حب داخل الحرم الجامعي

البارت٢٤

حب داخل الحرم الجامعي
البارت ال٢٤

سليمة؛ اتصل ابو منير عليه وگال اني راح اجي ويه ولد عمامي انت روحي لبيت البنات واستقبلي الخطار.. اني هم بدلت ولبست جبتي وشالي وطلعت طبعا قفلت البوب لان اخذ ميري ويايه.. والسايق وصلني لبيت البنات واشوف الدنيا مگلوبة شرطة وهوسة وعمامنا شنو الصار ماادري نزلت ودخلت واشوف رسل بنتي غرگانه بدمها ونسايبي اثنينهم مكتولين وحتى موظفة الخدمة مكتوله.. ركضت على سارا الي مصدومة وحاضنة اختها وگاعدة
وج سارا شصاير شبيها اختج

سارا: راحت اختي ام منير راحت بعد ماكو رسل ام گلب الطيب.. بعد ماكو رسل الحضن الدافي.. راحت ام بطة.. بعد بطة المن تگولين ماما راحت.. بطة راحو اهلج راحو.

سليمة: اخذت رسل من سارا وحظنتها يمة بنتي المظلومة الماشافت شي بحياتها حسبي الله ونعم الوكيل بالي دمر حياه بناتي حسبي الله ونعم الوكيل بالي خله بناتي يعيشن القهر... رسل.. رسل. ولج ماما جاوبيني.. والله بس تجاوبيني اخذج يمي وماخلي فياض يضربج بعد حتى لو اعوف الدنيا.. وج رسل هان عليج تعوفين بطة وحدها  لج ماگلتي امي اختي شلون اعوفهن

سارا؛ امي بدت تنهار وهي مرة جبيرة وعدها ضغط وصوتها وانهيارها بدا شويه شويه يعلى وبدت تفقد وانوب طبن حباينا مائدة واخواتها اكيد سامعات الخبر قبل بساعة البيت صار عبارة  عن عياط ادور بعيني بطة ماكو هناك واتذكر وگعت من شافت امها وابوها بهذا الشكل واخذها خالي وعلا للمستشفى 

مائدة؛ ولج سارا نهجمن بيوتنا اثنين أخوان يتكتلون  الله اكبر.. شني الصار.. ياخوي يافياض ياخوي يا سالم ولج احجي شصار

سارا؛ مااعرف اني رجعت للبيت ولگيتهم مكتولين

اخت فياض؛ يبوو نهجمن بيوتنا راحوا احزام الظهر.. ياخوي يا سالم بعدك عريس.. عرس الندمانة َلك شگد گلت لك عوفها هاي منحوسه ماتشوف خيرها واخذلك من بنات الديرة.. عاندت يابويه يابوية اخواني راحوا ابوغر بنات عبود

سارا؛ بله هاي شتحجي  وياها صدگ لو گالوا علينا ناقصات عقل الدنيا وين وهاي وين.. اني وامي ماجاوبناهن اصلا وعمتي هي الي جاوبت

العمة؛ ولج شو انت ماتستحين شنو هلحجي مثل ماانتو نكربتوا هم هم نكربوا وها هيه بتهم هم امدده گدامج لا بيها ولا عليها سدي حلگج مااسمع صوت تعيطين تلطمين شسوين سوي بس بدون ماتقللين احترام

سارا؛ وصلت الشرطة واخذوا الجثث وراحو للمستشفى وبعد ٤ ساعات واكيد بواسطة طلعوا تصريح دفن واصلا الشرطة طلعونه من البيت علمود الادلة.... وشمعوا  البيت ورحنا لبيت اهلي.. صح الحمايه ثقة بس لازم  تنعرف ملابسات الحادث... هناك ودگ نقال رسل اخذته بدون علم الشرطة وشفت المطعم هذولة شيريدون

الووو

صاحب المطعم؛ السلام عليكم

سارا؛ عليكم السلام تفضل