YOU BROKE ME FIRST [ COMPLETED ]

TWENTY-TWO

[UNICODE]

ဂျနီဗာကို ပြန်ရောက်ရောက်ခြင်း ဂျောင်ဂု ပထမဆုံး လုပ်ဖြစ်တာက အကာအကွယ်မဲ့ လိင်ဆက်ဆံခဲ့တာနဲ့ပက်သက်ပြီး သူတို့ပြနေကျ ဆရာဝန်ကြီးဆီမှာ တိုင်ပင်ဆွေးနွေးတာပင် ။ STD test အောင်ထားပြီးတာကြောင့် ဘာအန္တာရယ်မရှိကြောင်းသိရမှ ထယ်ယောင်းအတွက်ပါ သူ စိတ်အေးရတော့သည် ။ အမှားရယ်လို့ မဟုတ်ပေမယ့် ရည်ရွယ်ချက်မရှိဘဲ အမှတ်တမဲ့ ကျုးလွန်မိကြတာမို့ အထိန်းအကွပ်မဲ့စွာ အရိုင်းဆန်ခဲ့တဲ့ သူ့လုပ်ရပ်အတွက် ထယ်ယောင်းကို စိတ်ပိုင်းဆိုင်ရာရော၊ ရုပ်ပိုင်းဆိုင်ရာပါ ဘာမှပြင်ဆင်ပေးချိန် မရလိုက်တာကိုတော့ ဂျောင်ဂု အတော်လေး စိတ်မကောင်းဖြစ်မိပါ၏ ။

ဆေးရုံကပြန်ရောက်တော့ ဧည့်ခန်းမှာထိုင်နေတဲ့ မေမေက ထယ်ယောင်းနဲ့သူ့အား အပြုံးချိုချိုနဲ့ ဆီးကြိုနှုတ်ဆက်လာသည် ။

"ဂျွန်.. လာ ထိုင်ဦးသား ၊ ထယ်ယောင်းရောပဲ"

မေမေနဲ့ မျက်နှာချင်းဆိုင်ဆိုဖာမှာ ဂျောင်ဂုတို့နှစ်ယောက်သား ဝင်ထိုင်လိုက်ကြ၏ ။

"ဂျွန်တို့ကျောင်းက ပရော်ဖက်ဆာ အဲလ်ဘတ် မေမေ့ကို ဆက်သွယ်လာတယ် ၊ ထူးချွန်ကျောင်းသား ဂျွန့်ကို မာစတာတန်းမှာ တစ်နှစ်လုံးမတွေ့ရလို့တဲ့လေ ..၊ ဆက်မတက်ဖြစ်တော့တာလား ၊ ဘာလို့လဲဆိုပြီး အကျိုးအကြောင်း လှမ်းမေးတာ"

ပရော်ဖက်ဆာ အဲလ်ဘတ်ကို ဂျောင်ဂု ကောင်းကောင်းမှတ်မိပါသည် ။ စာအသင်အပြလဲကောင်းသလို သူ Internship ဆင်းတုန်းကလဲ အများကြီး အကူအညီပေးခဲ့တဲ့ ဆရာကြီးပါပင် ။

"ပရော်ဖက်ဆာကြီး နေကောင်းကျန်းမာတယ် မဟုတ်လားမေမေ ၊ ကျွန်တော် ဟိုကိုရောက်ကတည်းက ဘယ်သူ့ကိုမှ အဆက်အသွယ်မလုပ်ဖြစ်တာ"

"သူ နေကောင်းပါတယ် ..၊ အခုက စာသင်နှစ်ပြီးတဲ့အချိန်ဆိုတော့ နောက်ဆုံးနှစ်တက်မဲ့ ကျောင်းသားတွေကို Guide သဘောမျိုး လုပ်ပေးဖို့ ဂျွန့်ကို ဇူးရစ်ချ်ပြန်လာစေချင်တာတဲ့ ၊ စာပြန်နွှေးပြီးသားလဲ ဖြစ်သွားတာပေါ့ ၊ အဲ့တာပြီးရင် ဂျွန်လဲ မာစတာတန်း တစ်ခါတည်းတက်လိုက်ရုံပဲလေ"