YOU BROKE ME FIRST [ COMPLETED ]

TWENTY-SEVEN

Song recommendation: Film out - 방탄소년단

__________________

[UNICODE]

တနင်္ဂနွေနေ့မို့ ဘုရားကျောင်းကနေ ကြိတ်ကြိတ်တိုး ပြန်ထွက်လာကြတဲ့ လူအုပ်ကြီးကြား ထယ်ယောင်း ခေါင်းငိုက်စိုက်ချ၍သာ လျှောက်ခဲ့လိုက်ပါ၏ ။ ကလေးတွေအတွက် ရုပ်ပြပုံပြင်စာအုပ်နဲ့ စာရေးကိရိယာတချို့ဝယ်ပြီး ပြန်လာတာမို့ သူ့လက်ထဲမှာ အထုတ်ကြီး၊အထုတ်ငယ် အသွယ်သွယ်ဖြင့် ။ နည်းနည်းပါးပါးပဲ ဝယ်ဖြစ်မယ်ထင်ပြီး ဘုရားကျောင်းက အသယ်အပို့လုပ်တဲ့ ကားဆရာကို လိုက်မပို့ခိုင်းဘဲ သူ ချေကျင်လျှောက်လာတာဖြစ်သည် ။

ကိုယ်ဝန်သည် အမျိုးသားတစ်ယောက်အား စူးစမ်းသလို ၊ မနှစ်မြို့သလို အကြည့်တွေနဲ့ ၊ တိုးတိုးတစ်မျိုး ၊ ကျယ်ကျယ်တစ်ဖုံ ထင်ကြေးပေး ဝေဖန်နေကြသံတွေကို နေ့စဉ်နဲ့အမျှ တွေ့ကြုံခံစားနေရတာတောင်မှ သူ့မှာ အခုထိ နေသားမကျနိုင်သေး..။ မမြင်ချင်ယောင်ဆောင်နေပေမယ့် တကယ်မမြင်ရတာ မဟုတ်သလို..မကြားချင်ယောင်ဆောင်နေပေမယ့် တကယ်မကြားရတာမှ မဟုတ်ဘဲလေ..။

"အလျင်လို ၊ အနှေးဖြစ်" ဆိုသလို မိုးရွာထားတာကြောင့် ဘုရားကျောင်းဘက်ကို သွားတဲ့လမ်းမှာ ရွှံ့ဗွက်အနည်းငယ် ရှိနေတာမို့ မတော်တဆ ချော်လဲကျသွားမှာစိုး၍ ထယ်ယောင်းမှာ ဗိုက်ကလေးဖိပြီး သတိထားလျှောက်နေရ၏ ။

"လင်ကောင်မပေါ်ဘဲ မွေးမယ့်ကလေး ထင်ပါရဲ့အေ"

အသံလာရာဆီ လှည့်မကြည့်မိပေမယ့် စာအုပ်အိတ်ကို ကိုင်ထားတဲ့ ထယ်ယောင်း လက်သီးဆုပ်လေးဟာ ကျစ်ခနဲ ။ ဒေါသထွက်၍မဟုတ် ၊ ခံပြင်း၍ မဟုတ် ။ စိတ်အားငယ်၍..။ ဒီအပြောအဆိုတွေကနေ ကာကွယ်ပေးမယ့်လူ မရှိ၍သာ..။

"ကိုယ်ဝန်သည်ယောက်ျားတဲ့လားဟယ် ၊ စိတ်ပျက်စရာကြီး"

"ယောက်ျားရင့်မာကြီးဖြစ်ပြီး ဘယ်လိုမလျော်မကန်တွေ လျှောက်လုပ်လို့ ဗိုက်ကြီးတဲ့အထိ ဖြစ်ရတာတုန်း"

"အဲ့တာပြောတာ..၊ အကာအကွယ်မပါဘဲ အတတ်ဆန်းပြီးရင်လဲ တားဆေးလေးတော့ သောက်ပေါ့ ၊ မဟုတ်တောင် ကိုယ်ဝန်နုတုန်းကတည်းက ဖျက်ချလိုက်ရမှာ ..၊ ခုတော့ကြည့်ဦး ..၊ ရုပ်ကလေးနဲ့မှမလိုက် အရှက်တကွဲ အကျိုးနည်းဖြစ်ပြီ"