Dragon Spear [Fighter-Series 1]

CHAPTER 25

Sa loob ng silid na inihanda ni Great Dragon ay sabay sabay niyang sinanay ang kanyang tatlong studyante, kahit na hindi nagkakasundo ang tatlo ay sumusunod naman ito sa lahat ng ipinapagawa ni Great Dragon.

Ilang araw narin ang nakalipas simula noong sinanay niya ang kanyang tatlong studyante, mas lalo pang nahasa ang kakayahan ni Gen dahil sa pagtuturo ng kanyang guro. Mas lalo pang nailabas ng binata ang lahat ng kanyang potensiyal lalong lalo na sa pakikipaglaban.

Paminsan minsan ay nakikipagdwelo si Great Dragon kay Gen at dahil doon ay mas nahasa pa ang kakayahan ng binata, tinuturuan rin siya ni Great Dragon sa mga takteka at stelo sa pakikipaglaban.

Dahil narin sa grabidad ng silid ay mas lalo pang natulongan ang tatlong studyante ni Great Dragon, pero kung si Gen ang tatanongin ay pakiramdam niya ay sobrang bagal niya dahil sa hindi niya magawang takbuhin ang buong silid. Doble ang grabidad ng silid kaysa sa labas kaya nahihirapan ang binata.

Pero habang lumilipas ang mga araw ay siya namang pag-angat ng lakas ni Gen at kahit ang kanyang mga kakayahan ay naiilabas na niya. Hindi narin niya gaanong napapansin ang grabidad ng silid at sa paraang kumilos siya ay parang ordinaryong silid lamang ang kanyang ginagalawan.

Si Kian naman, iba ang pagsasanay na ginagawa ni Great Dragon sa kanya. Isang Assassin si Kian at nais ni Great Dragon na mas mahasa pa ang kakayahan ng binata at mas lalo pa itong mapabilis. Kaya naman, pinasuot niya si Kian ng isang sapatos na may bigat na anim na daang kilo, sa grabidad at suot ni Kian na sapatos ay imposible na para sa kanya ang makagalaw pa.

Simple lang ang ipinapagawa ni Great Dragon sa kanya, i'yon ay ang makapaglakad siya ng hindi gumagawa ng ingay.

Si Lily naman, isang Mage ang batang babae kaya iba rin ang pagsasanay na pinapagawa ni Great Dragon sa kanya. Purong patungkol sa Spell ang tinuturo ni Great Dragon sa kanya at dahil sa bata pa si Lily ay hindi pa niya kayang gumawa ng sariling pundasyon. Purong mga ordinaryong spell palang ang kayang gawin ni Lily pero dahil sa nandiyan si Great Dragon at ginagabayan siya ay nakakagawa na siya ng mga spell na tanging mga Level 8 Mage lamang ang nakakagawa.

Tatlong buwan ang lumipas.

Sa tatlong buwan na nakalipas ay makikita ang malaking pagbabago sa lakas ng tatlong studyante ni Great Dragon, ang noo'y mga nahihirapan sa pagsasanay sa loob ng silid na inihanda ni Great Dragon ay ngayon ay parang ordinaryong pagsasanay na lamang ang ginagawa nila. Sobrang laki ng pinagbago ng mga lakas nila, lalong lalo na si Gen.

Isa na ngayong ganap na Level 15 Fighter/Level 10 Assassin si Gen, sobrang laki ng pinagbago ng binata at hindi na maipagkakaila na sobrang lakas na ni Gen. At natuklasan rin niya na hindi lang pala siya isang Fighter kundi isa siyang Fighter/Assassin.

Dalawa na ang pundasyon ng binata ngayon at dahil doon ay mas lalo pang lumakas ang binata, may roon narin siyang pang-ikatlong Skill at natutunan niya ito kay Great Dragon.

Sa tulong ni Great Dragon ay mas napabilis nga ang paglakas ng binata, hindi lang malakas si Gen kundi mabilis rin lalong lalo na dahil sa isa na siyang Level 10 Assassin. Ang kanyang galawan sa pakikipaglaban ay ang nagpahanga kay Great Dragon, kaya ng sabayan ng binata ang limang porsyentong lakas ni Great Dragon.

Ang pagsasanay naman na ipinagawa ni Great Dragon kay Kian ay matagumpay ngang nagawa ng binata, sa loob ng dalawang buwan na pagpupumilit na makapaglakad ni Kian ay sa wakas ay nagawa rin niya. At sa paglipas ng mga araw ay nagawa narin niyang makapaglakad ng hindi gumagawa ng ingay, at sa ilang araw na pagsasanay ay narating na agad ng binata ang Level 15 Assassin.

Pero kahit na isa na siyang Level 15 Assassin ay wala parin siyang nakukuhang bagong Skill, pero dahil sa ibinigay na Book of Skill ni Great Dragon ay mayroon na ngayon pang-ikatlong Skill si Kian.