حب داخل الحرم الجامعي

البارت ال١٩

حب داخل الحرم الجامعي

البارت ١٩
دونك ايامي لها طعم المر
وﻻ اعرف سنيني كيف تمر
اوقات روتينية اقتلها بكر وفر
كلماتك وهمساتك وضحكاتك
هي لي كالشهد في كاس المر
انا احبك لذا انا على قيد الحياة
وهذا هو كل مافي الامر......بقلمي
........................
علا: اخذت سارا ورحنا للسيارة... سلام عليكم.. شلونك مؤيد

السايق: الحمد الله.. خير شبيها ست سارا

علا: مابيها شي مامجاوبه بالأمتحان.. بس عفية مؤيد اخذنا لبيتنا اليوم سارا تبات يمنا

السايق : تأمرين ست علا

علا؛ راح اخابر عمة وابلغها... شلت التلفون واتصلت بعمتي

سليمة؛ الوو

علا؛ هلوو عمة شلونج

سليمة؛ هلا عمة انت شلونج اهلج

علا؛ بخير عمة بس استأذنج سارا اليوم نفسيتها تعبانه راح اخذها وياي للبيت

سليمة: ماشي عمة.. اخذيها انا ادري علتها وين.. شگول عليك عبود طيحت حظ بناتي بهل الزواجات الطايح حظها...

علا؛ شسوين عمه ماكو مهرب..

سليمة ؛ عمة عيوني ديري بالج عليها والله حتى اكل مثل الناس ماتاكل هلبنية

علا؛ ادللي عمة لاتشيلين هم . مع السلامة ووصلنه البيت وبعد السلامات اخذت سارا لغرفتي.. تعاي گعدي واحجيلي شبيج شنو الي صار ووصلتي للانهيار

سارا؛ خلاص ماعاد بي فايدة الحجي.. اني وجسار انتهينا وهذا كافي انه اعلن موتي بيه بس لازم هو هم يصرف نظر عني

علا؛ انت مو اليوم والبارحة خسرتي جسار خسرتي من اول ماوافقتي على خطوبتج من سالم... اي احجي شنو الي دار بينكم

سارا: اني صار اسبوعين مااخلي يشوفني وشافني شكم مرة ويه سالم واليوم ماانتبهت وجا جرني للمكتبة........... وحجيت كل شي لعلا

علا؛ الله يساعده اني شفت اثر الراشدي بوجهج گلت المفروض يتحاسب بس بعد هذا الحجي لا زين منه بس ضاربج راشدي.. تدرين انت شسويتي بالولد.. لج هذا انسان يختلف عن الباقي اخاف عبالج مثل سالم شما تحجين وياه مايحس.. للعلم انت قتلتي وراح تشوفين ردة فعل قوية منه

سارا؛ اعرف اني اريد ابعده عنهم سالم قبل مايحجي شي ذبه شهر سجن ومحد عرف مكانه وين اذا جا واتقدم ممكن يقتلوه... واذا حجيتله هذا دمه حامي يروح يواجه سالم وبابا وهم يقتلوه.. الحل الوحيد اني اموت احسن

علا؛ ربي يصبركم ويساعدكم حبيبتي....

...... رؤى؛ عمو ايوب لحد هنا والامور مابيها شي يخلي جسار ينتحر

ايوب؛ اصبري يابنتي؛؛

رؤى؛ صابره والله بس اني صايرة مااشوف بيتنا َجدو اذا عرف يعلگني. هههه.. كمل عمو