YOU BROKE ME FIRST [ COMPLETED ]

TWENTY-ONE

WARNING: This chapter contains explicit adult content, including sexual themes and mature situations. It is intended for readers 18 and older.

__________________

[UNICODE]

Seoul National University .. ။

အသက် ၂၀ ပြည့်ကာနီးမှ တက္ကသိုလ် ပထမနှစ်ကျောင်းသား ဖြစ်ခဲ့ရပေမယ့် အစစအရာရာမှာ လိုလေသေးမရှိ မောင့်ပံ့ပိုးမှုတွေကြောင့် အတန်းဖော်တွေနဲ့ ဆရာ၊ဆရာမတွေကြား ထယ်ယောင်းက ပိုပိုသာသာ မျက်နှာပန်းလှခဲ့သည်။ နဂိုတည်းက ပေါင်းသင်းဆက်ဆံရေး ကောင်းသလို မျက်နှာထားလည်းချိုသူမို့ ခင်မင်သူ မိတ်ဆွေအပေါင်းအသင်းလဲ အတော်လေးများပါ၏။ စိတ်ကျဉ်းကြပ်မှာ စိုးလို့လားတော့ မသိပေမယ့် မောင်က အပေါင်းအသင်းနဲ့ပက်သက်ပြီး အထက်တန်းတုန်းကလောက် ထယ်ယောင်းကို စည်းကမ်းတင်းကြပ် မထားတော့ပေ ။

ကျောင်းပိတ်ရက်တွေမှာ မောင်က ထယ်ယောင်းအား အိမ်စာတွေကူကြည့်ပေးတာအပြင် ကားမောင်းသင်ပေးတာမျိုး ၊ အင်္ဂလိပ်စကားပြော၊ ဂျာမန်စကားပြော သင်ပေးတာမျိုးတွေလဲ လုပ်တတ်သည် ။ တစ်ခါတစ်ရံများဆို ထယ်စောရှိတဲ့ ဘူဆန်အထိပါ အလည်လိုက်ပို့ပေးတတ်သေး၏ ။

ကျောင်းတက်ခါစတုန်းကတော့ မောင်ကိုယ်တိုင် အကြိုအပို့လုပ်ပေးခဲ့ပေမယ့် ထယ်ယောင်း ကားမောင်းတတ်သွားတဲ့အချိန်ကစပြီး တစ်ယောက်တည်း ကားနဲ့အသွားအပြန်လုပ်ရတော့သည် ။ တစ်ခုခုဆို "စိုးရိမ်လို့ မလုပ်ပါနဲ့" ဆိုတဲ့ စကားအစား "မထိခိုက်ဘဲလုပ်တတ်အောင် မောင်သင်ပေးမယ်" ဆိုတာမျိုး ဖြစ်လာတဲ့အခါ ထယ်ယောင်းက ဒီကိုရောက်လာတဲ့ ၁၀ လကျော်အတွင်း အတော်လေး လည်လည်ဝယ်ဝယ် ရှိလာတယ်ဟု ပြောရမည် ။ အရင်ကလို ဘာမှမသိနားမလည်တဲ့ အူလည်လည်လေး မဟုတ်တော့ဘဲ မောင့်အလုပ်ကိစ္စတွေမှာတောင် တောက်တိုမယ်ရ အကူအညီပေးနိုင်တဲ့ မောင့်လက်ထောက်ကလေး ဖြစ်လို့နေပြီ ။

"သက်လှယ် .."

"ဗျာ မောင်"

"Menstruation ဖြစ်ခါနီးပြီနော် ၊ဒီနေ့ ရက် ၂၀ ဆယ်ပြည့်တာဆိုတော့ ..တစ်ခုခု နေထိုင်မကောင်းတာတွေ ၊ဘာတွေ ဖြစ်သေးလား"

"အဲ့လိုအတိအကျကြီး မဟုတ်ပါဘူးဆို မောင်ကလဲ ၊ သူ့ဟာသူ ဖြစ်ချိန်တန်ရင် ဖြစ်မှာပေါ့ ၊ မဖြစ်တော့လဲ ပိုတောင် အလုပ်ရှုပ် သက်သာသေးတယ်"