شياطين الانس

حلقة 25

التفتت سندس لصوت عمها.. فرحات..

فرحات..السلام عليكم غريب جيت وسبقت خوك تاريته الزوج ايغيره.

سندس..خير ياعمي شن حالك..

فرحات..حمدالله في نعمه..انتي شن حالك وشن داير مؤيد معاك..

سندس..حمد الله
رد مؤيد هي من حيث يغير ايغير ياحاج..

وخش مؤيد وسندس للحوش قابلته امه تضبط وتحب اتقول غاب عليها شهر مش يوم..وبحتث في سندس الي وراه وقلبت وجه.
قدمت سندس سلمت ع عمتها..خير ياعمتي شن حالك..

ام مؤيد..حمد الله شمسك عاليه ياحنه راجلك نايض قبلك وين ماشيه بيه النوم هضا  كله..

بحتث سندس في مؤيد الي كان يضحك..سندس بترد ع خشت منذر ومراته..

مشت ام منذر تجري واضبطت مريم وهي تباركلها وترحب بيها وبعدها رحبت بمنذر وهي تضحك سندس حزت في خاطرها هل لقطه بس سكتت...

قعدو كلهم في صاله وخش قعد معاهم فرحات وبعدها مروان خش سلم ع عرسان والعرايس ورحب بيهم وباركلهم..

كانت ام منذر مجهزه كل شي عباره بس وزعت ع طاوله وساعدها مروان وتفضلو كلهم ع طاوله الاكل..كانت دايره رز بالخلطه وعصبان ونوعين سلطه وخواتها دزتله موالح خمس انواع حطتهن..

سندس كانت تاكل بغيض وهي تشوف في مرات عمها مش معبرتها وترحب بمريم وماعقبت ماقدمتلها وماعزمت عليها..
مؤيد خبط ع كرها وقرب منها يهمس..كنك تاكلي في بعضك..الغيرة تشتغل عندك..

كشخت عليه سندس وطنشاته وكملت وكال..

...
عند اكرم وعمه عمر والمهدي عدو لعنوان الشقه سالو  البواب ع شقه ومفتاحها وطبعا عمر عرف بنفسه ان بات يوسف وفعلا خشو لشقه بعد صلحو سكان بابها وكانت كلها مكسره ع بعضا ومفيش اثر لزوجه يوسف هل شي حط في عقلهم الف سؤال وسؤال خصوصا محد يعرف عنها شي وماكنتش اتخالط في جيران علاقتها بيهم محدوده..

وفي نفس عمارة اتصلت جارة روان الي مقابله شقتها....

روان..ايوه ياعميمه شن حالك..
جارة..حمد الله قتلك هل يوسف اليوم جو للشقه ويسالو عليك..دقو عليا وقالولي وين زوجة يوسف وين يسكنو هلها بس نا درت روحي مانعرف عليك شي..توا سكرو شقه وروحو...

روان بستغراب..هم قالولك زوجة يوسف..غريب معقول يوسف قاللهم عليا..

جارتها..اهو ناقلت نقولك..

روان..به ويوسف وين توا وشن صار فيه..

جارتها..مش عارفه من بعد خذوه شرطه هضا الي صار جو هلي يدورو فيك..وهو مازال ماروح.

روان.تمام شكرا عميمه..توا نا بطريقتي نجيب اخباره..

..
وسكرت منها وهي تفكر زعمك يوسف قاللهم عليا مستحيل هم يمكن قالو الي قالوه بس عشان نرد ويحصلو عليا اها  صح ياروان هو فخ بيش يكملو عليك الي بدا يوسف بس مستحيل نرد مستحيل انا خلاص سيبت كل شي ورايا وفي غربه بنبدا من جديد..