حب داخل الحرم الجامعي

البارت الرابع عشر

حب داخل الحرم الجامعي

البارت الرابع عشر

قمة الخذلان أن أدخرعمري لكِ،
وأغلف قلبي لأهديه إليكِ،
وأصون عواطفي من الصدأ والتآكل،
لأبقى دائماً على أهبة الاستعداد لكِ
وأنتظرعمركِ أن يشاركني باقي العمر،
فيأتي آخر فتهبينه عمرك راضية مرضية،
ويستولي على مكاني لديكِ،
ولساني يقول قد كنتِ
ولكنكِ الآن لستِ ذات شأنٍ لدي.

قمة الخذلان أن أحدثك عن غدر الأحبة،
فتصبحي أنتِ أول الغادرين في سجل عمري،
أن أحدّثكِ عن خيبات العشاق،
فأصاب منكِ بأكبرالخيبات في جل حياتي،
أن أشكو لكِ ظلم المقربين،
فتكوني أنتِ سيدة الظالمين لقلبي

الخذلان أن أكتب عنكِ وأكتب وأكتب،
فتجمعين حروفي،
تزخرفينها وتهدينها لرجلٍ آخر
وتتفاخرين أمامه
بأنكِ سيدة العشاق لديه..!!!
.......................................
رسل: مرت علينا اربعة اشهر  واحنا بيت عمي بسبب الأوضاع الي مر بيها البلد. لكن كانت اصعب واسوء اربعة اشهر مرت عليه توقعت ماتنتهي  من التعب والالم الي شفته.. اهل فياض ناس صعبة المراس صح والدته متوفيه بس عنده اخت ارملة متشيخة على الكل ومحد يكسر كلمتها.. كانت متعبتني حيل وتحاول بكل الطرق تقنع فياض انه ننتقل للناصرية لان هو دوامه هناك بس مااعرف هو مسكتها بحجة انه  ينتظر سالم وسارا يتزوجون وكلنه ننتقل.. كنت خايفة جدا من هذا اليوم لا يجي.. كان عندي أمل انه سارا اقوى مني وراح تواجه بابا وترفض سالم وترفض العيشة مع ناس تختلف عنا بشكل جذري لكن دائما تتعاكس الأقدار مع رغباتنا.. بلحظة انهارت دفاعات سارا وقبلت واستسلمت للأمر الواقع والتزمت الصمت بعد ان اعلنت الحرب على الكل.. للأسف خسرت الحرب بسهولة واعلنت خطوبتهم رسميا وبيوم الي قررنا نرجع لبغداد كانت سارا زوجة سالم بعقد شيخ وقرروا يعقدون محكمة بأول فرصة ترجع بيها الدوائر لدوامها الطبيعي.. ومثل ماتوقعت فياض انسان متلون ويه مصلحته الشخصية هلمرة استلم منصب اعلى من منصبه شلون وليش محد يعرف
.........................

صبار: صباح الورد للورد

رؤى: صباح النور

صباح: ها اشو بعدج هنا الموظفين طلعوا وراح يبدي الشفت المسائي

رؤى : ليش تسألني ماتسأل اخوك.. هاي رابع خطة عمل اسويها ويرفضها.. ومنا قافل يريد اني الي ادير اطلاق النظام الامني والصف الالكتروني.. قابل اني مهندسة هو اني،  اعلامية.. يعني شنو الهدف من عدم ظهوره قابل يحسدوه

صبار: على كيفج يمعودة ليش تحرگين دمج.. ولا يهمج اني اروح وياج للافتتاح وندير الحملة الأعلامية للعلم اغلب الحملات الأعلامية للشركة اني اسويها مو مشكلة

رؤى؛ وليش مو هو الي يظهر عنده سبب يمنعه..

صبار: رؤى ممكن سؤال