كاتژمێر پێنجی ئێوارەیە و ئانی بەرێوەیە بۆ دارستانەكە نەخشەی ڕێگاكە و نەخشەی هەندێ شوێنی ئەمازۆنی لایە
بەهۆی پیساییەكەوە نەیتوانی بچێتە نێو پاسەوە بۆیە ناچار بوو بەپێ ڕێبكات هەتا ئەگاتە ئەمازۆن
هەندێ خواردنی كڕی و لەنزیك ڕێگای دارستانەكە دەستی بەخواردنیان كرد
سەیرێكی ئاسمانی كرد
ئاسمان ساماڵە و كزەبایەكی كەمی هەیە..هەروەها مانگی نیوە سپی لەبۆشایی ئاسمان خەریكی جێگا خۆشكردنە بۆ نیوەشەوهەوایەكی سارد و شێداری هەیە
ئانی كەمێ ئەترسا چونكە بەتەنها هاتوەتە گەشتێك كە هەرگیز خەیاڵی نەئەكرد ئەمە ڕووبدات وە ناچاریشە ئەوە بكات
لە بەیانییەوە لەرێگایە و ئێستا گەیشتۆتە نزیك ڕێگا خۆڵەكەی كە بۆ ئەمازۆن ئەڕوات…
رۆژی ڕوداوەكە بەهەمان رێگادا هاتن و تەزوویەك بە لاشەیدا هات..
ڕۆیشت و بەترسەوە ئەیڕوانیە دەورو پشتی تاوەك و ئاگاداری هەر هێرشێكی لەناكاو بێت..
بەدرێژایی ڕێگاكە ڕۆیشت و ڕۆژگار كۆتایی پێهات و بووە شەو..
ئانی لاییتەكەی هەڵكرد و بەڕێكەوت بۆ شوێنی ڕوداوەكە…
زۆر شوێنی سەیر كرد بە ترسەوە بەڵام لەیادی نەبوو كە چووە كام شوێن ئەوكاتەی لۆرێنی بینی..
ساردی كەشەكە ئانی هەڵئەلەرزاند لە سەرمادا…
ئانی بۆساتێك وەستا و جانتاكەی لەشانی هێنایە خوارەوە و چاكەتێكی گەرمی دەرهێنا كە پێشتر تەنها وەك كەلوپەلێكی زیادە سەیری ئەكرد..
ئانی :- ئۆو كێ ئەیزانی چاكەتە خورییە زیادەكەم بۆ كاتێكی ئاوها بەكەڵكم دێت , ئەم چاكەیەت لەبیرناكەم چاكەتە خورییەكەم…
لەگەڵ خورییەكە قسەی ئەكرد و لەباوەشی كرد دواتریش لەبەری كردبۆ ماوەی كاتژمێرێكی ڕێك بەو ناوەیا گەڕا بەڵام هیچ ئاسەوارێك یاخود شتێكی نەدۆزییەوە كە بیبات بۆ لای شوێنەكەی لۆرێن…
ئانی :- پێویستە ئاگرێك بكەمەوە و ئەمشەو لەشوێنێك بمێنمەوە..واباشترە بەیانی بگەڕێم…ئمم دارستانی ئەمازۆن ئەوەندەش ترسناك نیە كە باسیان ئەكرد
شانەكانی هەڵتەكاند و دەستی كرد بە كۆكردنەوەی دار..دارەكانی كەڵەككرد و شقارتەیەكی دەرهێناو ئاگرەكەی كردەوە …
دانیشت و چیلكەیەكی باریكی هەڵگرت و وێنەی هێماكەی سەرشانی ئەكێشایەوە لەسەر زەویەكە و لەگەڵیشیدا گۆرانی ئەوت..((ئەنگوستیلە…ئەنگوستیلە…گرانبەهاو جوان و بریسكەدار..ئانی ..لەپەنجەی بكە…ئەوە شتێكی جوانە..لالەلا..))
بەردەوام ئەو دەستەواژەیەی ئەوت كە دایكی هەمیشە پێش خەوتنی ئانی بۆی ئەوت..
YOU ARE READING
Hungry Wolf IN Amazon Forest گورگی برسی ⬅دارستانی ئەمازۆن➡
Werewolfدەسپێك7/1/2021 ئانی كچێكی ڕەشپێستی ئەفریقییە.. بەڵام دانیشتووی بەڕازیلە خولیای فێربونی زمانی ئاژەڵەكانی هەیە و لەخانەوادەیەكی هەژارە ڕۆژێك بەمەبەستی گەشتی قوتابخانە دەڕۆن بۆ دارستانی ئەمازۆن.. بەڵام توشی هێرشی گورگەكان ئەبێتەوە و مامۆستا و هاورێكانی...