YOU BROKE ME FIRST [ COMPLETED ]

TWENTY-THREE

[UNICODE]

ပရော်ဖက်ဆာအဲလ်ဘတ်ရဲ့ ကမ်းလှမ်းမှုကို လက်ခံခဲ့ပြီးနောက် ဂျောင်ဂု ဇူးရစ်ချ်မှာ အချိန်ပိုင်း Guide ဆရာအဖြစ် တာဝန်ယူပေးဖြစ်သည်မှာ တစ်လကျော်ကျော်လောက် ရှိခဲ့ပြီ ။ ထယ်ယောင်းတို့ရွာလေးမှာ သူ စာသင်ပေးခဲ့ဖူးတဲ့ အမှတ်တရတွေဟာလည်း မတွေးချင်မှအဆုံး ခေါင်းထဲတဝဲလည်လည်ပါပင် ။ ရှေ့ဆုံးတန်းမှာထိုင်နေကျ သူ့သက်လှယ်ကတော့ ဂျောင်ဂု အတွေးကမ္ဘာထဲ အဓိကနေရာက ပါဝင်၏ ။

Guide လုပ်ရင်းကနေ မာစတာတန်းအတွက် စာတွေပြန်လေ့လာဖြစ်ရုံမက မေမေ့ကုမ္ပဏီအလုပ်ကိုလဲ ဂျောင်ဂု အခုထိဆက်လုပ်နေဆဲဖြစ်သည် ။ အခုရက်ပိုင်း အသုံးစရိတ်ကို ထယ်ယောင်းအတွက်ကလွဲပြီး သူနဲ့ပက်သက်တဲ့ အစစအရာရာမှာ အတတ်နိုင်ဆုံး ချွေတာဖြစ်၏ ။ ကလေးယူဖို့ စီစဉ်ထားတာကြောင့် အိမ်ထောင်ဦးစီးတစ်ယောက် အနေနဲ့သာမက ဖခင်တစ်ယောက်ရဲ့တာဝန်ကိုပါ ဂျောင်ဂု အကောင်းဆုံး ကျေပွန်ချင်သည် ။ အလုပ်တစ်ဖက်၊ ကျောင်းတစ်ဖက်နဲ့ စိတ်ရောလူရော ပင်ပန်းရတယ်ဆိုရင်တောင်မှ သူ့သက်လှယ်နဲ့ ရင်သွေးလေးတွေအား ရွှေပေါ်မြတင် ထားပေးနိုင်မယ့် အနာဂတ်ကိုတွေးမိတော့ မမောတဲ့အပြင် ကြည်နူးပီတိပါ ဖြစ်ရသေး၏။

လောလောဆယ် ဂျောင်ဂုရောက်နေတာက သူနာပြုဂရေစ့်ရှိတဲ့ ဆေးရုံမှာ genetic test အဖြေ လာယူတာဖြစ်သည်။ ထယ်ယောင်းက ဘူဆန်မှာ လေ့လာရေးခရီး ၃ ရက်ထွက်ပြီးနောက် တစ်ပတ်လောက်ကြာမှ  Menstruation ပြန်ဖြစ်လာတယ်ဟု သိရတာကြောင့် ဂျောင်ဂုစိတ်ထဲ မတင်မကျဖြစ်နေ၍ ပထမအကြိမ် Semen analysis နဲ့ hormone test လုပ်ခဲ့ပြီးသားဖြစ်သည် ။ သုတ်ထွက်နည်းတာ ၊ သုတ်ရည်ကျဲတာ ၊ သုတ်ကောင်ရဲ့ပုံသဏ္ဍာန်မမှန်တာ စတဲ့ပြသနာတွေ ဘာတစ်ခုမှမရှိတာကြောင့် ကံကောင်းထောက်မစွာပင် မျိုးမပွါးနိုင်တဲ့ရောဂါ ( Andrological infertility)လို့တော့ အဖြေထွက်မလာခဲ့ ။ 

သို့သော် အကာအကွယ်မပါဘဲ ဆက်ဆံခဲ့တဲ့ညက သူ အထဲမှာချည်းပဲ အကြိမ်ရေမနည်းအောင် ပြီးမြောက်ခဲ့တာကို ဂျောင်ဂု သေချာမှတ်မိသည် ။ အဲ့အချိန်တုန်းက ထယ်ယောင်းရဲ့ Menstrual cycle သည်လဲ ရက်၂၀ ဝန်းကျင်မှာမို့ ကိုယ်ဝန်ရနိုင်ခြေ အမြင့်ဆုံးဆိုတဲ့ အနေအထားမှာရှိခဲ့တာဖြစ်၏ ။ သုံးပတ်အထိစောင့်ပြီး ဆီးစစ်ခိုင်းဖို့ တွေးထားခဲ့ပေမယ့် menstruation ပြန်ဖြစ်လာတယ်ဆိုတော့ သူထင်သလို ထယ်ယောင်းမှာ ကိုယ်ဝန်ရှိမနေသေးဘူးဆိုတဲ့ အဓိပ္ပာယ်ပင် ။