شياطين الانس

حلقه 60♡

شياطين الانس
اسيل بن ناصر

حلقة 60

......

‏يارب يسر لنا ما أستصعبته أنفسنا، وافتح لنا أبوابا ظننا أنها أحكمت علينا، سخر لنا أمورنا  إنك على كل شيء قدير 🍁

.......

ساره حست بقلبها انقبض وسالته ..شن قصدك عدا لكندا مش شغلنا غادي كله بابا نقله ليبيا شن يبي ماشي لكندا وبعدين ليش ماقالي ..

اكرم زمط ريقه وارتبك ومعش عرف يحكي ...

ساره بنفعال..شنو اكرم رد عليا بابا كنا عدا وخلاني ..

اكرم بهدوء ..حبيبي شن كلام هذا وانا وين رحت انا  ..اكيد  فتره وايرد ياحبيبي هو سافر مستعجل ..

ساره انهارت وهي تبكي وغطت وجه بيديها ..بابا مستحيل ايعدي ويسيبني بدون ما ايودعني مستحيل  اقل شي كان ايكلمني بالتلفون بس هك ايسافر ومايقولي شي في وراها قصه في شي ..

سكت اكرم وكان مضايق في كل مره ايشوف ادموعها ..

ساره رفعت راسها وبحتث فيه ..نا شن درتلك بيش ادير فيا هك ليش ليش مارفضت ليش ماجيت وحكيت لبابا ..
اكرم قرب منها وقعد جنبها حاول يمسك يدها ويحكي بس هي كرت يدها منه ..

اكرم ..جدي لما عرض عليا هل شي قالي اني لو رفضت ح يقول لغير ح يعرض الموضوع ع غير ساره انا كنت رافض بس انا اكثر شخص نعرف جدي كويس جدي ياساره لو حط موضوع في راسه مستحيل حد ايوقفه انا انا كنت خايف عليك ونبيك اتكون ليا كانت فرصه بتقولي عليا كذاب اناني حقير قولي بس سالتك بالله من يوم ازوجنا عمري ماقللت من قدرك وقيمتك انا مش بس انحبك نا نعشقك نا مهوس بيك ..والله اغتصابي لك وخوفي انك في يوم تعرفي اني مغتصبك كان هم بالنسبه ليا كان خوف من اني نفقدك اكبر همي حبيبي والله والله ان كان مادرت هك كان غيري دارها وكنتي ضعتي مني ..

ساره كانت تسمع فيه وتبكي جزء منها مصدقه وجزء تاني يكابر يبي يقهرها يبي يعذبه ..

اكرم ..حبيبي الي صار ماضي وانتهي ارجوك سامحيني ارجوك ..

ساره ..وهي تنوض من جنبه بنفعال ..مستحيل الي بينا يرد زي قبل انا مش قادره نستوعب انك انت حبيبي الي حبيته فرق بين اكرم الي عرفته وبين اكرم الي كان يجري وراء مصلحته ..

اكرم بنفعال ..افهمي علياا يابنت ناس والله غصب عني والله لو مادرت هك كان غير دار جدي كان مصمم انا انحبك نبيش نفقدك ...

قاطعاته وهي تبكي ..مش قادر اكرم مش قادره ومشت خشت لداره وهي تبكي هي عارفه ومتاكد انه تحبه كيف مايحبها ومستحيل تستغني عنه وعن حبه بس صعب ترد زي قبل محتاجه وقت وسفر باتها شي مخليه مستغربه الي صار ..وخايفه يكون سفر مخطط جديد من مخططت جدها ..