شياطين الانس

حلقة 15

أنـا مانتعوض ، الجُـملة اللي ديمـه نخـتّم بيها في الكـلام مع أيّ حـد طلع من حـياتي ، مـش ثقّـة زيادة على اللـزوم ، أنـا زي زيّ أي حـدّ مليـانه عيوب وممكن في منهـا لا تُطاق ، لكن عبـارة على صدق وإخـلاص وإن كُل شيء كنت نقـدم فيه من داخـلي وبمُـنتهى الرضـىَ والحـُب حتىَ على حـساب نفـسي ، البنى أدم ممكن يضيع سنين بآش يلقى شخـص وفيّ ، وحـيدير أي شيء بآش يشوفه فرحـان ، هـذا عليش أنـا مانتعوض

.....

......
اكرم كان ضام ساره لصدره ومبتسم🥰🥰 تمني الوقت يوقف عند اللحظه هذي ابتسم اكرم وبعدها من عليه..

اكرم..🤔🥰 تعرفي مسحبتكش بكايه بصراحه كنت نقول انك شخصيه قويه وصعب انك تبكي..

خبطة ساره ع كتفه😒😒 وهي تضحك😂😂.. مش بكايه نا بس هك هي لحظه اذكرت فيها الي ايضايقني..

ضحك اكرم😂😂.. بس بنعرف حاجه كيف عرفتي ان انا من قرب منك 🤔🤔

ساره.☺️☺️. من عطرك الي يفحفح واصل لاخر الدنيا...

ضحك اكرم😂😂.. اممم مركزه في عطري كويس والله هي راه نا جعت نبي نتغذاء امسحي دموعك وخلينا نمشو..

صبت ساره معاه مسحت دموعه..

اكرم..😔😔 ساره نبيكش تضايقي من بسمه هي بس عصبيه وغيوره راه بس اطيب من قلبها مافيش..

ضحكت 😊😊ساره بين دموعها.. والله مش زعلانه منها انتم توا عيلتي وكلكم خوتي ياريت تقبلوني بينكم..
ابتسم اكرم.😊😊. وانتي منا وفينا وديري فحسابك ان مش بساهل نطلقوك راه..

ابتسمت ساره😊😊 وخشت من باب المطبخ واكرم وخر ومشي شور جنان وين مافي رجاله وهو حاس😪😪 بخيبه امل الي كل يوم اتزيد عنده وان بنت خاله مش مفكره بيه بكل وتعتبر فيه كااخ لها لااكثر ولا اقل...

....
خشت ساره وقابلتها عمتها خوله..
اضبطتها بعد شافت عيونها حمر وجرت الدموع في عيونها تاكدت انها باكيه..

خوله.. بسمه زي اوخيتك هي هك طبعها عصبيه بس والله اطيب من قلبها مافي ماتزعليش منه سلم بنيتي..
ساره وهي تحاول تمسك ادموعها😢😢.. مش زعلانه ياعمتي.. بس اذكرت امي هضا ليش نبكي..

...
بعدته خوله من عليها.. عادي يابنتي زواج قسمه ونصيب راه اهو انا شوفي كم ليا منفصله انا وراجلي وراه رديت لهلي وعيالي صغار وماربهم الا جدهم وقاعدين عايشين مادورو باتهم بكل ولا هو دورهم الدنيا نصيبات..

بعدت خوله من ساره.. هي سلم بنتي نتغذو وكل شي ايهون..

ضحك☺️☺️ ساره لعمتها ومشت معاها شور صاله كانت سهام وسلوي ومرات عمها عمر وبسمه قاعدات ايتغذن قعدت ساره بهدوء بدون ماترفع نظرها لبسمه الي كانت حاقده عليها.. 😡😡
...
سهام كانت تاكل وعيونها ع دار حسام🙄🙄..