شياطين الانس

حلقه 45

شياطين الانس
للكاتبه اسيل بن ناصر

حلقه 45

....

علمتنــا الحيــاة أن الگثيــرون هم علــي قيد الحياة ، ولگن قليلــون فقــط منهم علــي قيـــد الٱنســـانية 💔🥀

.......
تسارع في الاحداث ...
بعد شهر ..
عند روان وهلها ..

روان واه من روان الفرحه بردتها لحوش هلها خلتها تنسي يوسف وكل شي له علاقه بيوسف..كانت فرحانه بامها ووباتها وبخدمتهم ردت الفرحه لوجهم وقلوبهم بردت بنتهم وهي حسمت امره انها معش تبي يوسف خلاص هي راحتها عند هلها ومع باتها وامها..
كان يوسف يجي للحوش يجيب الي ناقص ويحاول يستميل روان بس هي كانت جامده معاه في تصرفاتها ..

في يوم وكالعاده اتصل بيها يوسف
وللمره الخامسه شافت روان لقاته يوسف تاففت وردت ..نعم يوسف ..

يوسف بشوق ..اشتقتلك ياروان ليش ماتردي عليا ..

روان بضيق ..يوسف خليني براحتي لو سمحت ...

يوسف ..لاامتي روان لامتي سامحيني ..

روان بضيق ..ع شنو بنسامحك وشن بينسيني الي درته فيا يوسف انت توا ردتني لهلي وناوهضا الي نبيه مانبي منك شي غير اطلقني وعيش حياتك وانساني ...

يوسف بنفعال ..روان والله انحبك انا مانقدر انعيش بدونك فكري في لي تقولي فيه ..

روان ..يوسف راه الي نقولك فيه هضا شي الي اتفقت عليه انا وعمي عمر فاطلقني برضاك احسن مااطلقني غصب عنك ..

يوسف سكت وبصوت مغصوص ..براحتك ياروان حاضر ..

وسكر الخط وهو مغصوص ومضايق امتد ع سريره وهو عارف كويس ان ضيع حب حياته بالي داره وان مهم دار ومهم حاول مستحيل روان اتردله ..

....
في حوش اسراء وعادل كان جو متكهرب بينهم عادل كان ايتعمد يطلع من حوش في صبح واسراء راقده وحتي كان ناضت كان كلامه معاها محدود وكان ايروح اخر ليل وهي راقد يعني مكان طايق انه يحكي معاها بكل ..واسراء كانت تزيد تنقهر كل ماعادل ايدز ع رقم وع اساس يحسابه بسمه وكيف يجدا فيها اترد عليه ..

في يوم ناضت اسراء في صبح ع وقت مشيت عادل الي لما شافها رفع حاجبه ..
اسراء ..صباح الخير .
عادل وهو يكمل في لبسه ..صباح النور ..
اسراء ..عادل بنعدي لهلي اليوم ..

عادل ..نا مش فاضي توا نقول لاايمن ايشيلك ..

اسراء ..انت زعلان مني .
عادل وه يقلب في وجه ..وليش نزعل وبعدين انتي ليش تسالي ..

اسراء وهي تحاوب تقرب منه وتدلع ..لانك لك اسبوعين ماتقعد في حوش ولا حتي تقرب مني ..

عادل وهو يباعد عنها ..شغل ع راسي يااسراء مش فاضي ..مهم تو نكلم ايمن ايشيلك ..