شياطين الانس

حلقة 8

....
ـ لسـت مـع احــد ولا افڪـر بـاحــد انـا فعـلاً متـورطــه بـذاتــي ومشغــولــه بـ افڪـاري احـاول ان اصنــع مـن انعـزالــي عـالـم يـرضينــي ...
.
.
.
.....
عند عادل خطيب بسمه...
عادل..توا ياامي مالقيتي تخطبي الاايمن الا بنت خال بسمه...

ام عادل..وكنا خوك شن ناقصه وبعدين انت كنك متعقد..

عادل وهو يحط يده ع عيونه..ماهو ياامي انتي عارفه ايمن وطبعه وكم مره تخطبيله مايصير شي ماتحشمنيش مع عرب ياامي انقانك شوفي عرب اخري..

ام عادل..ياوليدي كل شي قسمه ونصيب وبعدين نا حاسه ان هل بنت من قسمه...

نزل ايمن من فوق ايسقم في دبشه..كنا عادل منفصل..

عادل فنص في خوه..توا من قلة العرب بتخط بنت خال خطيبتي..

ايمن ضحك..وانت كنك زعلان وحامق بنفهم نا..
عادل..ملهو ياايمن انت موضيع هذين بالنسبه لك لعب وتمشيت وقت وبالجو هك نبيكش تحشمني مع اكرم..

ايمن..اووووه خويا الكبير مستعر مني وسع بالك انا لا نبي نخطب ولا سو نا كل موضوع امك عجبتها البنت وقالتلي توا نكلمهم عليها ونديرو مقابله كان في قبول نخطبها كان هذا كل حد في حاله..

.....
عادل به ان شاء الله خير وخلاص..

ايمن..نا طالع تبو حاجه..

ام عادل..سلامتك ياباتي غير ماطولش بس..

.....
نجو عند سندس...

فتحت جميلة باب وهي تتاوب..اف سندس كنك يابتي قريب كسرتي الباب شن صاير..
سندس خشت وهي لاويه وجها..اسكتي لياوساعتين دزتله مسج ولاوعبرني..

جميله وهي تتاوب اف..توا هضا كلام جايه تقولي فيه انتي تحسابي من بدايه ايجيك ياهمي..

سندس..اف مش هضا الي مضايقني..

جميله وهي تقعد وتلمس في بطنها..اممم امالا شنو..
....
سندس..امي قالتلي خوله بعد عرفتني فسخت قعدت تعزق في كلام وكيف الي مشمته فيا..توا كيف بنعدي للحوش وكيف بنتحمل تعزيق كلام...

جميله..امالا شن بديري قوليلي..

سندس..توا نحاول من بعيد لبعيد كان هذا توا نلقالي حل..

جميله..حتي هضا راي امس هدرزلي وليد مرات خميس نمشو الاستراحه فرصتك..

سندس ضحكت..به تمام بكل خلي ننزل نا توا امي قالتلي طوليش فوق..

جميله وهي تحك في شعرها..به تمام..

....
نزلت سندس لوطا وخشت لدارها وهي تضحك وتفكر وتخطط ليوم الاستراحه وبعدها مسكت تلفون وقلبت الارقام وقفت ع رقم اكرم ولاارديا..اتصلت بيه..

رن مره واتنين وثلاثه..

اكرم..ايوه الو..

سندس وهي تجعون..اهلين اكرم شن حالك..