طفلة قلبت كياني

البارت التاسع

ازيكم يا قمامير 😘😘
مبدئيا كده بلاش الكلام السلبي اللي في الكومنتات اللي من نوعية الفصل قصير  أولا: أنا مش زي الكاتبات التانيين بدون ذكر أسماء بيكتبوا الفصل ١٠٠ كلمة و يغيبوا بالشهور ميكتبوش أنا بكتبلكم بارتين في الأسبوع.
ثانياً: مفيش تشجيع عشان اكتب أكتر اللي بيقرا البارت بيتفاعل أقل من ربعهم و في الأخر المطلوب مني أكتب أكتر طيب بالعقل كده مفيش تشجيع و كمان كومنتات سلبية هكتب إزاي بقا.
ثالثاً: أنا بكتب حاجة مختلفة و جديدة فلازم أعرف أرتب الأحداث كويس و مفيش أخطاء في الكتابة انتو متعرفوش الكتابة بتاخد وقت قد ايه أو مراجعة الفصل فبلاش الكلام ده اوك أنا ربنا يعلم الفصل اللي فات كنت بكتبه و أنا مش قادرة كانت نفسيتي بايظة و مع ذلك كتبته و مرديتش ألغيه.
رابعاً: الناس اللي بتنتقد في حجات ملهاش لازمة مش بشوفكم لما الفصل يكون perfect  و لا حتي بتعملوا فوت للرواية.
أنا بس حبيت أوضح الأمور عشان أنا مش هسكت بعد كده عن أي إهانة و أسفة لو كنت تجاوزت في الكلام.
*******************************
صَلوا علي من سكن الفؤاد و لم تراه العين.

كانت شهد تجلس في الحديقة مع رفيقة دربها و صديقتها ملك و لم تنتبه لهذا الواقف في أعلي المبني المقابل لمنزلهم و يسترق النظر نحوها تتحدث هي و ملك و تضحكان بسعادة و فجأة ارتفع رنين هاتفها فالتقطته و: السلام عليكم.
*****: و عليكم السلام ازيك يا شهد.
شهد: لسه فاكرة شهد يا ندلة يا زبالة بس اما اشوفك يا سها بصي مش هقولك هعمل فيكي ايه هسيبك لخيالك المريض يصورلك هعمل ايه.
ضحكت سها بصخب: و الله انتي مشكلة و نستيني كنت عاوزاكي في ايه.
شهد: قولتيلي يعني في مصلحة من ورا الموضوع اخص عليكي.
سها: يا بنتي انا نفسي اتكلم معاكي مرة من غير ما اموت من الضحك بس بجد محتجاكي جداً.
شهد: اشجيني يا اختااااه.
سها: لاء مش هينفع في الفون لازم أقابلك يا تجيلي يا اجيلك.
شهد: تمام تعاليلي حتي ملك هنا و نعيد الماضي الوسخ نياهاهاهاها.
سها: اوك هقول لماما و اجيلك علطول.
Stop
" سها بنت خالة شهد فتاة طيبة حنونة مثل كل من ملك و شهد و هم أصدقاء مقربون و لكن انتقلت أسرة سها لمدينة أخري ليست ببعيدة عنهم و من ثم انقطعوا عن بعضهم إلا في الاجازات "
End stop
ملك: دي سها صح.
شهد: ايوة سها جاية النهاردة.
ملك: دي هتبقي مدبحة يا شقيق.
ثم أخذا يقفزان كالأطفال.
علي الجانب الآخر ابتسم فهد علي طفولة صغيرته و تمتم لنفسه: هتبقي معايا لأخر العمر.
و من ثم اختفي فجأة كما ظهر فجأة.

خرج زين للحديقة حيث تعتني الفتيات بالزهور وجدهم يضحكون بشدة كالأطفال ابتسم علي نقاء روحهم في زمن ندر فيه النقاء توجه ناحيتهم و جلس في منتصفهم و ضم كل واحدة منهما بيد و استرسل حديثه قائلاً: انتو الاتنين مهما كبرتوا هتفضلوا أطفال في نظري انتي بنتي و حبيبة قلبي و انتي ابوكي اخويا و مكانتك زي مكانة شهد بالظبط.
شهد بمزاحها المعتاد: ايه يا بوب هو انت جايبلنا عريس و لا ايه هاه.
زين بجدية: هو في عريس بس مش ليكم انتو الاتنين.
شهد بحيرة: أمال لمين.
ثم أردفت بمزاح: انت شكلك جاي تخضنا و خلاص صح؟
لم تتغير معالم زين الجدية فاردفت شهد: مش صح طيب قول في ايه يا بابا أنا بخاف من البصة دي.
زين موجهاً حديثه لشهد: في واحد متقدملك و هيجي بالليل.
ماء مثلج وقعت به هذا كل ما شعرت به شهد شعرت و كأنها وقعت في بركة مثلجة في شدة البرد.
شهد بصدمة: عريس إزاي و امتي و فين.
ضحك كل من ملك و زين علي شكلها المصدوم و أردف زين: طيب اقفلي بقك و أنا هشرحلك.
اعتدلت شهد قليلاً فاسترسل زين حديثه قائلاً:  هو مهندس راح ليزن النهاردة الشركة يزن ادالوا رقمي و هو كلمني و الصراحة حسيت إن الولد محترم في كلامه و قال إنه معجب بيكي و عاوز يتقدم النهاردة عشان هو مسافر بكرة شغل برا مصر و احتمال يطول فاستأذني يجي يتقدم رسمي النهاردة و قال هيجي الساعة ٨ بس يا ستي.
شهد بذهول: يا نهار بني.
زين بضحك: بني ليه بس قومي.يلا مع ملك عشان تجهزي الساعة داخلة علي ١ وكمان عشان تساعدوا مامتك في تنضيف البيت.
شهد: طيب متعرفش اسمه.
زين: اه اسمه فهد السوهاجي.
وقع الاسم علي شهد و ملك كالصاعقة و نطقا معا: فهد السوهاجي.
زين بعدم فهم: مالكم اتصدمتوا كده ليه هو انتو تعرفوه.
تداركت ملك الوضع سريعاً قائلة: اااه ايوة يا عمو نعرفه كان دايماً بيجي المستشفي عندنا.
ثم سحبت كف شهد خلفها و: عن إذنك يا عمو هنطلع نساعد طنط و نجهز عشان بالليل.
زين: طيب لو احتاجتوا حاجة أنا هنا.
ملك: ماشي.
صعد كل من ملك و شهد غرفة شهد التي مازالت في حالة صدمة مما سمعته من والدها.
ملك: هتعملي ايه يا شهد هتقابليه.
شهد بغموض: هقابله عادي يعني فيها ايه.
ملك بصدمة: ايه اللي عادي دي هتقابليه ازاي ده واحد همجي و مجرم إزاي هتسمحي لنفسك تقابليه.
شهد بلا مبالاة: عادي يا بنتي ممكن يكون تشابه أسماء بس  متقلقيش كده.
ملك: برودك ده مش مطمني.
شهد: أنا مش عارفة إنتي مكبرة الموضوع ليه عادي يا بنتي محصلش حاجة لكل ده.
ملك: ربنا يستر و يعدي اليوم ده علي خير.
تمتمت شهد بدعاء: يارب.