شياطين الانس

حلقة 24

وأني أُحِبُ عُيونَك ؛ حَتى لَو قُلِبَت النونُ لِ بآء 💚~

أحبك 💚

..
خش عمر ووجه مايتفسر لحوشه وكانت مراته والبنات يستنو في صاله..

مرات عمر.. كنا يوسف ووين ليش ماجاش معاك... شن صاير ياعمر احكي الله يربحك

عمر وهو يحك في راسه.. في اجراء روتيني انديره وبعدين يطلع وخش للدار عرفاته مراته ان مايبيش يحكي قدام البنات.. لحقاته للدار وهي ترعش مع بعضها وتدعي ان يوسف يكون بخسر ومش صاير معاه مصيبه ...

سكرت الدار وجاته تجري.. كنا يوسف شن داير.. هو كويس  ياعمر اطمنت عليه شفته صح..

قعد عمر وهو حاط يده ع راسه..قولي شن الي مش دايره قولي شن الي مش دايره نا خلاص من ولدك بنخش في عقل مش عقلي.. ولدك هضا بيهبلني بدال مانعباه عليه ونا كبير بدال مايعاوني ويحط خواته في عيونه يبي يفضح بينا قدام الناس...

مراته.. غير اهدي وفهمني كنا.. شن داير يوسف.

عمر.. مشيت للمركز طلعو جيرانه مقدمين فيه بلاغ بالازعاج ع سبه كانو يسمعو في صوت تخبيط وتكسير في شقته الي ساكن فيها هو ومراته وقدمو بلاغ ع اساس يحسبوه يضرب في مراته.

ام يوسف شهقت.. هو متزوج.. امت ازوج ساعمر وامتي قعد عندا حوش تاني..

ضحك عمر بقهره.. ع قولتهم.. ع قولخ الناس بالله شوفتي ولدك وعمايله السوده نحن والديه متزوج ومانجيبو منا علم..  والله اعلم هي من وين هلها وكيف ازوجها بدون مايجيب هله راه هل كلام حطي تحته عشرين خط وياريتها.... وقفوت ع هك ولدك طلع مدمن توا دروله تحليل وبكره نتيجه تطلع دكتور اكدلي ان يوسف مدمن وتصرفاته وردود افعالك تاكد هك..

ام يوسف وهي تخبط..ياناوعلي ياناعلي ياوليدي يانا علي..ياعمر طلعه ياعمر ساعده مهم كان هضا ولدنا الوحيد.

عمر وهو يكشخ..ولدك هضا نا عرفت ليش كان معذب خواته تاريته ماهو داير خير في عمره ناغلطان من بدايه درته راجل اهو اخر موصيل جبلنا سمعه شينه توا بالله عليك الي بيجي لبناتك بينشد ع خوهن وبعد يطلع مدمن من بياخذهن..ردي عليا من بيدور نسبنا اها من..

مرات عمر..باهي شن بدير توا كيف بتحلو مشكلته..بتخلي بروحه اهاوفهمني..

عمر..توا كنت عند عمي عمران قالي توا نمشو نشوفو قصه مراته في اول وبعدين ساهل بس..بنت المهدي تعبت وشالوها للمستشفي..غ
ام يوسف..قصدك ساره كنها بسم الله شن صارلها..
عمر..انا كنت مع عمي والمهدي في مربوعه ومانندير علي خوله الا وجتنا  تجري وتقول ان ساره قاطعه النفس وطار بيها المهدي واكرم للمستشفي...

ناضت ام يوسف..خلي نعدي نطمن عليها ونساول خوله..

عمر..غير خليها تروح من مستشفي قبل صبح الناس حايسه..