Flash Back Start ↩
သော်ခနဲ့ ခွန်းသ အခန်းထဲကို နှစ်ယောက်တွဲဝင်လာသည်... သော်ခထိုင်ဖို့နေရာရှာလိုက်တော့ ဟိုးနောက်ဆုံးခုံရဲ့ ရှေ့ကနှစ်ယောက်တွဲခုံလွတ်နေတာနဲ့ အော်မေးလိုက်သည်...
"အဲ့ ခုံမှာလူရှိလား..."
"အင်း မိုးစက်တို့ထိုင်တာ" လို့ဘေးက ခွန်းသကတိုးတိုးလေးပြောတော့ "Tsk..." စုတ်တစ်ချက်သပ်ပြီး အခန်းထဲကို မျက်လုံးကစားကြည့်လိုက်တော့ ခုနက မိုးစက်တို့ထိုင်တဲ့ ခုံရဲ့ဘေးမှာ ဝတုတ်ဖြိုးအောင်ထိုင်နေတာတွေ့တော့ ...
"ဖက်တီးကောင် မင်းခုံတစ်စုံတောင်းပြီးနောက်ဆုံးတန်းမှာသွားထိုင် သွား... လူကဖြင့်ဖက်တီး ရှေ့မှာထိုင်ချင်နေသေးတယ် ဖယ်...ဖယ်.." ဆိုပြီး လက်မောင်းကနေဆွဲမနေတာမို့ ဖြိုးအောင်မနှစ်ထဲကသော်ခအကြောင်းသိသူပီပီ အမြန်ပဲထပေးလိုက်ကာ အပြင်ထွက်ပြီး ခုံသွားယူလိုက်ရတော့သည်... ကျန်တဲ့သူတွေကလဲလိုက်ကြည့်နေတာမို့ သော်ခကပဲ..
"ဘာကြည့်တာလဲ...မကျေနပ်ဘူးလား" လို့ လူဆိုးဆိုဒ်နဲ့အော်လိုက်တော့ အကုန်ပြန်လှည့်သွားတော့မှ ခုနကဖက်တီးနေရာဝင်ထိုင်ဖို့လုပ်တုန်း ဘေးကခွန်းသကိုမြင်လိုက်တော့..
"မင်းကရောဘာလုပ်နေတာလဲ ကိုယ့်နေရာကိုယ်သွားထိုင်" လို့ပိတ်ဟောက်လိုက်တော့..
"ဟို...ဟို...ငါ...."
"ဘာလဲ...မြန်မြန်ပြော စိတ်မရှည်ဘူးနော်..."
"ဟို...ငါမင်းဘေးမှာထိုင်မလို့ မနှစ်ကလဲမင်းနဲ့ပဲတူတူထိုင်နေကြဆိုတော့လေ...." လို့ မဝံ့မရဲလေးပြောလိုက်သည် ခွန်းသစိတ်ထဲမှာလဲ သော်ခ မငြင်းပါစေနဲ့လို့ဆုတောင်းနေရတယ်...
သော်ခက ခွန်းသကိုတစ်ချက်ကြည့်ပြီး သူထိုင်နေတဲ့ဘေးခုံကိုကြည့်လိုက်တော့ သူတို့နှစ်ယောက်ကိုကြောင်တောင်တောင်လေးကြည့်နေတဲ့ မျက်မှန်နဲ့ ဂျပု ဝေရန်ဖြိုး...
"ဟေ့ရောင် ဝေရန်ဖြိုး မင်းက အရပ်ကပုနေတဲ့ဟာကို ဘာလုပ်ဖို့ အနောက်မှာ လာထိုင်နေတာလဲ သွား..သွား... အရှေ့ခုံမှာသွားထိုင်" လို့ပြောလိုက်တော့ အဲ့ဂျပုကောင်က ဘယ်ချိန်ထဲကပြေးချင်နေလဲမသိ လှစ်ခနဲပဲစာအုပ်တွေ အကုန်ယူပြီးပြေးသွားတာ...
အဲ့တော့မှ ခွန်းသကိုကြည့်ပြီး..
"ဘာလုပ်နေတာလဲ ဝင်ထိုင်လေ" လို့ခပ်တည်တည်ပဲပြောလိုက်သည်...
ခွန်းသလဲ သော်ခကသူ့ကိုမငြင်းဘူးဆိုပြီး အပျော်တွေလွန်ကာ ပြုံးဖြီးဖြီးနဲ့ ဝင်ထိုင်လိုက်တော့သည်...
Flash Back End ...
"အဲ့ဒါပဲ... ဘာသိချင်သေးလဲ" လို့ ဝဏ္ဏအောင်ကမေးတော့ မိုးစက်လဲ..
"သြော်... အဲ့လိုကို.." ဆိုပြီးခေါင်းတညိမ့်ညိမ့်လုပ်ကာဆက်ပြောသည်...
ဒါနဲ့ဝဏ္ဏ မင်းက ကျောင်းသားဟောင်းမလား ခွန်းသနဲ့ သော်ခရဲ့ပတ်သတ်မှု အကြောင်းလေး သိရင်ပြောပြစမ်းပါ.....
