شياطين الانس

حلقة 44

شياطين الانس
للكاتبه اسيل بن ناصر
حلقة 44

...
بعد اذن الظهر الي هناك حمد ع سلامه في حوش فرحات وروح مسك فرحات خوه محمد وحكا معاه قدام منذر..

فرحات..اسمع يامحمد راه مرات منذر طلعت حامل وراه طلاقه الها باطل..ومنذر بيردها هي توا تعتبر حرجانه عند هلها ..

محمد..كيف يعني بتقعد ع ذمته..مش هو طلقها ومعش بيردها وكان طلعت حامل يخليها تجيب ويطلقها ..

فرحات..امالا بيطلق ام ولده ويخلي ولده بلا بات لا والله اصلا طلاقه لها من بدايه غلط..اسمع يامحمد راه منذر ولدي تعارك مع بنتك امل ع موضوع هضا وراه ضربها حتي ضرب عشان طولت السانها عليه ووصفاته ان مش راجل..

محمد..وليش تضرب فيها اها...بنتي معش تبيها حوش بوها مفتوح ايوه بس ضرب معش تضربها هذي بنت عمك عرض مفروض اتصونها يامنذر مش ادير فيها الي ادير فيه توا ..
منذر ..ونا شن درت فيها ياعمي الي تبيه حاضر بس بنتك تعبتني تعاند وتعلي في صوتها ونا معش نقدر نتحملها..
محمد ...مش من حقك تضربها ايوه نا بنتي محد يضربها ..

فرحات بصوت عالي..هو راجلها ومن حقه ايادبها وقت اتقلل ادبها امعاه محمد حط عقلك في راسك وماتمشي بشور الصبايا

محمد وهو مصبي ويعيط..شن اتقول انت يافرحات نا نمشي بشور الصبايا..

وطلع من المربوعه رقيلها وخش لحوشه ولقا امل واحلام ومراته في صاله..

مرات محمد..واخير انست ياباتي تعال شوف بنتك ومصيبتها..تعال شوف راجلها شن داير فيها ..

محمد وهو يخبط..عارف حكالي فرحات وماعندي مانديرلها نا هبلتوني في جرتكم مره تبي تطلق ومره بترد ومره تبيه ايطلق وتوا حرجانه اسمعي ياامل ياتردي لراجلك وترضي بضرتك يااما تطلقي وتريحيني..ايوه ..وخش لدار نوم وخبط الباب ..

مراته وهي تعيط..والاوراق الي عندنا مش نقدرو نحبسوها اها..
طلع محمد من الدار وهو متنرفز ..كلام فاضي راه اول محامي يسقط التهمه انتي وبنتك شن تقولن...راه الي في بالكن عمره مايصير ..

وخش للدار وهو متنرفز وكل مايذكر كلام خوه فرحات يزيد ايتنرفز..

....

مرت محمد كانت متنرفزه هي وامل.
ام امل ..خشي يااحلام لدارك..

احلام..عليش يعني شن بتحكو كل شي عارفته نا..

امل..وشن عارفه يافصعونه..

احلام بتحكي بس فنصت فيها امها ناضت خشت لدارها وهي تنفخ..

امل..ياامي شن ايصير انا راه مش قادره انتحمل هل وضع..ايوه الراجل كش عارفه شن الي قلبه من قبل كيف خاتم في صبعي بس توا معش قدرت عليه صوبا بيدير شخصيه ولا شنو ...