عشقتها في إبتلائي (جاري تعديل السرد ) مكتمله

البارت❤️ الثامن ❤️

اللهم إنا نسألك العفو والعافية في الدنيا والآخرةاللهم استر عوراتنا وآمن روعاتنا اللهم احفظنا من بين أيدينا ومن خلفنا وعن أيماننا وعن شمائلنا ومن فوقنا ونعوذ بعظمتك أن نغتال من تحتنا🌿💕

نبدأ ..

وصلت ميرنا الي منزلها مذهوله من ذاتها وأخذت تسأل نفسها لماذا تشعر بالخوف و الحزن عليه..؟؟ لماذا لا تريد أن يتألم..؟؟ ولما هي تألمت عليه..؟؟

فاقت من شرودها على صوت والدتها

والدتها : عامل أي دلوقتي.. ؟؟

ميرنا بخفوت : الحمد لله

الام : الحمد لله.. ثم أكملت بتذكر
: صح مازن أخوكي إتصل وسأل عليكي و قال لما تيجي كلمية

أومات ميرنا : حاضر هقوم أكلمه

دخلت غرفتها ثم إتصلت على اخاها مازن الذي يعيش بالخارج

ميرنا ببسمة : وعليكم السلام

مازن بسعادة : وحشتني يا ميمي عامله يا قلبي

ميرنا بحب : الحمد لله يا حبيبي مش ناقص غير اني أشوفك
مازن : خلاص هانت

ميرنا بسعادة : هتنزل خلاص

مازن بضحكة : أيوة.. وناوي أكمل ديني واستقر في بلدي
قفزت ميرنا من السعادة وأخذت تقول
: أي هتجوز... و مش تسافر تاني ثم أردفت بمرح

: ومين ياترى اللي غيرت دماغك الناشفه دي

مازن بضحكة : يابت اتهدي مفيش.. بس لما أجي هقولك عليها

ميرنا بتعجب : إزي يعني مفيش

مازن ببسمة : مهو أنا معرفش رائيها أي بس بصراحة انا بحبها من زمان و كنت مسافر عشان أكون وابني نفسي بعيد عن بابا و انا الحمد لله أهو حالتي المادية بقت عال

ميرنا بحيرة : طب إنت يابني بقالك فترة طويلة بره وهي هنا.. وأنت أكيد يعني مش بتكلمها ولا ليك في الحوار ده صح..؟

مازن : أيوه طبعا

ميرنا : طب مايمكن اتجوزت ولا اتخطبت و لا بتحب حد

مازن بضحكة : لا.. مهو أخبارها بتوصل ليا أول بأول

ميرنا بضحكة : أوبا.. ده إنت مطلعتش سهل خالص

مازن بغرور مصطنع : طول عمري يابنتي

ضحكت ميرنا بشدة
ثم أردف مازن بجدية : عامله أي مع جاسر..؟؟

تحولت ملامحها من السعادة الي الحزن وأردفت بخفوت : بعمل كل الحيل عشان أطفشه

مازن بغموض : طب الفترة اللي فاتت ولما قربتي منه نظرتك ليه اتغيرت ولا لسا زي ماهي؟؟

ميرنا بحيرة : مش عرفه.. أنا كنت بسمع عنه كلام كتير وحش و كنت بكرهو أوي .. بس لما قربت منه حسيته شخص تاني غير اللي بسمع عنه و إنه مش بالسؤ ده