شياطين الانس

حلقة 66

شياطين الانس
للكاتبة اسيل بن ناصر
حلقة 66

....
بعتقد
أن أسوأ عقاب يمكن إنك تعاقب فيه حد مش إنك "تهينه أو تكرهه" .. هاد أبداً مش عقاب

أسوأ عقاب فعلاً إنك ترده لنقطة البداية ..
أنك اتصير "شخص غريب"
بس مع إضافة بسيطة و هيي "بلا فرصة" ..
فأنت يمكن إنك تتعامل مع الغريب بشكل عادي و يكون عنده فرصة ان يصير قريب منك ،
بس هذاك" استنفذ فرصته ..
إنك تجرده من كل صلاحياته بدون ما تهينه ، أن صار بس ع الهامش بحياتك بعد ما كان كل حياتك ..
لا لا أسوأ من هكي بواجد
أن يعرف بإنك لأي عابر سبيل فرصة أكبر منه هو شخصياً بإن ياخد مكانتك ..
الإهانة و الجدال أسهل ما في الحياة ..
بس العقاب الأرقى انه يحسّو انك ما عاد شفتهن متل ما كنت تشوفهن ..🌼
و أن أفعالهم انطفت بعيونك ..

قال مارك توين ذات يوم:
"أنا لا أنتقم .. بل أعيد الشخص غريباً كما كان" !!🖤.🍂اسيل بن ناصر ...
________________

امل لبست ونزلت وراء فراس وركبت سياره ..

فراس ..اسمعي ساعه كم انجيك انا عندي مشوار ممكن نطول عليك ..

امل بخبث ..عادي خوذ راحتك مهم قبل تجيني رن ع باتي ووقضني بيش انوتي روحي ..

فراس نزل راسه ..امل نا اسف ع تكسير تلفونك مش عارفه وين كان عقلي لما درت هك مهم كان انا مش من حقي اندير هك ..

امل ..عادي فراس افداك تو ان شاء الله نجيب خير منه ..

فراس ..لا انتي غير جيبي عقد شفره وتوا انطلعلك ع نفس شفره واحسن تلفون ايكون عندك اليوم ضحكت امل بخبث ..فراس مالها داعي راه عادي نبيش انتعبك ..

فراس ..لا اصلا نا غلطان..

تباعد ع حوش ..امل ..وين ماشي فراس ..

فراس ..معقول انخششك ع هلك ويدك فاضيه تك شراء شوكلاطه وعصير وتكا ع حلواني شراء حلو....

...

حطها فراس عند هلها وطلع بسياره واتصل بنجلاء ..

نجلاء ..حبيبي اشتقتلك ..

فراس ..وانا اكثر شنو نقدر انشوفك ..

نجلاء بضحكه ..اممم في عشيه طالعه للمول في كافي نتقابلو غادي شن رايك ..

فراس ضحك ..هههه ان شاء الله عشان نحكو براحتنا ...

نجلاء ..تمام ..

وسكرت نجلاء من فراس الي كان بيطير من فرحه ..

...
امل خشت ع هلها وهي تضحك سلمت ع امها وباتها وخواتها ..

سالمه ..ماشاء الله ماشاء الله ان شاء الله ديمه متريحه شن حاله فراس ..

امل مبتسمه ..كويس ياماما عازمين شباب حطني عندكم وعدا ..