شياطين الانس

حلقة 6

تجملي و تأنقي لا تنحني فأنتي الإجمل بكبريائك
كوني قوية ٱضحكي و لا تجعلي ٱي شيء
يؤثر علىٰ بسمة شفاهك ...فوجودكِ بالحياة كفيل لتكوني سعيدة..

......

حست اسيل بيد لمست كتفها غمضت عيونها وحست بدموعها لنزلو وتمنت ان يكون باتها هو الي جاها ايكون حس بالم بنته وماحاولتش تلتفت للشخص الي وراها لانها مش مستوعبه فكرة ان باتها ضربها ومعش دورها...

....
فكت سمعاتها والتفتت ودموع في عيونها لقاته اكرم ..

اكرم وهو يشوف في دموع في عيونها.. ليش تبكي وكنك طالعه في هل وقت..

....
ساره انفعلت وصبت من مكانها..بسببك انت بابا اول مره ايمد يدها عليا انت شن تبي مني وقعد تبكي انا كنت متوقعه ان زيارتنا فتره وتعدي ونروحو لكن توا بنقعد معاكم لاخر عمر..
وقعدت تبكي وتمسح في دموعها..انت شن تبي مني اها ناوهك طبعي وهك طبيعتي مانبيش نتغير خليني في حالي..

....
اكرم وهو يهدي فيها..به ممكن تهدي ومعش تبكي..شوفي عيونك كيف انتفخو  قعدو كيف الخوخ..

وضحك ساره بحتث فيه وماقدرتش اتشد ضحكته بعد تخيلت شكل عيونها كيف خوخ..

ضحك وهو يبحث فيها..ايوه اضحك والله موضوع مش مستاهل راه خالي المهدي قلبه طيب هو ماانفعل الا لو كنتي غلطتي في كلام..
سكتت ساره بعد اذكرت كلامها لباتها وواطت راسها..

اكرم..اسمعي ياساره انا ماعنديش مشكله معاك في شي انا خوفي عليك كيف خوفي ع بسمه اختي..بالضبط..

ساره قعدت قدام نافوره وسكتت..

قعد اكرم واقف جنبها..ساره يمكن لقاء الي بينا كان في نوع من سوء التفاهم انا هك طبعي حامي عندي غيريه ع بنات عيلتنا ونقصد انت وبسمه لانه انتم عيلتي وحيده وبصراحه انا ماحبيتش نظرت شباب اولاد عم امي..

ساره بهدوء وهي تمسح في دموعها..انت من اول ماروحت وانت حاط راسك من راسي مش عارف ليش...
بحث فيها اكرم وابتسم بشكل غريب خلا ساره ترتبك..يعني انتي مش راسك يابس وتعاندي..

.....
ساره ببراءه..هضا طبعي مش مستعده نغيره..

اكرم..باهي انا والله ماقصدي لا نفرض راي عليك او نغير طبعك بس ليبيا مختلفه عن كندا..

ساره سكتت وسرحت في نافوره..

واكرم قعد يتامل في هدوء الي في ملامحها خليط من براءه طفولة والانوثه.. فيها شي يجذبك ممكن عنادها وراسها المسكر زايدها جاذبيه تامل شعرها المرمي ع كتوفها ونزل بعيونه لفخادها وانتبه انها طالعه  بشرت وسوري..

حول عيونه من عليها وصبا فجاءه هي استغربت هل شي..

ناضت منفجعه..كنك شن في..
ارتبك اكرم..انتي كنك طالعه هك..