شياطين الانس

حلقة 12

الحسد يضيع الفرحة ، ويضيع الصحة ، يضيع راحة البال ، اللهم اڪفينا شر ڪل حاسد 💛.🖐🏻

.....

ساره بعد هدرزتها مع عمتها ملت وطلعت بره قعدت تحت نافوره وهي اتافف تستني في باتها بتقوله ردني للاستراحه جو المشاحنات الي صاير في عيله ماهمهش وهي مش هامها عيله في شي..

حست بحد وراها ابتسمت للانه عارفته اكرم...😊😊..واخير جيت بالله عليك شوف بابا بنرد للاستراحه..

والتفتت تشوف فيه يوسف وكيف ضحك وهو يبحث فيها ويفصل فيها بوقاحه..

ساره بحتث فيه بستغراب في بداية ماجمعتش من بعدين اذكرت ان يوسف خوه سهام وسلوي..وطبعا ساره من طريقه معاملته لخواته معتبرته شخص متخلف لانه بكل بساطه حرم خواته من ابسط الامور..

يوسف..خير ساره شن حالك..

ساره بهدوء..حمد الله كويسه وطنشاته تبي يمشي بس يوسف  قعد مقابله..

يوسف..قالك عمي..

ساره بستغراب..ع شنو بيقولي انا من جيتي ماشفته وندور فيه هو وينه..

يوسف..اكيد عدا مع جدي بعد مازارو مستشفي..مهم شن حالك...

ساره رفعت حاجبها بقله صبر..ماهو قتلك كويسه كنك انت..

يوسف وهو يضحك..يانا عليا كنك متنرفزه..

ساره وهي تصبي وتنفخ..اف محد يقدر يتريح في هل حوش..

وبتلف تمشي حست يد يوسف كرته..ارجي بنحكي معاك ماصدقت حصلتك..

كرت ساره يدها بعصبيه..مافيش بينا كلام وبعدين معش تمد يدك عليا فاهم..

حك يوسف راسه وهو يضحك..كانه لاقي متعه في تهزيب ساره له..به غسر اهدي بس..

ساره وهي تلف عليه وتحط ايديها في نصها..انعم شن تبي..

يوسف وهو يبحث في عيونها..انا كلمت عمي عليك وقالي بيسالك قبل..
ساره بستغراب..كيف كلمته عليا زيد وضحلي..

...
يوسف بتقه..خطبتك منه وقال بيشاورك..

وقبل مايكمل ضحكت ساره بصوت😂😂..شن حسك قلت خطبتني..

يوسف عارفه هازيا بس ماعدلش..وكنك هازيا ولا مش متوقعه حد كيفي يخطبك..

ساره وهي تضحك..ايوه الله بصراحه فرق كبير بيني وبينك في كل شي غريبه يعني ايجي في بالك انك تخطبني..

يوسف وهو يضحك..وليش له شن مشكله..

ساره وهي ضامه ايديها ع صدرها..والله شوف اول شي انت افكارك مختلفه كل الاختلاف عن افكاري انت حارم خواتك ابسط حقوقهن الدراسه وشغل ولبس وكل شي يعني حتي نا نفس شي..

يوسف بستغرب..وكلام هضا من قاله بالعكس الي تبيها حاضر انتي شي وخواتي شي..

ساره بفضول..فهمها ليا هذي كيف يعني..