شياطين الانس

حلقة 54

شياطين الانس
اسيل بن ناصر

حلقة 54

....
‏تضيق كأنها لن تتسع،
وتتسع كأنها لن تضيق يوما،
#ويبقي_الحمد_لله_دائما_وأبدا🍂

.....
رن تلفون ايمن في عز تخميم وتفكيره شن ايدير كان عادل  الي  يتصل ..

ايمن رد ..انعم شن مازلت تبي

عادل ..وين قاعدين شن صار في بتول ..

ايمن ..في مستشفي ..و

سكر عادل ونص ساعه كان قدامه في مستشفي اول ماشافه ايمن مسكه من ذراعه وكره نزل بيه تحت وكره شور سيارتها ..

ايمن بعصبيه ..انت وين عقلك ليش ضارب اختك بهل شكل شن دارت هي بيش تضربها هل ضرب  ..

عادل وهو قابض ع يدها ..اختك وحده قليله  ادب ومش محترمتني بكل ولا امك مقويه شوكتها تحسبني ناسيلها زواجها من ورانا نحن وافقنا بالغصب عشان سمعتنا وكلام ناس وبس ..

ايمن ..توا نحن ماصدقنا لمينا الموضوع تبي تفضحها وتفضحنا بين عيله ولا شنو كنك انت انهبلت ..

سكت عادل كمل ايمن راه امك قالت توا بعد اتنوض انخليها تقول انها طاحت من دروج ..

عادل ..كيف يعني لمن بتقول ..

كمل ايمن ..راه دكتوره بعد شافت حالتها بلغه شرطه وشرطه بيجو ياخذ اقوالها ..

عادل ..ومن هل دكتوره الي ادير في هل طروح تو كان تدفعلها رشوه تو اتسكر فمها غير انت ماعرفتش اتلم موضوع ..يعني بتقنعني الي يجيب بنته ضربها بديرله شرطه شي

ايمن بنرفز ..اسمع توا ولع سيارتك وعدي للحوش توا نا نحله موضوع اطلع منه ..انت

نزل عادل من سياره وركب سيارته وولع وطلع ..

....

حوش فرحات مريم معش قدرت اتحمل وتكابر كانت بتعيط بس تحشمت من عمها نغزت منذر ..امممم منذر نوض منذر معش نقدر منذر ..الله يربحك نوض ليه مقطعتني ظهري يامنذر بنمووت يامنذر ..

نط منذر من جنبها كنك شن صاير ..شن تحسي غير اهدي

مريم ..يانا عليا ليه تقطع تقطيع الحق عليا يانا عليا معش نقدر ..اممم وووه يامنذر حس عليا

منذر ..هي صبي هيا وساعدها تلبس وهو بدل وطلعو لمستشفي وخذوها منه وهو ع نار بحث في ساعه الي كانت 4صبح ..

منذر كان يبرم ويدعي وهو يرعش ع مريم اكثر من عياله خاف يفقدها مرن  الساعات لحد ما طلعت عليه دكتوره مبتسمه ..الف مبروك وحمد الله ع سلامتها ..

منذر ..الله ايسلمك ..شن حاله يادكتور وشن جابت

الدكتوره ..تؤم اولاد ربي يحفظهم لك ..

بكاء منذر من فرحه وانهار ونزل ع ارض من فرحه وان ربي حمد الله عوض صبره خير ..بعد عشر سنين يادكتوره ربي عطاني توم حمد الله حمد الله ..