YOU BROKE ME FIRST [ COMPLETED ]

TWENTY - FOUR

[UNICODE]

ဆိုးလ်ကိုသွားဖို့ နှစ်ရက်လောက်အလိုမှာ ဂျောင်ဂု ဂျနီဗာကိုပြန်ခဲ့သည် ။ အကြောင်းပြချက်က ဇူးရစ်ချ်မှာစစ်ခဲ့တဲ့ Genetic test အဖြေနဲ့ ပက်သက်ပြီး သူတို့ပြနေကျ ဆရာဝန်ကြီးနဲ့ ဆွေးနွေးတိုင်ပင်ချင်တာကြောင့်ပင် ။ မျိုးပွါးနိုင်စွမ်းအပေါ်မှာ Chemotherapy ရဲ့ ဘေးထွက်ဆိုးကျိုး သက်ရောက်မှုက တစ်သတ်လုံးလဲ ဖြစ်သွားနိုင်တယ်ဆိုတာကို ဂျောင်ဂု ဆေးပညာနဲ့ပက်သက်တဲ့ စာတမ်းတစ်ချို့မှာ ဖတ်လိုက်ရသည် ။ ဆေးထိုး ၊ ဆေးသောက်လုပ်ပြီး ပြန်ကုနိုင်တဲ့ နည်းလမ်းတွေလဲရှိတယ်လို့ သိထားတာကြောင့် ထယ်ယောင်း menstruation စဖြစ်တည်းက သူတို့နှစ်ယောက်ရဲ့အားထားယုံကြည်ရာဖြစ်ခဲ့တဲ့ ဆရာဝန်ကြီးဆီကို ဂျောင်ဂု ရောက်အောင် လာခဲ့ရခြင်းဖြစ်ပါ၏ ။

"ဒီ Test တွေကို သူနာပြုဂရေစ့်ကိုယ်တိုင် စစ်ပေးခဲ့တာလား ဂျွန်"

ဆရာဝန်ကြီး၏အမေးအား ဂျောင်ဂု ခေါင်းအသာညိမ့်၍ အဖြေပေးလိုက်သည် ။

"Nephroblastoma ဖြစ်ခဲ့တာက အသက်၃နှစ်အရွယ်မှာနော် ..၊ အခု မင်းအသက် ၂၄ ပြည့်ထားတာ မဟုတ်လား"

"ဟုတ်ပါတယ် ဒေါက်တာ"

"အဲ့တာဆို ငယ်သေးတယ်ပဲ ပြောရမှာပေါ့.. Chemotherapy ရဲ့ side affects က fertility ကို ထိတာမှန်ပေမယ့် လူနာရဲ့ အသက်အရွယ်ကိုလိုက်ပြီး temporary နဲ့ permanent ကွာသွားတယ် ၊ ပုံမှန်အားဖြင့်  အသက်ငယ်တဲ့လူတွေက ပြန်ကုစားနိုင်ကြတာ များပါတယ် ၊ ကြားထဲမှာ အချိန်နှစ်၂၀ကျော်တောင် ခြားခဲ့ပြီးပြီပဲ ၊ side affects ထပ်ကျန်နေသေးတယ် ဆိုရင်တောင် သေချာတယ် ..ဒါကယာယီအတွက်ပဲဖြစ်မှာ ၊ Hormone နဲ့ Semen analysis မှာ ပြသနာမရှိထားဘူးဆိုတော့ genetic test ကို တစ်ခေါက်ပြန်စစ်ထားပေးမယ်လေ"

"ဘယ်တော့လောက် အဖြေသိရမလဲ ဒေါက်တာ ၊ ကျွန်တော် နောက်၂ရက်အတွင်း ဆိုးလ်ကိုသွားစရာ ကိစ္စလေးရှိနေလို့ပါ ..၊ အဲ့မတိုင်ခင်များ.."

"၂ ရက်အတွင်း အဖြေရဖို့က မဖြစ်နိုင်ဘူး ဂျွန်ရ..၊ ဒါမျိုး test က အနည်းဆုံး တစ်ပတ်ကနေ ၊ သုံးပတ်အထိ ကြာနိုင်တယ် ၊ စိတ်မပူနဲ့ .. သွားစရာရှိတာသွား ..၊ Result ကို email ကနေ ပို့ပေးလိုက်မယ် ၊ လက်မှတ်ထိုးဖို့လို့တဲ့ File တွေ ပါလာရင်တော့ ဆိုးလ်အိမ်လိပ်စာအတိုင်း delivery နဲ့ ပို့ပေးရင် အဆင်ပြေတယ်မလား"