عشقتها في إبتلائي (جاري تعديل السرد ) مكتمله

البارت ❤️الثالث والعشرون ❤️

الحمد لله 💛الله أكبر 💛لا إله إلا الله 💛
سبحان الله 💛أستفعر الله الغيظم 💛
💛اللهم صلي وسلم وبارك على نبينا محمد 💛

نبدأ ....
في يوم جديد

في منزل سالم الأسيوطي
يجلس معتز وجسور في حديقة المنزل

جسور بتفكير : عندي فكرة

معتز : أي هي؟؟

جسور بهدوء : بص ياسطا الترم التاني على وشك إنه يبدأ.. فكنت بفكر يعني أنا و إنت نجمع مبلغ كويس
ونجيب بيه كتب للطلبه اللي مش قادره من دفعتي و دفعتك.. إنت عارف حال الدنيا بايظ الايام دي بسبب كورونا وكدا و.. فيه ناس كتير متقدرش على مصاريف الكتب

معتز ببسمه : موافق بس هنعملها إزي من غير مانجرح كرامتهم..

جسور ببسمة : عندي دي.. بص إحنا هنقول واحد متبرع بيهم

نظر له معتز بتعجب
فأكمل جسور
: هنقول فيه واحد متبرع بيهم ونيجي نعمل قرعة وكل الدفعه متجمعه وطبعا هنعلم الطلبه اللي مش قادره بورق معين ونحط معاهم كام واحد مقتدر يعني علشان متبانش.. وهما هياخدو الكتب كإنهم فازو في القرعه دي وكمان يشوفو معاهم ناس تانيه فهيكون الأمر عادي.. ونحافظ على كرامتهم و في نفس الوقت نكون ساعدناهم

معتز ببسمة ل قلب هذا الجسور الذي دائما يفكر في الآخرين : اللي يشوفك يقول عليك تافه

نظر له جسور بغيظ ولكنه تحول لبسمة
عندما أكمل معتز
: بس من جواك أبيض أوي.. دائما بشوفك و إنت بتساعد ناس كتير في الخفاء

جسور بغرور مصطنعه : ربنا يخليني ليكم يابني

معتز بضحكة : تباً لتواضعك

جسور بضحكة : أحلى شي فيا

معتز بسخرية : جداااا
ثم أكمل بجدية
: بص لما أروح هحولك الفلوس علشان مش هعرف أشوفك بكرا وتشتري الكتب

جسور بتعجب : يابني خلي فلوسك علشان تشتري لدفعتك برضو

معتز برفع حاجب وبنره ساخرة : دفعتي أنا فيها حد محتاج!!! ؟؟

نظر له جسور بعدم فهم وماهي إلا  ثواني حتى صاح بضحكة : أوبا نسيت إنك في جامعه خاصه

معتز ببسمة : كلية الشعب أثرت عليك

جسور بفخر زائف
: يابني هو فيه زي تجاره و لاتجارة حكومي كمان

معتز بضحكة : تعرف مكنتش حابب أدخل خاص بس طبعا.. دخلت تحت إصرار الحاج و أمجد

جسور بتذكر و ضحكة
: أنا بقا صدمتهم لما قدمت في حكومي علطول من غير ماأقول لحد
ثم أكمل بهدوء
: صراحة مابحبش طريقه الطبقه اللي عايشين فيها دي.. و الفوارق اللي حاطينها بينهم و بين الناس التانيه كإنهم دول من طينه ودول من طينه تانيه