طفلة قلبت كياني

البارت الخامس و الثلاثون

مبسوطة لاني نضيفة من جوه
مبسوطة لاني لسه بدعي من قلبي لغيري قبل ما يڪون ليا ومن غير مقابل ..
مبسوطة لاني مش منافقة ومش حقودة وراضية بنفسي جدا وفخورة بيها
مبسوطة لاني عايشة بقلب طفلة
مبسوطة اني عمري ما اذيت حد ب الرغم اني بتأذي كتير
مبسوطة مش معناها اني فرحانة
لا مبسوطة يعني راضية بكل حاجه باللي راح واللي جاي واللي بيحصل واللي هيحصل
مبسوطة لاني راضية عن نفسي
❤
              *..................................*
يزن بعشق: أحلي و أجمل مكافأة.
و من ثم سحبها لأحضانه ثانية و لكن قطع سكون لحظتهم ذاك الصوت الأنثوي الذي يألفه كلاهما
شهد بهيام و هي تتكأ علي باب الغرفة: يا عيني عالحلو لما تبهدله الأيام.
سهى متنهدة بصوت مسموع: هيييييييح كان بعقله أخويا جننتي الواد يا ملك.
ملك بتذمر: لا يختي أنا واخداه مجنون متلبسوهاش فيا.
يزن بتشنج: انتو اي اللي جابكم دلوقتي.
شهد بغمزة: ليه كنت عاوز تستفرد بالبونية تديها بوسه من اللي بتجيب إرتجاج في المخ دي هاه هاه.
يزن غامزاً بوقاحه: زمان فهد ادهالك.
تلعثمت شهد و أردفت: اانت قليل الأدب و أنا هقول ل بابا يا بابا يا بابا.
قهقة عليها باستمتاع و أردف و هو ينهض ناحيتها: خلاص خلاص متتقمصيش اوي كده كنت بهزر معاكي.
صفعه علي مؤخرة رأسه أتته من حيث لا يعلم كما لو أنها جاءت من العدم تتابعاً مع الصوت الذي خرج محذراً: شهد خط أحمر يا حلو.
وضع اصبعه في أذنه و حركه و من ثم أردف بتعجب: ملك حبيبتي هو انتي بتتخني صوتك ليه.
صمت قليلا و من ثم أردف: لا أكيد مش ملك هي البت سهى اللى صوتها تخين كده.
علبه مناديل اصطدمت بكتفه كانت الإجابة علي تساؤله تزامناً مع صياح سهى ب: سهى اي دي اللى صوتها تخين يا حلوف انت.
أردف فهد و هو يضع يده علي كتفه: أنا يا عسول اللي لسعتك القفا ده.
صمت قليلا و من ثم إرتسمت علي محياه إبتسامه غبية مردفاً بغباء: أبو نسب فينك يا راجل و الله واحشني من امبارح و كنت لسه بتكلم أنا و شهد عنك جايبين سيرتك بالحسني.
أردف بمبالغة و هو يضع اصبعه السبابة علي فمه: و الله و ما ليك عليا حلفان كنا جايبين سيرتك ب كل خير واحشني يا راجل والله.
دفعه بخفه مردفاً باستهزاء: طبلة و اشتغلت بطل تطبيل يلا.
حك يزن مؤخرة رأسه بخجل موجهاً كلامه ل شقيقته: شكلي وحش دلوقتي صح؟!!
هنا انفجرت الفتيات ضاحكات و اردفت شهد من بين ضحكاتها: وحش أوي أوي اوي.
يزن بتذمر: الله يطمنك.
صاح به فهد من الخارج: اخلص يا يزن عشان عندنا شغل كتير.
يزن بصراخ: حاضر يا مرات ابويا.
شهقت شهد بتفاجئ بينما وضعت ملك يدها علي رأسها(🙆🏻‍♀️ كده يعني) و أردفت سهي بنبرة مرتجفه: سلم عالشهدا اللي معاك كان طيب اوي اخويا.
فهد بنبرة جحيميه: انت قولت ايه.
يزن بثبات زائف: بكح يا شق اي مكحش يعني عاوزني أكتمها و اموت مثلا.
أكمل بحدة زائفه: قول انك عاوزني أموت عاوز تخلص مني يا ابو الفهود.
فهد ببسمه مختله متجاهلاً كل كلماته: مرات أبوك هاه أنا هوريك دلوقتي هعمل فيك ايه.

يزن بصراخ: يعم حرام عليك اللي بتعمله فيا ده هو عشان ربك رازقك بشوية عضلات تفتري بيهم علي خلق الله.
اكمل متذمراً: والله هتلاقيهم كلهم حقن.
فهد ببرود: متخلينيش أنزلك و أوريك الحقن دي بتعمل اي تلاشاني أحسنلك.
يزن بمراوغه: يسطا احنا اخوات و اللي بينا فات مات.
فهد ببرود و هو يحرك المروحه الخاصه بالشواء علي الفحم: والله او قلبتلي عنبه هنا مش هنزلك غير لما يجيلي مزاجي.
يزن بحدة: علي فكره دي دكتاتورية و ظلم و استبداد و عنف يرفضه الفرد و ينبذه المجتمع و أنا لا أقبل بهذا .
حرك يده في الهواء مكملاً بصوت عالي: لا لا و ألف ألف لا لن نقبل بالظلم أبداً لا و ألف لا لن نستسلم للمستعمر و يانا يا السفارة في قلب العمارة.
شهد و هي تحادث ملك مشيرة بيدها ناحيه أخيها المعلق علي الشجرة: شايفه أهو قلب علي روتانا سينما أهو.
أومأت ملك إيجاباً مردفه بتركيز: شوية كمان و هيقولنا حلو عن صدورنا.
نظرت الفتيات لبعضهم البعض ثم انفجرن في الضحك.
بينما أردف يزن بتذمر: بتضحكوا عليا لا مكنش العشم والله أنا زعلان منكم اوي.
أردف بتأثر و هو يوجه بصره للسماء: يارب ليه يارب ليه يارب ليه.
زين بسخريه: ترا والله حزنت عليك ترا والله إتأثرت فيك لحظة أبكى إهئ إهئ إهئ.
يزن بعبوس: حتي انت يا حجوج.
وجه أبصاره لفهد مردفاً بتذمر: كابتن عضلات.
فهد بملل: اممم.
يزن بحدة: عارف لو منزلتنيش دلوقتي هعمل ايه.
فهد بتحدٍ: لا مش عارف عرفني.
يزن بنفس التحدي: عاوز تعرف.
فهد بجمود: ياريت.
يزن بمكر: مش هعمل حاجه هفضل زي ما أنا.
انفجر الجميع ضحكاً عليه.
بينما جاء مالك من الداخل حاملاً أغراض الشواء مردفاً بمرح: اي يشباب الحفله علي مين.
يزن بحسرة: و هو في غيري بختي و أنا عارفه يا عيني علي بختي و بختك يامااا.
سارة بحنق: الله و أنا مالي يا لمبي.
يزن بتذمر: سيبتيني في وسط العالم القاسي ده لوحدي و أنا اصلا بسكوته.
أكمل بحسرة بصوت كتكوت: كتكوت ضعيف الجناااااح و الدنياااااا غدرت بيييييه.
مالك بإنزعاج: بس افصل.
يزن بعناد: كتكووووووت ضعييييييف الجنااااااااااح و الدنياااااااااا غدرت بييييييه.
زين بقرف: طب يا سيدي شكراً كفايه.
يزن: رماه عليا الهوااااا و شكالي باللي فيييييييييه.
فهد بتشنج ساداً بكفيه أذنيه: كفاية كفايه وداني بتصوت.
يزن بعناد طفولي: صعب عليا و خدته لاجل إني أربيييييييه.
اندفع مالك ناحيته مردفاً بتشنج: لا ده انت كده ناوي تجيب أجلنا اسف يا ابو الفهود بس أنا هنزله قبل ما يشلنا كلنا.
وقف يزن أرضاً بعدما عاونه مالك في النزول و من ثم أمسك رأسه مقبلها بقوة و أردف بنفس النبرة: جميلك دي فوق فوق راسي من فوق.
مالك بتذمر: اوعي يا عم كده متتراخمش خلينا نخلص.
صرخ يزن فجأة مردفاً: بغرررررق.
نظر الجميع ناحيته و كانت الفتيات هن من أحضرن خرطوم الحديقه و تندفع المياه بشده منه.
أردفت شهد باستمتاع: صلي علي رسول الله.
فهد بملل: سيبي يا شهد البتاع اللي في اي...
لم يكمل جملته حتي وجد شلالاً من الماء مندفعاً ناحيته اغرقه و من شدة اندفاع الماء سقط ارضاً.
يزن بهدوء: مش كده يا شهد ده زي جوزك بردو.
أكمل موجها حديثه ل فهد الذي يحاول النهوض: بس يا ابو الفهود المنطقة دي منطقه أعراض اه والله شكلك مش مسيطر يا كبير.
ملك بصراخ: بوتاجاز عشرة شعله.
يزن بابتسامة سمجه: حبيبه قلبي.
ملك باستفزاز: خف شويه مش عاوزين البونية تشرف جنبينا.
بينما وجهت شهد حفنه من الماء ناحيته ثانية جعلته يسقط أرضاً جوار فهد.
ربت فهد علي كتفه مردفاً باستمتاع: عارف يا يزون المنطقة اللي احنا فيها دي منطقه ايه.
يزن بتفكير: منطقه........ (اسم المكان اللي عايشين فيه مش شتيمه عشان عارفه النية عندنا ↘️↘️✈️✈️ ).
صفعه فهد علي مؤخرة رأسه مردفاً: ركز يا غبي.
يزن بألم: معاك اهو.
فهد: المنطقه دي منطقه أعراض.
يزن بغباء: اهااااااااااااااا.
وضع مالك رأسه بينهما مردفاً بصراخ: قاطعت المؤتمر المهم العظيم ده.
نظر كلاً من فهد و يزن لبعضها و أومأو إيجاباً.
أردف مالك بنبرة هادئة: اني اسف.
و من ثم أكمل بصراخ: بس حضراتكم ممكن تسيبوا المؤتمر الدولي ده و كل واحد يجي يشيل مراته من خلقه اهلي عشان اتغرقت مايه.
و في هذه اللحظة انطلقت المياه ناحيه ثلاثتهم مصحوبه بصراخ الفتيات الثلاث: القاضية ممكن ضرب ناري بالآلي.
يزن بتأثر و هو ممدد أرضاً: فنطت ورق الدنيا و طلعلي شايب.
مالك مكملا: أيوة حظي أنا خايب.
فهد بتذمر: الحظ تركني وراح مش لاقيلي حبايب.
زين من خلفهم ممسكاً بخرطوم أخر موجها إياه صوب الفتيات: اهدي يا دنيا اتستني جاي بالآلي هضرب علي اللي خاني حتي لو غالي.
تعالت صرخات الفتيات الممزوجة بضحكهم و صدحت ضحكات الشباب في أرجاء الحديقه و قضوا وقتاً جميلاً استمتع به الجميع.

(شهد اللي هي أنا تسكت والله ما تحصل😌😌).
: والله نسيتك ابعد انساني بس نا منسيتكش يا فهد ولا نسيت يوم واحد من اللي عشته بسببك و هدفعك تمن اللي عشته و اللي حصلي غالي أوي.
وجه أنظاره ناحية شهد و حرك رأسه للجانب قليلاً مردفاً ببسمه مختلة: و أول حاجه هبدأ بيها هي شهدك اللي فرحان بيها دي.

ازيكم🌚 وحشتوني والله بصوا هو أنا ك شهد كنت بمر ب فترة صعبه بس خلاص ان شاء الله مفيش انقطاع تاني محدش هينفعني لما شغلي يبوظ.
عاوزاكم بقا تدلعوني كومنتات و حركات و اعملولي فولو🥺🥺.
المشكله مش هنا المشكله فين أنا في في راسي روايتين كمان غير الجزء التاني من طفله قلبت كياني ف اي رأيكم اكتب واحدة منهم مع الجزء التاني ولا نخلي الجزء التاني شوية مع العلم مش هيبقي ولادهم😂😂.

مستنية رأيكم🙂❤.
Enjoy sweets😘😘.