حب داخل الحرم الجامعي

بارت ٢٩

حب داخل الحرم الجامعي
البارت ٢٩
لنفترق قليلاً لخير هذا الحبّ يا حبيبي وخيرنا لنفترق قليلاً لأنّني أريد أن تزيد في محبّتي أريد أن تكرهني قليلاً لنفترق أحباباً فالطّير كل موسم تفارق الهضابا والشّمس يا حبيبي تكون أحلى عندما تحاول الغيابا كن في حياتي الشكّ والعذابا كن مرّةً أسطورة كن مرّةً سرابا وكن سؤالاً في فمي لا يعرف الجوابا لنفترق كي لا يصير حبّنا اعتيادا وشوقنا رمادا

............................
سارا : فتحت عيني بالمستشفى بتعب لوهلة نسيت شنو الي صار حاولت اركز واشوف اني وين وعرفت صوت رؤى من جاوبت سؤالي.. انى وين

رؤى؛ حمد الله على السلامة خالة ماتشوفين شر.. انت بالمستشفى شوية تعبتي البارحة وتخربطتي وجبناج لهنا

سارا ؛ رؤى منو جابني.. اني مادااذكر شي

رؤى؛ اني وخالو جبناج وهسة راح يكمل إلاجراءات حتى نطلع

سارا؛ اكيد الافتتاح تعرقل.. لهذا اني ماحبيت اسوي حفلة اني ماباقي بيه حيل

رؤى؛ خالة حبيبتي مابيج شي كله بسبب التوتر لا اكثر وتعبتي بالمؤسسة...

منير؛ حمد الله على السلامة سارا.. شنو السالفة ترى اني مافهمت هاي ثاني مرة تصير بيج وليش سكرج يرتفع..

رؤى؛ خالو سارا تعبت هلفترة واكو ضغط عليها.. خلي نطلع وبعدين نتفاهم

منير؛ يله حضريها ماعدنا شي... عباس هم ودة جدج للمكتب

رؤى؛ يله خالة تگدرين تمشين خلي نطلع

سارا؛ اي اگدر... كنت بعدني مامتزنة بس اني مااحب المستشفى ولهذا طلعت وقررت ارتاح فد يومين بالبيت وطلبت اصعد بالخانة الورا لان مااگدر اگعد لازم امدد ومن حركة السيارة نمت ماحسيت بشي

منير؛ اكبر خطأ سواه الوالد انه رجع سارا للعراق.. سارا ماعدها ذكريات حلوة هنا وكل ماتبقى هنا راح تتأذى اكثر

رؤى؛ فعلا وخاصة انتو رحتو وانطيتوا المقاولة لشركة جسار.. خالو خالة سارا تعيش تأنيب ضمير لان بسببكم وبسبب الي سويتوا جرحت الولد وسمعته كلام غير حقيقي وأذته  وانفصلوا... علمود تزوج ابن عمها شهر وينقتل بسبب شغلهم ورتبهم شنو الي كسبتها غير اسم ارملة.. يعني لو مامعاندين وجابريها على عمو الله يرحمه ليش توصل لهذا الحال

منير؛ صارت بعد خالو ماتعرفين جدج. زين هي سارا ليش نصابت بالسكر

رؤى؛ خالو ما تذكر مو جانت نايمة بحضن بيبي ومن گعدت تفاجأت بيبي باردة وماتتحرك انصدمت وانقهرت من جتي لهنا وشافت قبر ماما وانعادت عليها ذكرى الي صار وبعد ما رجعلنه من العراق بدت عدها اعراض المرض ومن راجعت دكتور گال  صاير بيها سكر وبعد سنة ونص بدت تحس بوجع قوي ببلاعيمها وراجعنا دكتور وطلعت عدها خلل بالغدة الدرقية وبدات تعالج وانت تعرف الباقي