شياطين الانس

حلقة 56

شياطين الانس
اسيل بن ناصر
حلقة 56

.....

~
#الحياة_تصبح_جميلة ،
حينما تقرر بأن تترك ما يُرهقك و تمضي 🖤

...
طلعت بتول من مربوعه ونار في قلبها وغيره في قلبها يعني هو مانكر ولا حاول يكذب وهي جايا تزور فيا وتغيض فيه بس والله نقهرك ياسلوي مشت شور المطبخ  وقدمت من خدامه كلمتها ..

خدمه ..بس مدام ماما ..

قاطعتها  بتول ..انتي ديري الي قتلك عليه وماما عندي وكان مانفذتي الي نبيه لمي دبشك وبره ..

هزت الخدامه راسها وطلعت بتول تضحك بخبث ..

قعدت ع  صالون مقابله سلوي وهي تضحك ..

كانت سلوي متجاهلتها وهي عارفه كويس ان بتول منغاضه منها ..

....
خش عادل ع حسام وايمن سلم ع حسام الي كان مضايق من وجوده ..

عادل ..حسام ممكن تكلم الوالده بنحكي معاها ..

حسام بغيض ..وشن تبي فيها لو ع موضوع الاول كل شي نصيب نا انقولها لك ..

عادل ..ارجوك عطيني فرصه نحكي معاها ونوعدك بعدها والله والله ماعاد انضايقكم اقل شي نبي نعتذر منها ..

حسام بهدوء ..كلمها ياايمن

خش ايمن نادي ع امه ..

ام ايمن ..كنك شن في ..

ايمن كلمي عمتي خوله يبيها ولدها في مربوعه ..

ام ايمن ..وشن يبي فيها ..

ايمن ..امي الله ايربحك غير كلميها بس ..

ام ايمن وهي رافعه حاجبها ..به هي هي ..

وخشت للصاله ..خوله يبيك ولدك في مربوعه ..

خوله بستغراب ..حسام كنا ان شاء الله خير ..

وناضت ومشت للمربوعه مع ام ايمن الي وصلتها وردت للصاله ..رفعت حاجبه وتنرفزت لما شافت عادل ..

خوله وهي حامقه ..كنك امكلمني شن تبي ..
حسام ..غير اقعدي ياامي عادل بيحكي معاك ..

خوله ..ماعندي معاها كلام نا راه ساكته عليك لاني ضيفه عندكم غير هك راه وريتك قيمتك ..

حسام ..غير اهدي ياامي واسمعي وهو قالي بيحكي معاك وبعدها معش يضايقنا ..

قعدت خوله جنب ولدها وايمن طلع وخله عادل معاهم ..

عادل نزل راسه وهو يحكي ..نا عارف اني غلطت واجد وان الي فيه بسمه مني بس الانسان خطاء بطبعه وانا غلطت واكبر غلطه درتها لما فرطت ببسمه نا ياعمتي نبيك تعذريني والله سبب فسخه الخطوبه   من بسمه كلام صبايا ..

خوله ..وانت معطيهن وذنك الي ايقولنها اديرها عاد ..وطبعا منهم بتول اختك هي سوسه وهي الي خلاتك تفسخ والي اضحك انها هي الي خشت في عيله وانت تبعتهن عاد ..