YOU BROKE ME FIRST [ COMPLETED ]

THIRTEEN

«𝙐𝙉𝙄𝘾𝙊𝘿𝙀»

အသားကင်အနံ့ ၊ ခေါက်ဆွဲပြုတ်အနံ့တွေနဲ့မွှေးကြိုင်နေတဲ့ ခြံဝန်းကြီးထဲတွင် စကားပြောသံ၊ရယ်မောသံများနှင့်အတူ တစ်ချက်တစ်ချက် ဂီတာသံ တဒေါင်ဒေါင်၊တဒင်ဒင် ထွက်လာတတ်သေး၏။

ခေါက်ဆွဲကို ဒိုင်ခံပြုတ်သူက ထယ်စောနဲ့ ဆွန်းဝူးဖြစ်ပြီး ဂျောင်ဂုကတော့အသားကင်သူနေရာက တာဝန်ယူပေးထားသည်။ ကင်တာက တစ်ယောက်တည်း စားတာက အယောက်သုံးဆယ်လောက်မို့ သူ့မှာလက်မလည် ။ ဟိုစပ်စပ်၊ဒီစပ်စပ် ပတ်ပြေးနေတဲ့ ထယ်ယောင်းအနားလည်း သူ တကယ်ကို ကပ်ချိန်မရပါ ။ တစ်ချက်တစ်ချက် ဂျောင်ဂုအနားကိုရောက်လာပြီး တစ်ရှူးလေးနဲ့ချွေးသုတ်ပေးလိုက် ၊ အသားကင်လေး၊ခေါက်ဆွဲလေးတွေခွံကျွေးလိုက် ၊ ရေသန့်ဘူးလေးအဖုံးဖွင့်ပြီး နှုတ်ခမ်းမှာလာတေ့ပေးလိုက် လုပ်တတ်တာကြောင့် သူ့မှာ အမောတော့ပြေရသေးသည်။

"မောင် ခဏနားရင်နားလိုက်ပါဦး ၊ ကျွန်တော်ဆက်ကင်လိုက်မယ်"

ယပ်တောင်လေးတစ်ချောင်းနဲ့ ယပ်ခပ်ပေးနေသူက နားနားကပ်ကာ ခပ်တိုးတိုးပြောလာသည်ကြောင့် ဂျောင်ဂု ခေါင်းခါပြလိုက်ရ၏။

"လေတိုက်ရင် လူကိုပါ မီးဟပ်တတ်တယ် သက်လှယ်ရဲ့ ၊ ဟိုဘက်မှာသွားထိုင် ဒီနားမှာ မီးခိုးတွေမွှန်မယ် ၊ မောင် ဒီတစ်သုတ်ကင်ပြီးရင်လာခဲ့မယ် သွား"

ဂိမ်းကစားဖို့ပြင်ဆင်နေတဲ့ ကျောင်းသားတွေဆီ လှုပ်လီလှုပ်လဲ့ လျှောက်သွားပုံက ဂီတာသံ၊သီချင်းသံတွေကြား ခေါင်းတညိမ့်ညိမ့် ။ ဂျောင်ဂု လှမ်းကြည့်နေရင်းကပင် ဆရာသမားက သူ့တင်ပါးသူ လက်ဝါးနဲ့ပုတ်ကာ ဘယ်ညာယိမ်းခါပစ်လိုက်သေးသည် ။ "သိပ် မကဲနဲ့" လို့မှာထားတဲ့ သူ့စကားတွေက "သဲထဲရေသွန်" ။ လူတိုင်းသူ့အာရုံနဲ့သူ အလုပ်ရှုပ်နေကြတာသိပေမယ့် ဒီငဆိုးအကဲလေးကို ဘယ်ကောင်များ မျက်စိအစာကျွေးနေမလဲဟု အံကြိတ်ရင်း ရှာပုံတော်ဖွင့်ရသေး၏။ "တော်သေးတယ်၊ ဘယ်သူမှ ငမ်းမနေလို့" ဟူသောအတွေးက ဂလွမ်ဂလွမ်နဲ့ကီးကြောင်တဲ့သံစဉ်တွေ ထွက်လာရာဆီ လှမ်းမကြည့်မိခင်အထိ သာခံလိုက်သည် ။ မြင်လိုက်ရသည်က ဂီတာကြီးပိုက်ပြီး ပါးစပ်အဟောင်းသားဖြစ်နေတဲ့ ပတ်ဆူဟို.. နောက်တစ်ယောက်က ပါးစပ်ထဲခေါက်ဆွဲပြုတ်တန်းလန်းနဲ့ ကျောက်ရုပ်ဖြစ်နေတဲ့ ဟန်ထယ်စော ။