شياطين الانس

حلقة68

شياطين الانس
اسيل بن ناصر
حلقة 68

....
من يشعرك بأنك بالقاع لا تحاول أن تشعره بشيء ، فقط إدفنه في أسفل  ذاك القاع وامضي 🚶🏼‍♀️ .🌼

.....

بعد يومين كل اللامور هاديه نوعا ما في حوش عمران سجي كانت تحاول اتقرب من بنات بس كانن مش عاطياتها وجه الا ساره الي كانت متعاطفه معاها وتحاول اتسايرها...

بسمه وهي جنب امها في مطبخ..انا ياماما بنوقض ساره منها ماتعطيهاش وجه بس خايفه تشك في نفس وقت سجي قاهرتني ببرودها..

خوله..اسكتي ذبينها مهوطه وساكته اسكتي نا عيني عليها وبعدين البنت في سن مراهقه بالك قالت الي قالته بس اتغيض في صحباتها..

سكتت ع خشت سجي..عميمه كلمتني توا بنت جيران تبي اتجي اتزورني في حوش عادي..

خوله..مرحبتين بيها..

ضحكت سجي..شكرا عميمه..

وطلعت من جنبهم وهي مبتسمه دزت مسج لصحبتها وهي تضحك وفرحانه وخشت للدار..

نعيمه..شنو قلتك لخوله..

سجي..امم وماقالت شي..

نعيمه..به كويس اسمعي جيبها هن في دار معاك خاطي الصاله فاهمه..

سجي..ان شاء الله خلي نبدل شوي وتوصل فريحه..

مر الوقت ووصلت فريحه للحوش اول ماخشت طاحت عينها ع حوش وع فاخمه الي فيه كان حسد والغيره في عيونها رنت ع سجي الي طلعت تسلم وترحب بيها..

فريحه..وين العز الي انتي عايشه فيه فرق كبير بين المكان الي كنتي فيه..

ضحكت سجي..اس قاعدات في صاله راه يسمعك حد سلمي عليهن وخلينا وخليناونخشو ونحكو في داري..

فريحه..به هيا..
خشت سجي وعرفت بفريحه الي سلمت ع خوله وبسمه وامه..

وخشت بيها للدار سكرت باب ضحكت فريحه وقعدت ع صالون..اممم عندك حق ترسمي ع زواج العز هضا نا مستغربه لمن مسيبتي انتي وامك..

سجي قعدت جنبها..من خالي يهدي ربي كان ماطلقها راه توا عيالها من نصيبي بس نحن فيها..

فريحه..به قوليلي شن بديتي اديري..

سجي تضحك..شي بدايه انقرب منها مشيت تاسفتلها وغبيه حسيته صدقت...ههههه

فريحه..وهو شن جو حكيتي معاها..

سجي..لا معش طلبت منها شي بالعكس قعدت نجنب فيه..

فريحه..تمام بكل..مراته شن الشي مميز فيها مخلي هك ايحبها ومتمسك بيها..

سجي..هي حلوة حق بس ممكن خايف عليها من حمل..و

قاطعته فريحه..هي حامل بس انتي ماقتلش..