YOU BROKE ME FIRST [ COMPLETED ]

NINETEEN

[UNICODE]

ဆွစ်ဇာလန်နိုင်ငံမှာ အကြီးဆုံးမြို့ဖြစ်တဲ့ ဇူးရစ်ချ်က နိုင်ငံရဲ့အလယ်ပိုင်း ၊ ဇူးရစ်ချ်ရေကန်ရဲ့အနောက်မြောက်ဘက် ထိပ်ဖျားမှာ တည်ရှိတာဖြစ်သည်။ ဂျောင်ဂုတို့ ဂျနီဗာမြို့နဲ့ ၂၇၇ ကီလိုမီတာ အကွာအဝေးမှာရှိတာမို့ ကားနဲ့ဆို ၃ နာရီခွဲလောက်ပဲ မောင်းရ၏။ ပထမနှစ်တုန်းက ကျောင်းတွင်းဆောင်မှာ အော်စတင်တို့နဲ့ အတူနေခဲ့ပေမယ့် ဒုတိယနှစ်တစ်နှစ်လုံးရော ၊ အခုနောက်ဆုံး တတိယနှစ်မှာပါ မြို့လယ်ခေါင်က တိုက်ခန်းတစ်ခုမှာ ထယ်ယောင်းနဲ့အတူ နှစ်ယောက်တည်းငှါးနေခဲ့တာဖြစ်သည်။

Semester တစ်ခုပြီးလို့ လနဲ့ချီပြီးပိတ်တဲ့ကျောင်းပိတ်ရက်ရှည်တွေကလွဲရင် ကြားထဲက Weekends တွေမှာ သူတို့ ဂျနီဗာ မပြန်ဖြစ်ခဲ့ကြ ။ ဒီအတောအတွင်း ကုမ္ပဏီအလုပ်ကိုလဲ Work From home သဘော ဆက်လုပ်နေဆဲမို့ ဒေါ်လာလေးသောင်းကျော်က လစဉ်မပြတ်ဝင်နေတာကြောင့် ဆွစ်ဇာလန်နိုင်ငံသားတစ်ဦးရဲ့ ပျမ်းမျှလုပ်အားခနဲ့တွက်ကြည့်ရင် ဂျောင်ဂုက သူဌေးစာရင်းဝင်သည် ပြောရမည် ။

ပြောရင် ရယ်စရာဖြစ်ကောင်းဖြစ်နေနိုင်ပေမယ့် ဘယ်တော့မှန်းမသိ လိုအပ်လာမယ့် ကလေးမီးဖွားစရိတ်ဘာညာကိုတောင် သူအလုံအလောက် ပြင်ဆင်ထားပြီးနေပြီ ။ ကလေးနာမည်လည်း စဉ်းစားပြီးသားဖြစ်သလို အဝတ်အစား၊ဖိနပ် စတဲ့အသုံးအဆောင်ပစ္စည်း ပိစိသေးသေးလေးတွေကိုလဲ အပြင်သွားတိုင်းဝယ်လာဖြစ်တာကြောင့် အခုဆို တော်တော်လေးစုံနေပြီ ။

ဝယ်သမျှက ယောက်ျားလေးအသုံးအဆောင်တွေချည်း ဖြစ်နေတာကြောင့် ထယ်ယောင်းခမျာ "မိန်းခလေးမွေးရင် ဘယ်လိုလုပ်မလဲ" ဆိုတာမျိုးနဲ့ သူ့ကို သတိပေးရပေါင်းမနည်း။ ဂျောင်ဂုတို့အဖြစ်က ဘာနဲ့တူသလဲဆိုရင် "မုန့်ဆီကြော်က ဘယ်ဆီနေမှန်းမသိ ၊ နှုတ်ခမ်းအနာနဲ့တည့်ပါ့မလား"တွေးပူနေရသည့်နှယ် ။

ထယ်ယောင်းက အထက်တန်းအောင်စာရင်း ထွက်ပြီးသားဆိုပေမယ့် ဆွစ်ဇာလန်မှာ ကျောင်းတက်ဖို့ရာ IELTS Score နဲ့ GPA ( Grade Point Average) မပြည့်မှီတာကြောင့် အခက်တွေ့နေတာဖြစ်သည် ။ Barista လို ၊ Bartender လို အသက်မွေးဝမ်းကြောင်း ပညာရပ်တစ်ခုခုကို အပြင်သင်တန်းတွေမှာ သွားတက်ချင်ဦးတော့.. ဂျာမန်နဲ့အင်္ဂလိပ် ဘာသာစကားနှစ်ခုထဲက တစ်ခုခုတော့ ကျွမ်းကျင်စွာပြောတတ်ဖို့လိုသေး၏ ။ ထယ်ယောင်းပညာရေးအတွက် အဆင်အပြေဆုံးနည်းက ကိုရီးယားကိုပြန်ပြီး ဆိုးလ်မှာတက္ကသိုလ်ဆက်တက်ဖို့အပြင် တခြားမရှိ ။ ဂျောင်ဂုက တစ်ယောက်တည်းလွှတ်ဖို့ စိတ်မချသလို ၊ မခွဲနိုင်တာလဲပါသည်မို့ အခုထိ ထယ်ယောင်းကသူ့ဘေးမှာ နဂိုအတိုင်းရှိနေတာပါပင် ။ သူလဲ ဒီ ၆ လ internship ဆင်းပြီးရင် Bachelor ဘွဲ့ရမှာမို့ Master တန်း ဆက်တက်ဖို့ကိုနောက်ဆုတ်ပြီး ထယ်ယောင်းနဲ့အတူဆိုးလ်မှာ လိုက်နေဖို့စီစဉ်ထား၏။