YOU BROKE ME FIRST [ COMPLETED ]

SIX

«𝙐𝙉𝙄𝘾𝙊𝘿𝙀»

" Madame Grace, pouvez-vous m'aider à réveiller mon père ? ... peut-être qu'il dort profondément... c'est l'heure du petit-déjeuner"

(ဂရေစ့်.. ဖေဖေ့ကိုသွားနှိုးလိုက်ပါဦး အိပ်မောကျနေတာဖြစ်မယ်၊မနက်စာစားချိန်ရောက်နေပြီကို)

ဂရေစ့်ဆိုတာက ဖေဖေ့အတွက် ဇူးရစ်ချ်က Private ဆေးရုံးကြီးတစ်ခုကနေ ငှါးလာခဲ့တဲ့ Special Nurse ဖြစ်သည်။ ညက ဖေဖေတစ်ယောက် အိပ်ရာဝင်နောက်ကျခဲ့၍လားမသိ ။ အမြဲအချိန်တိကျတဲ့ဖေဖေဟာ ဒီနေ့မှ ထူးထူးဆန်းဆန်းနောက်ကျနေလေ၏။

မာရီယာတို့သုံးဦး ပြန်ဖို့အတွက် လိုအပ်တာတွေပြင်ဆင်ပေးလို့ရအောင် ကျူရှင်ကိုနေ့တစ်ပိုင်းပိတ်ထားရသည်ဖြစ်၍ အိမ်မှာလူတော့ရှင်းနေသည်။ ချောင်းစပ်မှာဖြစ်ခဲ့တဲ့ကိစ္စပြီးကတည်းက မာရီယာက ဂျောင်ဂုကို မျက်နှာချင်းတောင် မဆိုင်တော့တာပင် ။ အဲ့နေ့ကအော်လိုက်မိတာ နည်းနည်းလွန်သွားသလို ရှိပေမယ့် မာရီယာက အဲ့လောက်အော်မှ တော်ကာကျမှန်း ဂျောင်ဂုသိသည် ။ အခုတောင် ထယ်ယောင်းနဲ့သူ့အကြောင်းကို စုံစမ်းပြီးနေလောက်ဖို့က ကိုးဆယ်ရာခိုင်နှုန်း သေချာသည် ။ ငြိမ်နေသလိုထင်ရပေမယ့် မေမေ့ဆီကို အကုန်ပြန်ပြီး သံတော်ဦးတင်ပြီးနေလောက်ပြီ ဆိုတာကိုလဲ ဂျောင်ဂု ရိပ်မိပြီးသားပင်။

"Monsieur Jeon, je suis désolé que Monsieur Henry soit parti"

(မစ္စတာဂျွန်.. ကျွန်မစိတ်မကောင်းပါဘူး ၊ မစ္စတာဟင်နရီ ဆုံးပါးသွားပါပြီ)

သူမစကားအဆုံး ဂျောင်ဂု ဖေဖေ့အိပ်ခန်းရှိရာ အိမ်အပေါ်ထပ်ဆီ အမောတကောပြေးတက်သွားမိသည် ။ မနေ့က သူအိမ်ပြန်ရောက်လာတုန်းကတောင် ဖေဖေက လသာဆောင်မှာ စာအုပ်ထိုင်ဖတ်နေခဲ့သေးတာ ။ သူ့ပါးက ဒဏ်ရာအတွက် သင့်တော်တဲ့ဆေးအမျိုးအစား သူနာပြုဂရေစ့်ဆီမှာ မပါလာလို့တောင် ပေါ့ဆရကောင်းလားဆိုပြီး အပြစ်မတင်ပေမယ့် ဆုံးမစကားတွေပြောနေခဲ့သေးတာ ။ ညပိုင်း ဂျောင်ဂုရွာမြောက်ပိုင်းက ပြန်လာတော့လည်း ဖေဖေကမအိပ်သေးလို့ သားအဖနှစ်ယောက်သား ရောက်တက်ရာရာစကားတွေ ပြောနေခဲ့သေးတာ ။

ဂျောင်ဂု ဖေဖေ့အခန်းကိုရောက်တော့ သစ်သားခုတင်လေးပေါ်မှာ ငြိမ်သက်စွာ လဲလျောင်းနေတဲ့ ဖေဖေ့ခန္ဓာကိုယ်ကိုတွေ့ရ၏။ မိုးလင်းတာနဲ့ နေအလင်းရောင်ဝင်အောင် ဖွင့်နေကျပြတင်းတံခါးလေးက ညတုန်းကအတိုင်းပိတ်မြဲ၊ပိတ်ဆဲ။ ဟင့်အင်း..ဖေဖေကမသေပါဘူး..။ ဖေဖေအိပ်ပျော်နေတာ .. ဟုတ်တယ် ဖေဖေအိပ်ပျော်နေတာပါ ။ ဂျောင်ဂုနှုတ်ဖျားက ထွက်ကျမလာပေမယ့် သူ့ခေါင်းထဲမှာတော့ ထိုစကားတွေကိုသာ အကြိမ်ကြိမ်ပြောနေမိသည်။