My Naughty Bestfriend (GL)

39

ANDY

"Oh, anong ginagawa mo diyan?"

Nahinto lang ako sa pabalik-balik ko na paglalakad dito sa labas ng room namin nang biglang dumaan si Kate kasama ang friends niya.

Nakasungit ka na naman Kate.

"Na-late kasi ako eh. Di na ako pinapasok—

"I know. Mukhang puyat na puyat ka pa nga," mataray pa niyang sabi. Napakamot na lang ako sa aking ulo.

"Hindi ako puyat. Na-late lang kami ni Mich—

Inirapan na lang niya ako saka ako nilampasan.

"Goodluck Drew!" pang-aasar sakin ni Skye habang kunwari'y pinapagpag ang balikat ko at may pataas-taas pa siya ng kilay.

Nakatanga lang akong pinapanood sila papalayo.

"Andrew Torregozon, follow me!"

Dali-dali akong sumunod at kinuha ang projector na hawak ni ma'am pati ang laptop bag niya na mabigat. Tapos na ang klase namin.

Pagpasok namin, nakita ko na agad si Kate. Nakatingin din siya sakin pero inirapan na naman niya ako.

Ano bang problema niya? May nasabi ba akong hindi niya nagustuhan?

Pinaset-up na sakin ni maam 'yong projector at pagkatapos ay pinaalis na niya ako.

Di man lang nagpasalamat. Napakasungit talaga ng prof na 'to.

I went to our next class na natapos din within 30 mins.

"Hello my baby Drew! Ba't wala ka kanina? Nagquiz kami, ikaw lang 'yong zero satin hahaha!" bati sakin ni Luce habang pinipisil ang pisngi ko. Di ko alam kung matutuwa ako o sasapukin 'tong ewan kung mukha bang matatawag tong pagmumukha ni Luce.

"Bumagsak ka sana sa midterms at finals sa kayabangan mo," pang-aasar ko sa kanya. Hinampas ba naman niya ako nang malakas.

"Excuse me, midterm check, 59/60, one mistake only. Eh ikaw? Ilan ulit 20?" ganti niya sakin.

"Excuse me, 60 here. Perfect," pagyayabang ko kasi totoo naman. Before midterms, tinutor na ako ni Kate. Binasic niya 'yong pagtuturo at binigyan din niya ako ng notes na simplified na kaya madali kong naintindihan.

"Hmm, cheater."

Tinawanan ko lang dahil di na naman niya matanggap na naisahan ko na naman siya.

"Ano na pala yong sasabihin mo sakin? Kagabi ka pa nangungulit sa chat. Alam mong busy ako tawag ka nang tawag."

Irap muna siya bago magsalita. Ganyan si Luce. Mauunang mang-asar at pag inasar, siya pa ang magtataray.

"Wala. Nawalan na ako ng gana."

Gusto lang nitong magpasuyo eh. Grabe na talaga ang mga babae ngayon.

"Sa iba na lang pala ako magtatanong. Ayaw mong sabihin eh."

"Joke lang naman kasi Drew eh! Ito na kasi, sabi ni coach magkakaroon daw ng sports camp next month dito sa school tapos magpalista na lang daw sa kanya ang mga gustong sumama. Tara sama tayo! One week yon tapos dito matutulog. Magpalista na tayo mamaya. Sasama ka kung hindi kakalbuhin ko yang buhok mo sa baba!"

"Akala ko chismis na naman! Akala ko may nabuntis na naman eh. Yon lang pala ang sasabihin mo. Sige, sasama ako pero libre mo ko ng lunch ngayon."

Tuwang-tuwa ang bruha at kinaladkad na ako paalis. Chinat ko si Kate habang papunta na kami sa canteen. Tipid at cold ng mga reply niya sakin pero napapangiti na lang ako dahil humanda siya.