عشقتها في إبتلائي (جاري تعديل السرد ) مكتمله

البارت ❤️الثلاثون ❤️

لا حول ولا قوّة إلا بالله أستقر بها في دارِ القرار مع الأبرار عدد ما قالها وما يقولها القائلون منذُ أول الدهر إلى آخره عدد ما أحصاه كتابُ الله وأحاط به علمه وأضعاف ذلك أضعافاً مُضاعفة وكل ضعف يضاعِف أضعافَ ذلك أبد الأبد ومُنتهى العدد بلا أمد عدداً لا يُحصيه إلا هو ولا يحيط به إلا علمُه ولا حول ولا قوّة إلا بالله العليّ العظيم :❄️‬💓💓

نبدأ .....

أشرقت شمس يوم جديد على عروس البحر المتوسط
في منزل كمال الحديدي

في غرفة زينة

هنا بنعاس وهي ترى زينة تقوم بتجهيز ذاتها
  : صاحية بدري ليه..؟؟

زينة بضحكة : يابت النهردة أول يوم دراسة .. شوفي محاضراتك قومي يا كسولة

هنا بخفوت : إنتي ناسية إني من القاهرة

زينة ببسمة : لا مش ناسية بس شوفي لو فيه محاضرات أون لاين علشان ماتفتكيش

هنا : هتصل بصحابي بليل وأشوف عملوا أي

زينة بتفكير : طب طالما فاضية بئا النهردة تعالي معايا

هنا بتعجب : أجي معاكي الكلية!! ؟

زينة بنفي : لا معنديش محاضرات النهردة هروح الشركة.. و كمان فيه صفقة مشتركة بين شركة مراد و أوس فتعالي معايا ولما نروح لأوس علشان الاجتماع نخلصه ونقعد معاه هناك

هنا بتفكير : بس هو قال ليا هيجي ياخدني أنا وتيتا بعد الضهر

زينة بحماس : يابنتي ماشي يعني هيكون فاضي قضو اليوم إنتو بئا و أنا هبقا أرجع مع مراد

ثم أكملت بهدوء ومحاولة إقناعها
: وكمان لارا النهرده عندها محاضرات.. و معتز هياخدها بعد ماتخلص وهيخروجو شويه علشان نفسية لارا من اللي حصل إمبارح.. و أنا هكون برا هتقضي إنتي اليوم مع ماما وتيتا وطنط جميلة وداليا  في المطبخ

هنا بإقتناع : عندك حق
ثم نهضت سريعاً من علي الفراش وأردفت
: خمس دقايق

زينة ببسمة وهي تتمتم بصوت منخفض  : هيكونوا ساعة أنا عرفه

*****
وفي الغرفة المجاورة
أمجد بزهق : يوووه يا داليا على الصبح أنا زهقت من الحوار ده كل يوم

داليا بحقد : مهو مش هيجي ويكوش على كل حاجة كدا.. ولا حتى البت البيئه اللي جايبها دي هتكون هانم

أمجد بزهول
: أي ده يا داليا أنا من زمان والكل عارف إن مناخيرك والسما ودائما مغروره.. بس قلبك أبيض وأنا حبيتك علشان قلبك النضيف ده عالرغم من غرورك.. بس دلوقتي القلب ده بقا مليان حقد كدا.. ليه هاااا؟.. كان أوس هيرمينا في الشارع لما ياخد ورثه والورث بعد عمر طويل لبابا كلنا هناخد زي بعض يعني مفيش حد هياخد حاجة على حساب التاني