شياطين الانس

حلقة 9

ضحك اكرم وهو يراقب في ساره الي بعد فطنتله.. ضحكت وقربت منه..

ساره.. مادامك كملت اتصالك تعال قطعلي تفاحه جت النيه فيها...
ضحك اكرم وقطعلها تفاحه الي كانت تبي اتقطعها..
مسكتها ساره وهي تضحك.. ان شاء الله خير صالحة حبيبتك.. ولا مازالت زاعله منك..

اكرم ضحك وكيف الي فرح بسؤالها.. كيف اتغاري انتي..
ضحكت ساره.. انا انغار انت كيف خويا عليش بنغار عليك..
واكرم كان حد ضربه كف عقد حواجبه.. خوك انا خوك صار..

ساره بهدوء.. كلكم خوتي هك بابا قالي وممكن نكونو اصدقاء..
اكرم بنفعال.. بس مستحيل يكون في صداقه بين الشاب وبنت...

ساره.. ليش لا الصداقه اجمل من الحب..

اكرم وانتي حبيتي بيش تقولي هك..

ضحكت ساره.. لا اصلا فتره صعبه مرت عليا بعد طلاق ماما وبابا..

سكت اكرم وهو يفكر في كلامها..

ساره.. ممكن انروحو نحس في روحي ناعسه..

هز اكرم راسه ومشا هو وياها لعند الحوش..

مشت ساره جنب اكرم وهي مش منتبه لعيونه الي بيطلعن وهو يراقب فيها بضيق وهو يفكر في كلامها..

خشو للحوش ورقت ساره لجناح فوق ام اكرم قعد بره ايدخن ويفكر شن يدير..
.....
في حوش محمد بات امل...

اسراء.. امي القهوة واتيه كان بتشيلها امل..
نفخت امل وهي تبرد في اظافرها بلا مبالات.. اف صوبه قصه هو شن جيبه بس..
ام امل.. سكري فمك كثر خيره الراجل جاك بعد الي درته اسمعي بلا طروح وردي لحوشك..

امل وهي حامقه.. ع جثي ولو بترموني في شارع وصبت وكرت صفره من اسراء..

خشت ع مربوعه كان منذر قاعد مع باتها كشخت وحطت القهوة ع طاوله جت بتطلع...

محمد.. امل اقعدي..

تافف وقعدت وهي تفنص في منذر..

محمد.. راجلك جاي بيصالحك بس عنده شروط..
امل بهزوه. وجاي يشرط اخري..

منذر.. كان عاجبك كان هذا انا معش تساعدني العيشه الي هك..
امل.. قول شروطك..

منذر.. اول شي اتقيمي حوشك امي مش ملزومه تفطرني وتغذيني.. حتي دبشي هي الي تبرم عليه نا متزوج ياعمي بيش مراتي هي الي تهتم بهل شي..
امل.. تبي خدامه يعني..
منذر تقلبش كلام هذين التزامات ادير فيهن اي مراءه متزوجه..

ونبي نكون عيله قصه انك ماتبيش تحملي شيليها من راسك..

تاففت امل بملل.. وكان ماوفقتش..

منذر بهدوء.. يبقي درت الي عليا وانتي شوفي حالك ونا نفس شي واهو باتك قاعد بيش يعرف الي نعاني منه..
محمد فنص في بنته.. الكلام الي قاله راجلك هو واجبك وحقه الشرعي  كيف خمس اسنين متحملت وانت ولا يوم درتي واجبك وتوا تشرطي..