طفلة قلبت كياني

البارت الخامس عشر

شهد بصدمة: مليكة.
بينما عند ملك هرولت ناحية توأمها و احتضنتها بشدة و دخلوا بنوبة بكاء شديدة و ارتفعت شهاقات كل من هما ابتعدت ملك عنها و تلمست وجهها بين يديها و هي تهتف ببكاء: انتي معايا أنا مش بحلم صح.
ثم احتضنتها ثانية و أردفت بصوت بكاء يمزق نياط القلب: اااااه يا حبيبتي يا قلبي أنا مكنتش عايشة من غيرك.
ثم أكملت ببراءة و خوف مخلوطاً ببكائها الشديد: انتي مش هتسيبيني تاني.
مليكة بصوت مخنوق من البكاء: مش هسيبك يا قلبي أنا مصدقت لقيتك.
نقلت بصرها لشهد و أردفت بهيستريا: شهد بصي مليكة رجعت و مش هتسيبني تاني شهد مليكة أختي هنا مليكة رجعتلي.

استيقظت ملك من نومها مفزوعة و يتصبب العرق من جبينها نظرت حولها وجدت نفسها في غرفتها صرخت بهياج و هي تنهض من الفراش: لا مش ممكن ده مكانش حلم لا مليكة انتي فين مليكـــــــــــــة.
إزدادت حدة بكاءها و انهارت أرضاً و من ثم ضمت ركبتيها لصدرة و هي تبكي بهيستريا و تنادي شقيقتها من بين شهقاتها دخلت عليها شهد مسرعة و احتضنتها بشدة و هي تبكي علي حالتها تلك.
شهد و هي تربت علي ظهرها: هش اهدي يا قلبي مالك بس يا ملك.
ملك: مليكة أختي أنا شوفتها كانت هنا و الله شوفتها و حضنتها.
توسعت عيناها و هبطت دموعها بشدة و هي تكمل: قالتلي إنها مش هتسيبني قالتلي هتفضل معايا.
بكت شهد بشدة علي حال صديقتها و لم تستطع الكلام بينما أردفت ملك: هي مش هتسيبني صح أكيد مش بتضحك عليا مش كده.
هزت شهد بعنف و هي تصرخ: انتي بتعيطي ليه هاه بتعيطي ليه دلوقتي.
شهد بشهقات متقطعة: ملك الله يخليكي إهدي بس عشان أعرف أتكلم معاكي.
ملك: تتكلمي معايا في إيه أنا عاوزة مليكة هي كانت هنا أنا عاوزة أختي.
شهد ببكاء شديد: اهدي يا ملك عشان خاطري.
بكت ملك بشدة و أردفت: أنا عاوزة مليكة أنا عاوزة أختي عشان خاطري يا شهد هاتيلي مليكة.
: ملك؟!!
رفعت ملك عينيها من أحضان شهد و نظرت تجاه الباب ثوان و كانت هناك قذيفة تندفع نحوها احتضنتها مليكة بشدة و بكت هي الأخري: أنا أسفة يا روحي بس انتي كنتي نايمة و أنا طلعت عند ماما أنا أسفة يا قلبي و الله أسفة.
ملك و هي تتشبث بها كالطفل الصغير: متسيبنيش تاني أنا من غيرك مش عايشة.
مليكة بدموع: مش هسيبك يا قلبي مش هسيبك.
هدأت ملك قليلاً و استكانت بين أحضان شقيقتها التي أخذت تملس علي رأسها و فور هدوءها جذبت شهد لأحضانها فكان الثلاثة يحتضنون بعضهم انفجرت شهد باكية فهدئتها ملك قائلة: خلاص يا شهد أنا كويسة أهو.
شهد: كنتي بتضيعي مني يا ملك مقدرتش أتكلم و حالتك كده.
ملك: خلاص يا شهد و الله أعيط.
مليكة: و أنا كمان هعيط و أنا لما بعيط مبتحكمش في مناخيري و هنقلبها أرض المناديل.
ضحك الاثنتان عليها و أردفت شهد: يا نهار أبيض توأم مفيش كلام.
ملك بغرور مصطنع: أمال يا بنتي احنا مش أي حد بردوا.
شهد: انتي عارفة يا مليكة لما كان فهد متقدملي ملك عملت إيه.
مليكة: عملت ايه.
قصت عليها شهد أحداث اليوم فانفجروا ثلاثتهم ضحكاً.
مليكة بدموع من كثرة الضحك: يا لهوي حلاقة الدقن يا ملك 😂😂😂😂 لا مش قادرة.
انقضت ملك علي شهد تعضها و تدغدغها فصرخت شهد قائلة: و الله هقول لفهد.
ملك: هيعملي إيه سي فهد بتاعك ده.
شهد ببساطة: هيعلقك.
ملك: يا سلام بالبساطة دي لا يا حبيبتي يزن هيقفله.
ضحكت شهد بشدة حتي أدمعت عيناها فنظر التوأم لها هل هي مفصومة.
ملك: مالك يا بت ده انتي مضحكتيش كده لما زغزغتك.
شهد: بتقولي يزن هيقفله ده يزن أول واحد اتعلق علي إيده.
ملك بصدمة: بتهزري.
شهد: و ربنا مش بهزر علقه عالشجرة في الجنينة عشان علقني عليها و كان بيقول لفهد ياض.
مليكة: احمدي ربنا إنه محدفهوش من السطح.
ملك: مش للدرجادي يعني.
مليكة: لاء انتو متعرفوش فهد في عصبيته مش بيشوف قدامه.
شهد: بس من ساعة ما اتخطبنا و هو كويس خالص ده حتي بيهزر مع يزن و مبيتعصبش عليا خالص.
مليكة: شهد فهد بيحبك بجد انتي متعرفيش كان عامل إزاي قبل ما يعرفك أنا كنت بخاف منه جداً.
هزت شهد رأسها بشرود و هي تتذكر أول مقابلاتهم.