"အရိပ်မဲ့ရဲ့ချစ်ခြင်းတရား"

Ep 21

Unicode...

အချိန်ကား မွန်းလွဲ 2:30 ခန့်ရှိလေပြီ...။
ဘန်ကောက်မှ ချွန်ဘူရီသို့ တစ်နာရီခွဲနီးပါးသွားရမှာဖြစ်သည့်အတွက် နောက်ထပ်နာရီဝက်သာသာကျန်နေသေးသည်။ ကားဘေးမှန်ကိုချမထားသော်လည်း လမ်းတလျှောက်သစ်ပင်ရိပ်လေးများက အေးမြဖွယ်ရာအငွေ့အသက်ကို မြင်ရုံနဲ့ ခံစားရမည်မှာသဘာဝပင်ဖြစ်ပေမဲ့ အသက်လုနေရသောအရိပ်မဲ့တို့အတွက်တော့ အေးချမ်းမနေပေ...။ ထိုရှုခင်းအလှတွေကိုလည်းကြည့်မနေနိုင်အားပါ..။

ရင်ထဲမှာပူလောင်မှုနဲ့ ရတက်မအေးနိုင်သောခံစားချက်တို့က နေရာအပြည့်ယူထားသည်မှာ အားလုံး၏တူညီသောခံစားချက်တစ်ခုလေ...။ ကားစီးနေရင်းမှ အရိပ်မဲ့မှာ ဘယ်လောက်ပဲရက်စက်နေပါသော်လည်း အမှတ်စဥ်တွေကို နေသာရဲ့လားတွေးကာ မသိမသာကြည့်မိသည်။ တကယ်ကိုတန်ဖိုးရှိလွန်းသော တပည့်များကို မိသားစုလို၊ သွေးချင်းတွေလိုပင် အတတ်နိုင်ဆုံး၊ အကောင်းဆုံးပန်းတိုင်ကိုရောက်စေချင်တာမို့...။

အမှတ်စဥ်တွေကို Gulf ဆေးထည့်ပေးပြီး P'Mew ဘေးနားပြန်ထိုင်တော့ Gulfပုခုံးလေးကိုဖက်ထားပေးသည်။ စိတ်မပူနဲ့ဆိုတဲ့သဘော...။ ဟူး...အေးအေးချမ်းချမ်းဖြစ်ပါစေလို့ ဆုတောင်းရုံမှတပါး Gulf ကူညီနိုင်တာမရှိဘူးပဲ...။

*•. *•. *•. *•. *•. *•. *•. *•. *•. *•. *•. *•. *•. *•.

At the Port of the Chonburi,
Time is 3:00 pm,

ပင်လယ်ပြင်မဟုတ်သော်လည်း သေးငယ်သောအနားသတ်ဖြူလွှလွှလေးတွေရှိတဲ့ လိုင်းတွန့်လေးတွေနဲ့ပနံတင့်လှတဲ့ အပြာရောင်မြစ်ရေပြင်ကျယ်ကြီးတခွင်တပြင်က ရှုမောမဆုံးလှပလွန်းတဲ့သဘာဝအလှဖြစ်သလို ဆိပ်ကမ်းတလျှောက်စီစီရီရီရပ်ထားတဲ့ သဘော်များနဲ့ ကုန်တင်စက်တပ်ရေယာဥ်တွေကလည်း ဆိပ်ကမ်းရဲ့သရုပ်ကိုပီပြင်အောင်ပုံဖော်ပေးနေသလိုပင်...။

ဆိပ်ကမ်းရောက်တာနဲ့ အချိန်မဆိုင်းပဲ ကားပေါ်မှဆင်းကာ အသင့်ရှိနေပြီးသား လင်းယုန်ဖြူပေါ်တက်ဖို့ပြင်ကြတော့သည်။ မှန်ပေသည်..လင်းယုန်ဖြူဆိုတာက အရိပ်မဲ့ပိုင် ရေယာဥ်များထဲက အကြီးဆုံးနဲ့ခိုင်ခံ့မှုအရှိဆုံးအမြင့်သဘော်ကြီးပင်...။