حب داخل الحرم الجامعي

البارت الخامس

حب داخل الحرم الجامعي
البارت الخامس

بكل مرارة الواقع

بحرقة جفني الدامع

بحمق تصرّف الأنثى

بسحر حديثها الرائع

أصرّح دون تفكير

بأنك ضوء أيامي

وحفنة عمري الضائع”.

............    .......    ........

كما ينبت العشب بين مفاصل صخرهْ وُجدنا غريبين يوما وكانت سماء الربيع تؤلف نجماً.. ونجما وكنت أؤلف فقرة حب.. لعينيكِ ... غنيتها ! أتعلمُ عيناكِ أني انتظرت طويلا كما انتظرَ الصيفَ طائرْ ونمتُ... كنوم المهاجرْ فعينٌ تنام، لتصحوَ عين.. طويلا وتبكي علي أختها ’

.....................
في بيت السفير السابق عبود الناصر

مدبرة المنزل: صباح الخير استاذ.. الفطور جاهز

استاذ عبود: ماشي الاولاد گعدوا لو بعدهم

المدبرة؛ اي گعدوا ديبدلون.. استأذن حظرتك

استاذ عبود؛ تمام تفضلي انت

منير: صباح الخير بابا

استاذ عبود: صباح النور.. كلكم تاخرتوا ١٠ دقايق.. انتو تعرفون لازم الكل يتواجد على المائده ساعة ٧ الصبح

منير؛ أسف بابا والله كان عندي امتحان وتاخرت بالنوم

استاذ عبود؛ ووين الباقين

البنات ووالدتهم؛ صباح الخير..

الاب والابن ؛ صباح النور

استاذ عبود؛ الساعة ٧ وربع يعني تاخير ربع ساعة مااريد هذا يتكرر مرة ثانية و يا ست الفاضلة انت قدوة لأولادك لازم تعلميهم الانضباط.. المرة الثانية الكل يتعاقب.. مفهوم

الكل؛ مفهوم

سارا؛ بابا وهسة نبدي ناكل لو شلون راح نتاخر...

ست سليمة؛ ابدي ماما السايق داينتظركم... لا تتاخرون

الاستاذ عبود؛ سارا احجي الي تريدين تگولي قبل لا اطلعين

سارا: بابا شلون عرفت اريد اگول شي

رسل: انت ناسيه بابا محامي ويقراه وجوه الناس
الاب؛ عفيه برسل العاقلة. .. وهسة گولي شعندج..

سارا: بابا اني اليوم اتأخر فد ساعتين لان عندي امتحان كلش صعب وزميلتي راح ادرسني

ست سليمة؛ نفس درس دكتور عبد الخالق

سارا؛ اي والله ماما غثيث هو و الماده مالته

استاذ عبود: عيب بنتي تتكلمين عن استاذك بهذا الشكل.. الاستاذ هو اب ثاني لكم مثل ماترفضين احد يتكلم عني بسوء لازم تحترمين استاذك.... ماشي