شياطين الانس

حلقة 35

..😢😢وتسالني عن احباب هذا زمان..
فااقول عابر وراء عابر ولا احد يدوووووم..💔💔

ــــــــــــــــــــــــــــــــــــــــــــ
خوله وقفت من صدمه وهي تشوف وحدتها طايحه قدامها عيطت وهي اتنادي في عيالها..

اضبطت بسمه وهي تبكي وتندب.. وووه بنتي وووووه يانا عليا يااكرم ياحسام ووووووه..

اكرم نط من مكانه يجري شور امه ووراه حسام وساره كانت قبلهم جنب عمتها الي كانت مضبطه بسمه وتبكي وترعش مع بعضها وساره تبكي معاها اكرم قدم..
اكرم..ساره طلعيلها عبايه واشرب..
وع طول طلعتلها ساره لبسها وخذا اخته من بين ايدين امه ونزل يجري بيها شور السياره.. وحسام اضبط امه ويهدي فيها..

....
في حوش محمد

كانت اسراء فرحانه بالعرب وحتي بعد. قعدت مع عادل عجبها بس كانت متردد لانه كان خاطب بسمه..

واذكرت كلامها هي وسهام.. بعد مقابله  مع عادل
..

سهام.. ها شنو عجبك..
اسراء.. حمد الله  اكويس وقتله شروطي وهو قالي شروطه بس..
سهام.. بس شنو قصدي كل شي تمام..
اسراء.. بس ماهو كان خاطب بسمه انحس فيها صامطه شويه..

سهام.. توا بالله عليك اتوقعي لو انتي في مكان بسمه كانت فكره هك .. توا اول شي كل شي قسمه ونصيب وراه عادل كان يبي بسمه كان مافسخ منها وبعدين ايمن قالي راه عادل في بدايه خطبها ع سبه اخت اكرم يعني لا علاقه ولاحب بس لماشاف خصايلها وطبعها فسخ.. لهذا ياحنه راه هو خاطب خاطب فرصه وماتفوتيها راه راجل بفلوسه وحوشه وشغله وشخصيه نصيحه وانتي حره..

اسراء.. قولك انتوكل..

سهام.. ومازلتي تسالي توكلي ع الله وكل ع نصيب..

...
عند سندس في مستشفي بمجرد فتحت عيونها لقت مؤيد ماسك يدها ومنزل راسه حست بالم في ظهرها وبطنها وشافت للتغذيه الي في يدها حركت راسها..
مؤيد عطشانه نبي اميه..

رفع مؤيد راسه وكانن عيونه حمر وباين عليه انه باكي هل شي خوف سندس الي حطت يدها ع بطنها..

سندس بخوف..مؤيد شن صار كني في مستشفي وبيبي صار في شي..

مؤيد ماقدر يمنع ادموعه..الله غالب قدر الله ماشاء فعل اهم حاجه انتي كويسه..

سندس وهي تبكي..كله منك كله منك انت دفيتني قاصد تخليني نجهض..الله لايسامحك..

مؤيد وهو يقرب منه..سندس اهدي وافهمي حتي هضا ولدي..

سندس باانفعال..باعد عني باعد ماتلمسني معش نبيك نا الي بينا راح خلاص نا بنرد اللهي معش نبيك..
مؤيد حط يده ع راسه..يارب غير اهدي وفكيني منه الكلام هضا..

سندس..اطلع بره مانبيش انشوفك بره..

مؤيد بيحكي بس رنت عليه ام سندس..