طفلة قلبت كياني

خمسة فائدة

خمسه فائدة
مش فاكرة ده حصل امتي أو إزاي بس كل اللي فاكراه و هيفضل الحاجه الوحيدة اللي بتتكرر في سيناريو حياتي و هي إن ربنا كان و مازال رحيم بيا.
أنا ساندي بنت زي أي بنت مش بالجمال الأوڤر و لا الكلام الهلس ده كله الناس بتشوف جمالي عادي بس أنا عارفة إني مش عادية أنا حاجة نادرة مفيش مني اتنين في الكون و أظن دي لوحدها كفيلة تديلي ثقة في نفسي و قدراتي و دفعة لقدام و أنا عندي أخين ولاد واحد أكبر مني و التاني أصغر مني يعني زي ما الناس بتقول كده أميرة بيتها .
مش عارفة هحكي إزاي او منين بس أنا هحكي و خلاص، كنت في الثانوية و زي أي حد بيدخل ثانوية و يتفرم في خلاطها لحد ما يتنفخ احنا كنا كده اه نسيت أقولكم احنا اللي هو أنا و سمى تقريباً معنديش صحاب غيرها أنا كائن مش اجتماعي أوي.
و في وسط كل هذه الأحداث و خلاط الثانوية و المذاكرة يظهر كابوس فترة الثانوية متمثل في كلمة واحدة "عمر" أيوة عمر ده يا جماعة تقدروا تقولوا عنه كراش بنات الدفعة اللي هو البنات بتتلف حواليه زي النمل علي اي محدش عارف يلا بينا مع بعض نشوف حكاية الكابوس ده.
******************************************
كانت ساندي في طريقها للدرس تسير متأففة بسبب عدم قدوم سمى معها فهي مريضة، ظلت طوال الطريق تعدل من وضعية نقابها و كتبها بتوتر فهي لا تحب السير منفردة أبداً تشعر بأن عيون الجميع مسلطة عليها، شهقت بفزع حينما ظهر أمامها فجأة مع مجموعة من أصدقاءه.
عمر بسماجة: الجميل ماشي لوحده ليه.
لم تعيره أي اهتمام و التفت من جهة آخري فاعترض طريقها ثانية و من ثم أردف بخبث: مالك بس يا قمر و لا هو انتي مبتكلميش بني آدمين.
ساندي ببرود: عديني.
عمر باستمتاع: لاء.
ساندي بحدة و قد تصاعد غضبها: عديني يا محترم و خلي صحابك دول يوسعوا.
عمر ببسمة سمجة: لاء.
أغمضت عينيها قليلاً تستعيد ثباتها حتي لا تنقض عليه تقتله بأبشع الطرق هذا السمج اللزج القذر ال....
قاطع تفكيرها يده التي تحركت أمام وجهها
عمر ببسمة واسعة أظهرت غمازتيه: اي يا قمر انتي نمتي و لا اي.
ساندي بغضب طفيف: صدقني يا عمر لو مبعدتش من طريقي و خليت صحابك دول يبعدوا هندمك علي اليوم اللي شوفتني فيه.
تابعت بحدة و هي تزيحه بالكتب التي بيدها: و احترم إني واحدة منتقبة و لحد دلوقتي مقولتش لأخويا و إلا كان زمانك متعلق علي باب بيتكم آمين.
ألقت ما ألقته و رحلت بسرعة ترتجف داخلياً من هول هذا الموقف فمهما جرا نحن قوارير ضعيفات لا نقوي علي شيء كبير مهما إدعينا و هذا لا يعيبنا بشيء بل بالعكس فدائماً نحن رقيقات لا نوضع في هكذا مواقف فسبحان الله له في كل شيء حكمة.
عمر POV(وجهة نظر) ــــــــــــــــــــــــــــــــــــــــــــــ
اي البنت دي أنا عمري ما شوفت حد بالشكل ده بس عليها دماغ أنشف من الحجر بس هجيبها يعني هجيبها ما هو مش عمر اللي يترفض.
END POVـــــــــــــــــــــــــــــــــــــــــــــــــــــــــــــــــ
مرت الأيام و زادت مضايقات عمر لها ما بين اعتراض طريقها و مضايقات في قاعات الدراسة حتي ضاق بها الأمر ذرعاً و اضطرت لإخبار أخاها حتي يتصدي له و يضع له حداً و كان أخر هذه المضايقات ما حدث تالياً.
كانت تسير هي و سمي عائدتين من أحد الدروس.
سمى: امتي أخلص ثانوية بقا الواحد زهق.
أكملت بحسرة: أنا خللت جنب الكتب حراااااااام.
ضحكت ساندي عليها مردفة: لا اجمد يا وحش ده احنا لسه في سنة أولي شدي حيلك أمال.
سمى بحسرة: ده أنا عبال ما أخلص ثانوية هكون هرمت يطلعولي تنسيق عالمقابر بقا.
ساندي بهدوء: و اصبر و ما صبرك إلا بالله.
سمى بخنوع: و نعم بالله.
أكملت الفتاتين طريقهما يثرثرون حول الدراسة و ما آلت إليه أمورها حتي وصلت سمى إلي منزلها الذي يسبق منزل ساندي بشارعين فقط.
حالما دخلت سمى لمنزلها و توارت عن أنظار صديقتها ظهر هذا الكابوس.
تأففت بضيق لا تنكر خوفها منه و لكن الأمر زاد عن حده كثيراً و قد عزمت علي إخبار أخيها.
تجاهلته تماماً و اتجهت لإكمال طريقها فاعترضها.
ساندي بملل: هنعيده تاني يا محترم انت.
عمر: طيب اسمعيني طيب.
ساندي: لا مش هسمعك و وسع من طريقي و ابعد عني و عن حياتي بقا.
عمر بحدة: لا هتسمعيني ساندي أنا بحبك.
ساندي بجمود: بت ايه يا عنيا.
أكملت بحدة: تعرف ايه عن الحب يا عيل انت الحب اللي بتتكلم عنه و بتضحك علي البنات بيه بيتلخص في قول نبي الرحمة "إني رُزقت حبها" و كمان لما رسولنا الكريم قال"لا تؤذوني في عائشة" الحب مش اللي انت و غيرك بتعملوه الحب إنك بتحافظ علي حبيبك من كل الناس و أولهم نفسك مش تكون أول حد تجري تلوثه الحب مش مكالمات بعد نص الليل في السرقة الحب واحد راجل دخل البيت من بابه و اتكلم و حب و عمل كل حاجه بس بالحلال مش بالسرقة مش بالحرام و هقولك كلمة واحدة أخيرة لو بتحبني زي ما بتقول بيت والدي مفتوح و لو حضرتك لسه صغير علي المسؤلية يبقا متحبش غير لما تكبر و حاجة كمان"الحلال أجمل".
التفت لتغادر ففوجئت بيد تقبض عليها.
عمر: طيب اسمعيني بس.
التفتت له و قد أقسم أنه رأي الشرر يتطاير من عينيها سحبت يدها منه بعنف و لم يكد يستوعب تلك القوة المفاجأة التي أتتها حتي أتته صفعة مدوية و صرخت فيه بهياج: انت بني آدم قذر و مستحيل تكون غير حيوان و أنا بحذرك ابعد عني أحسنلك بدل ما تندم.

رحلت و تركته ورائها يعيد حسابات حياته من جديد حتي توصل لقرار حاسم في حياته.

تمر الأيام و الشهور و يختفي هذا العمر من حياتها فحمدت ربها كثيراً فهو كان بمثابة كابوسها المرعب انتهت سنتها الثانية و الثالثة و هاهي الآن طبيبة أطفال ماهرة يحبها الجميع عطوفة فكانت خير مثال للحصاد بعد موسم متعب شاق.

أحمد (شقيقها الأكبر): سوسو يا سندس جتلك أهو قبل معادنا كمان كدهو.
ضحكت ساندي عليه و هي تساعد والدتها في وضع الأطباق علي المائدة: بقا ده شكل مهندس علي أعتاب زواج.
أحمد بغرور مصطنع: اي مش عاجبك و لا اي.
ساندي: حاشا لله هو أنا أقدر يا فخم.
أحمد: فخم ماشي يا كبير أختي سواقة توكتوك ياربي.
ضحكوا جميعاً عليه بينما نطقت الأم: القعدة دي ناقصها إسلام ألا هو فين.
إسلام بمرح: أتاكم هادم اللذات و مفرق الجماعات.
أحمد بدراما: قلبي رويحي تعا قلب خيك أكرمك الله.
إسلام بنفس الدراما: خش في عضم أخوك يا فواز.
ضحك الجميع علي مزاحهم و جلسوا يتناولون طعامهم وسط جو أسري هادئ نسبياً 😂😂.
بعدما انتهو من الطعام جلسوا يحتسون الشاي فأردف أحمد بتذكر: صحيح يا بابا كنت عاوز حضرتك في موضوع.
الأب بانتباه: خير يا أحمد.
أحمد: في واحد متقدم لساندي مهندس في شركة كبيرة و محترم و عارف ربنا اي رأي حضرتك.
الأب: والله يا ابني مادام انت عارفه و سألته عنه يجي يتقدم و اللي فيه الخير يقدمه ربنا.

مرت الأيام و جاء اليوم المنشود
ساندي بتوتر: أنا خايفة أوي يا سمى.
سمى بهدوء: اهدي مفيش حاجه اقري المعوذتين و آية الكرسي و كل حاجه هتبقي كويسة.
أومأت لها بتوتر و فعلت ما قالته لها صديقتها و بعد فترة قصيرة دلفت لداخل الصالون بيدها صينية التقديم تضع عينيها أرضاً بخجل فهي لا ترتدي نقابها حيث أن هذه هي الرؤية الشرعية لكليهما.
جلست جوار أخيها تفرك يديها بتوتر و تضع عينيها أرضاً و فجأة خلت الغرفة إلا منهما شعرت بالخوف و رفعت عينيها ببطء ف اصطدمت بهاتان العينان التان تطالعنها بشغف.
عمر بحب: "الحلال أجمل".

وحشتوني جدااااااااااااااااااااااااااااااااااا.
بما إن الروايات حرام في رمضان ف أنا هنزلكم كل أسبوع حاجة زي كده منها فائدة لينا و كمان متعطلناش عن آداء العبادات و أتمني كلنا نجتهد في الشهر المبارك ده.
القصة دي فيها شوية فوائد فياريت نتنافس في الخير و نحاول نطلع أكبر قدر ممكن من الفوائد اللي فيها.
Enjoy sweets 😘😘.