حب داخل الحرم الجامعي

البارت السادس

حب داخل الحرم الجامعي

البارت السادس

أتحدّى..

من إلى عينيكِ ، يا سيّدتي ، قد سبقوني

يحملونَ الشمسَ في راحاتهمْ

وعقودَ الياسمينِ

أتحدّى كلَّ من عاشرتِهمْ

من مجانينَ ، ومفقودينَ في بحرِ الحنينِ

أن يحبّوكِ بأسلوبي ، وطيشي ، وجنوني

أتحدّى..
أتحدّاكِ أنا.. أنْ تجدي

وطناً مثلَ فمي

وسريراً دافئا مثل عيوني

أتحدّاهُم جميعا

أن يخطّوا لكِ مكتوبَ هوى

كمكاتيبِ غرامي

أو يجيؤوكِ -على كثرتهم-

بحروفٍ كحروفي وكلام ككلامي
نزار قباني
.............................................
سارا : اليوم عندي امتحان وذاك الشهر رسبت ودكتور عبد الخالق مايرحم احد اليوم على حظي حتى علا تاركتني واني كلش متاخرة.. بدلت سريع وطلعت ويه السايق للكلية.. وصلت يم باب الكلية وانوب اليوم حارس جديد وطلب هويتي واني ناسيتها بالبيت.. هو اليوم فكر من اولها عرفت بيمن صبحت.. الحارس هم اخذله ١٠ دقايق لحد مااقتنع ودخلت ركض للقاعة وفتحت الباب همزين ماوگعت القاعة هدوء حتى نفس الطلاب ماينسمع.. وهاي حالنا من يدخل عبد الخالق افندي... اول ماشافني گال
الدكتور؛ ليش متاخرة الامتحان صار له ربع ساعة من بادي. أمشي طلعي بره يله

سارا: لا عفية استاذ والله الشوارع ازدحام والحارس ساعة حجزني لان ناسيه البطاقة.. الله يخليك دكتور

الدكتور: اطلعي برة سارا عبود اطلعي بره بره.. انت راسبه.. راسبة.. ومحرومة من محاضراتي لنهاية العام

سارا: لا دكتور الله يخليك لا

رسل؛ سارا ولج سارا گعدي فوتي الصلاه اليوم ووراج دوام وامتحان گعدي يله

سارا: هنا اني فزيت.. باوعت لگيت رسل بوجهي... ولان الاحداث الي صارت بعدها مأثره عليه سألت رسل على دكتور عبد الخالق

اگلج رسل وين دكتور عبد الخالق

رسل: واني شمدريني.. غير بيتهم دايكتبلكم اسئله حتى كلكم ترسبون هههههه راح تموتين من الخوف باع وجهج گومي گومي جبانه

سارا؛ عابت ليش تخوفيني... ساعة شگد هسة

رسل؛ ٦ ونص

سارا؛ يمه تاخرت حتى نسيت اسأل رسل شوكت جتي لبيتنا...گمت على السريع من الفراش وسبحت وبدلت وصليت ونزلت على السريع وگلت لبابا ياخذني بطريقه للكليه ومن البيت خابرت علا وهددتها اذا اوصل وما محضرة نفسها اعوفها...فگالت روحي انت اني ابويه يوصلني وفعلا وصلت الجامعة ساعة سبعة ونص.. واول مادخلت وطبعا عدد الطلاب قليل بهذه الساعة عيني جتي على المكتبة وشفت جسار گاعد على المصطبة الي بصفها
..............................
رؤى: انت ملاحظ صار ٣ ساعات گاعدين وانت داتفكر.. شربت كل الگهوة الي بالمطعم.. تعبتني