The First Snow

Part-18

Yibo ဖုန်းကို အကြိမ်ကြိမ်ခေါ်နေမိပေမယ့် Ge ဖုန်း မကိုင်ပါဘူး။ ကွင်းထဲမှာ Yibo တစ်ယောက်တည်း ဖုန်းကိုင်ရင်း ဗျာများနေရတယ်။ မတ်တပ်မတ်တပ်နဲ့ အပေါက်ဝကိုပဲ လှမ်းကြည့်ရင်း ဖုန်းကို ခေါ်နေပေမယ့် Geမကိုင်ပါဘူး။ လမ်းမှားနေတာများလား ဆိုပြီး Yibo စိတ်ပူနေမိတာပါ.... ခဏနေတော့ ချောင်ရှင်း Ge က အနားရောက်လာပြီး Yibo ပခုံးကိုပုတ်ကာ...

ချောင်ရှင်း-- ငါထင်တာကတော့ Xiao Zhan Ge မလာဖြစ်လောက်တော့ဘူး ထင်တယ်။

Yibo ကြောင်တောင်တောင်နဲ့ ချောင်ရှင်းကို လှည့်ကြည့် တယ်။ မျက်နှာမကောင်းသလိုပုံစံဖြစ်နေတဲ့ ချောင်ရှင်းကို Yiboနားမလည်နိုင်စွာကြည့်ရင်း

Yibo--Ge က ကျွန်တော့်ကို လာမယ်လို့ ပြောထား တယ်..

ချောင်ရှင်း-- အခုချိန်က အချိန်ကောင်းမဟုတ်သေးဘူး ထင်တယ် Yibo... မင်း အခု Xiao Zhan Geရဲ့ သတင်းတွေ သိပြီးပြီလား..?

Yibo--...??

ချောင်ရှင်း-- ငါသိတာလဲ မကြာသေးဘူး။ ညနေကမှ လူတွေ အပြောများနေတဲ့ သတင်းတစ်ခု ငါသိလာခဲ့တာ.. Xiao Zhan နဲ့ Xun Yi ဆိုတဲ့ နာမည်ကြီးမင်းသမီး တွဲနေတယ်ဆိုပြီး သတင်းဓါတ်ပုံတွေ တက်လာတယ်တဲ့..

ချောင်ရှင်းစကားကြောင့် Yibo အံ့ဩမင်သက်သွား တယ်။ ဒါပေမယ့် အမှန်တရားကို သိနေတဲ့ Yibo အတွက် အခုကိစ္စက သေချာပေါက် ကောလဟာလ သတင်းတစ်ခုဆိုတာ ခန့်မှန်းမိပါတယ်.. Ge နဲ့ အဲဒီ့ မင်းသမီးကြားမှာ ဘယ်လို ပတ်သက်မှုမှ မရှိမှန်း Ge ရဲ့ ချစ်သူ အစစ်ဖြစ်တဲ့ Yibo ကသာ အသိဆုံးပါ...

ချောင်ရှင်း-- ငါထင်တာကတော့ လူတွေ Xiao Zhan Geကို အထင်လွဲနေကြတာ... အနုပညာသမားတွေက ဒီလိုပဲ... မသေချာမရေရာ အခြေအမြစ်မရှိတဲ့ သတင်း တွေ မထွက်တဲ့သူဆိုတာ မရှိဘူး။ မင်းလဲ သိပ် စိတ်ပူ‌မနေ နဲ့... အချိန်က ဖြေရှင်းသွားမှာ...

Yibo ဘာမှမတုန့်ပြန်ခဲ့ပေမယ့် ချောင်ရှင်း Ge စကား က နည်းနည်းတော့  အဓိပ္ပါယ်ရှိပါတယ်။Zhan Ge က အနုပညာလောကမှာကောလဟာလသတင်း အရင်က ထွက်ဖူးတာမဟုတ်လို့ Media သမားတွေ ပိုစိတ်ဝင်စား ပြီး ဘာမဟုတ်တာလေးကို ပုံကြီးချဲ့နေ ကြတာလဲ ဖြစ်မှာ ပေါ့လို့ Yibo တွေးရင်း စိတ်ကို ငြိမ်အောင် ထားလိုက် တယ်။