شياطين الانس

حلقه 65♡

شياطين الانس
اسيل بن ناصر
حلقه65

.....
فكري لماذا ٱنتِ حزينة ؟
ثم ٱبكي و ٱفرغي غضبك المكتوم
و من بعدها حاولي ٱيجاد الحلول
و ٱن لم لم تجدي ٱركني حزنك جانباً
و ٱنهضي قاومي لا تتوقفي حزنك لن يغير العالم
و لكن عزيمتك بالتأكيد ستغير حياتك
و لربما العالم ٱيضاً من يدري♥️...

.....
سلوي قعدت ع سرير وهي مقهوره وتبكي ضايقها الكلام ضايقها تصرف حسام حست ببطنها قلبه خشت تجري للحمام وهي تستفرغ بقوة والم كانت اتاوه وتالم ...

وبين دموعها والمها حست بصوت تخبيط وعياط حسام ع باب كان يسمع في صوتها انجن ومعش عرف مايدير حس بروحه وهو يكسر في باب وخش للحمام يجري وشافه وهي ماسكه بطنها بقوه وتستفرغ بالم ..
قرب منها ..حبيبي اهدي كنك شن صارلك ..

ومعش حست سلوي الا بدنيه تبرم بيها وطاحت بين ايديه ..

حسام قعد يرعش ومعش عرف شن ايدير غسل وجها وشالها حطها ع سرير وهو يرعش شاف وجه الي كان اصفر ..
فتح شقه ونزل يجري لوطه لاامه ..

كانت خوله في مطبخ ..

خش حسام يجري ..امي امي سلوي طاحت معش عرفت كنها ..

خوله ..بسم الله كنها ..

وطلعت وراء ولدها الي كان يجري ويهلب في دروج ..

خشت للدار وشافتها ممتده وكان وجه اصفر ..قربت منها ..وخذت عطر وبخاته حست بيها تفتح في عيونه ..

سلوي ماحوتك تفتح عيونه ..

خوله ..بسم الله شن تحسي يابيتي كنك..
حسام وهو يطلع في عبايتها ..هي البسي خلي نشيلك للمستشفي ..
سلوي ماحاولت تبحث فيه ..توا نرقد نقعد كويسه ..

حسام ..كيف ترقدي تقعدي كويسه شوفي وجك كيف اصفر ..ياامي احكي معاها نا راه واصل حد اليوم ..

خوله ..اطلع وسكر باب خليني معاها ..

حسام خاف وتردد يطلع بس امه فنصت فيه طلع وهو متوتر وخاف سلوي تحكي ع كلام بتول الي قالته وهو عارف امه لو تعرف ح تمسح بيه الارض قعد في صاله وهو ع اعصابه ومش عارف شن يحكن جو ..

...
خوله ..كنك شن صاير معاك ..

سلوي ..شي ياعميمه بس هك حسيت كبدي زعمك وبطني قلبت رجعت واجد لدرجه اني حسيت بروحي تطلع وماحوتك ناخذ انفسي ..

خوله وهي عارفتها تكذب..يعني مش حسام مزعلك ..

سلوي حاولت ماتبحث في عيونه وتمسك ادموعها ..لا لا .

خوله ..يابنيتي والله كتمان هضا هو الي متعبك احكي شن في ..

سلوي مافي شي الا الي قلتلك عليه ..

خوله وهي تصبي ..امالا يوم تريحي في شقتك ماتنزليش تو اندزلك غذاء باهي ارقي تريحي ..

هزت سلوي راسها وامتدت ع سرير ..