شياطين الانس

حلقة 55

شياطين الانس
اسيل بن ناصر
حلقه 55

....
سلوي بكت في حضنه بالم وغيض حست روحه ضعيفه تكره وتحبه في نفس الوقت ..تبي قربه وتبي بعده ..حسام قعد يلمس في شعرها ويهدي فيها وهو نفسه حاس ان فتره الي فاتت قرب من سلوي اكثر سلوي بالنسبه له جزء من حياته مش قادر يشتغني عنه حس بيها بعداته عنها ومسحت ادموعها ونزلت راسها ..اسفه تصبح ع خير ..
ومشت من جنبه وهو يراقب فيها  قلبها مقبوض لفكره ان سلوي ممكن اتباعد عنه بس انت ياحسام مش مفكر اتقربها منك ومش معطيها حقها مخلي البنت معلقه انت وعدت بتول ماتقرب منه بس الي صار بينا شي غريب شي حلو حسسني ان سلوي شخص تاني ...

.....
 

يوم الاسبوع ..

في شقه مروان

نجمه وتت الفطور لمروان وكانت سارحه وهي اطيب في قهوة حست بيه مسكها من وسطه وقرب منها غمضت عيونها وهي تشم في عطره 

همس في وذنها ..صباحو حبيبي ..
ردت نجمه ..صباح نور فطور واتي حبيبي ..

ضحك مروان ومشا قعد ع طاوله ..تعرفي يانجمه بعد شفت عيال منذر تمنيت ربي يرزقنا توم ..

برمت عليه نجمه برتباك ..اممم ان شاء الله ان شاء الله ..

وقدمت وجابت القهوة وفناجين في صفره وقعدت معاه ع طاوله تفطر ..

مروان بحث فيها بستغراب ولاحظ ان موضوع عيال مش مهم بالنسبه لها ..

مروان بهدوء ..بعد ينتهي اسبوع عيال منذر شن رايك نمشو لدكتور نكشفو نطمنو ع موضوع عيال ..

نجمه ..مش بدري ع موضوع هضا ..

مروان صبا من طاوله ..لا مش بدري قصدي ليش ناجلو شي زي هضا في نهايه نحن نطمنو مافيها شي كشف عادي وربي يعطينا ان شاء الله ..

نجمه ..ان شاء الله ..

مروان مهم وتيلي العربي نبي نلبسه ع عشاء باهي نا توا ماشي للسلخانه مع منذر ..

نجمه ان شاء الله توا بنزل بس انت بعد اتروح تبي شي رن عليا توا نرقا ..

تمام وطلع مروان من شقته ونزل لوطا لقا امه وخالاته سلم عليهن وخش للمربوعه لقا باته ومنذر ومؤيد ..

مروان ..سلام عليكم ..

مؤيد منذر وفرحات ..عليكم سلام

فرحات ..هي توكلو ع الله وشيلو الحواله للسلخانه ..

منذر ..ان شاء الله ياحاج بس الي جابهم عمي نا بنقطعهن وبنصدق بيهن ..

فرحات خير مادرت ياولدي اصلا نا وصبت الجزار ع اربعه ..

منذر ..ان شاء الله خير ..هي مروان هي مؤيد ..

وطلعو وكل واحد ولع سيارته وطلع وهم وراي منذر ..