعك ..
طبع رطبه تصير
احله شما حر الوكت
يشتد بس آنه ضجت منك
...لان حبوك مدري شكد
...........................    

صبار: غردي اسمعج

رؤى؛، شغرد اگولك موضوع مهم.. مو مال تلفون

صبار: زين مايتأجل لباجر

رؤى؛ ابد... شوف شنو رأيك نلتقي بنفس المطعم مالت المرة الي فاتت

صبار: هسة.. اني بالشركة جسار ماموجود ومااگدر اتركها

رؤى؛ لعد انتظر راح اجي للشركة.. مو تروح للبيت.. وفعلا نزلت وطلبت سويج سيارة خالو وطلعت بس بالگوة يله خالو قبل اطلع رغم دنيا كانت مغرب مو نص اليل ووصلت للشركة... سلام.. استاذ صبار بمكتبه بعده

الموظف : نعم ست رؤى موجود

رؤى؛ شكرا.. ووصلت لمكتب صبار...... هلووو صبار

صبار؛ هلاوات. واني اگول الشركة ليش منوره

رؤى؛ ها بدينا..هو لو اخوك كان عنده نص الجراءة الي عندك ماكان وصلنه لهنا

صبلر: شنو قصدج وجسار شدخله  ليش بكل شي وتخلين جسار بالنص

رؤي؛ هو احنا عدنا مشاكل غير جسار...

صبار: والله اخوية مشكلة بس للي يأذيه.. المهم شكو شجابج بهذا الوقت

رؤى؛ اني شسمي

صبار: ههههههه يعني انت جايه من الجادريه لهنا حتى تسألين شسمج.. ليش ماسألتي بالتلفون

رؤى؛ صبار.. مادااشاقه

صبار؛ تدرين بديت احب اسمي

رؤى؛ يعني شلون.. جاوبني

صبار: ماشي.. اسمج رؤى فياض الناصر

رؤى؛ وهذا ماخلاك تفكر بالاسم

صبار؛ طبعا فكرت الف مرة صح بالبداية ماانتبهت بس بعدين ركزت وسألت وعرفت انه سارا تكون خالتج.. مو هذا الي تريدين تگوليه

رؤى؛ صح.. وردت اگولك  خالتي وجسار لحد الان يحبون بعض وحرام الي صار وياهم.. اني اريد تساعدني نقربهم من بعض مثل قبل